MATIUS 12:28 - ALLAH NIHYET MEM TUNGWATU NYA

²⁸ Noro dijji ninnei rom nya tug hon nisindemti di kwei leu Allah Ninnei. Diyai munti dima ne mun di bindo bipia Allah Ninyeng Tak Kepti tau kep je tu ri.

MATIUS 12:28 ပူးပေါင်းရင်းမြစ်များ

DANIEL 2:44

Ei nijam dino nibou ndig cin dima inyeng tak kep lene Allah ei gwamti mita Nonti ninyeng tak kepti di bit bon ug hon nohonti kan bi. Bit bon nibou ndig dihyeisi dini bitut ide tentara yahagom cem ibindei ba, Allah ninyeng tak kepti cut bak yoni kan bi. Noro ninyeng tak kepti dima mibindei timek nibou ndig bitut ide tentara pima yok yahagom ba, isar bingwig.

DANIEL 7:14

No di niyaijo kikau yai ninyeng di jei kin nisindemti binoni noyam kin nibou ndig. Apino bikwop timiei minu nya kin mben nya kin gi imbrap ighyet hiter nya yahagom ikuk yok bak. Nide nisindemti jo ninno bijo kikau ba, ninyeng tak kepti ug hon nohonti bi sren cem.

MATIUS 12:18

“No dini ne Ditde Awak rin ba, didimig Noni ei su. Dingon ngakei Noni bidingat dingwes ei Noniti cem. Midikes Dinnei ei Noni dip leu api Noni mitri tut dingon kanti bak ngkiai nya yahagom.

MATIUS 12:29

Bit bon tungwagom nggek no di sindem nide ig bipos ndigban kan bi bibou ba kuk biteu no di sindem bingkiem nipou ug e leu api pos nide ndigban nya hagom bingwig ug.

MATIUS 21:31

Gima rino jindo igbit gi tou riyai igbit nicig nicuk noti i?” Lene imam ndig nya kin nibou mben Yahudi nya ibuhup “Nipmot mighumbou a.” Gima rino Yesus sok kep yok “Ma jiyok ngon kep bipia yo di igya tindei belasten bigyem jimuhup kin sop sundal nya micoi bit Allah Ninyeng Tak Kepti njiriek je.

MATIUS 21:43

“Gima rino ma jiyok ngon kep bipia Allah mitug Nide Ninyeng Tak Kepti leu je leu api mikes bak yo di ningat di kei ntun yok him. [

MATIUS 4:24

Gima rino ninghapti tibim bidem hanjop Siria nisurti-nipekti apino tungwatu nya ibuwak yo di inggwen kin yo di imai-mai nyen kin yo di ninnei rom ya ingonti kin yo di ibuwei kin yo di las hwen yok cem hagom kwei leu api Noni bindei ba, ikei hanyen.

MATIUS 6:33

Noro ma jibrim jingkek mem nikuk je bak Allah di ninyeng tak kep jeti ba, jiyai igbit ningon kanti nipou ug e. Leu api Noni miyai mun di nindigsi pima hagom bije.

MARKUS 1:15

Bipai “Tto bou dem tu. Allah Ninyeng Tak Kepti dideu su. Ma jittin ser jide sisar bijikiek ndam Allah. Ma jiba jingon com Nihyet Di Kei di kwei leu Noni!”

MARKUS 11:10

Allah e, ayai gi kei bak icig Daud ninyeng tak kepti di mikwei yo o! Jikwei ba, inggei sut Allah o!”

MARKUS 16:17

Mun di bindo bipia yo dima iba ingon com Da mungkun rino iba dinyeng bijji ninnei rom nya leu tungwatu nya ingonti ba, iba nihyet hiter di ingon dorti bi bimbrap.

LUKAS 10:11

‘Nikit nimig tut jide dihyei ndung di rap nimig jou leu nok mun di bindo di biki jingon. Noro ma jiyok ngon kep bipia Allah ninyeng tak kepti dideu kwei ei jikieti tu!’

LUKAS 11:20

Noro dijji ninnei rom nya tug hon nisindemti di kwei leu Allah. Diyai munti dima ne mun di bindo bipia Allah ninyeng tak kepti sindi kwei ttau kep je.

LUKAS 16:16

Allah niggai serti di tug hon Musa kin nabi nya ipas kepti mbut kikau kwei bipek nijam di Yohanes di tur tungwatu nya ei minyeiti ningat ri. Hon kep nijam dima kwei lene tungwatu nya itri tut Nihyet Di Kei tut Allah ninyeng tak kepti. Lene yo di ibungwam mem gima icoi nya yahagom itug hon.

LUKAS 9:2

Lene Noni pinak yok biyuug bindei yo di inggwen nya bikei hanyen. Lene itri tut Allah ninyeng tak kepti.

KISAH 10:38

Jikan tut bipia Allah dimig Yesus di timiei minu ndig Nazaret leu api kes Allah Ninnei bigwam ei Noni dip bisindem tut Noni cem. Jikan tut bipia Yesus mbut nimig bidem hanjop nsi dima yok hagom bingondut tungwatu nya. Noni bindei ba, yo di Bilis ninyeng tak kep yok ikei hanyen lewo Allah ningat rin kin Noni.

ROMA 14:17

Lewo Allah ninyeng tak kepti ket ei njita di igyem kin ndia ngei di idut bi. Noro coi ei nibit Allah ningon kanti kin ningon jo nyahanti kin ningon llei biborti ba, mun dini yok hagom ntun Allah Ninnei him.

KOLOSE 1:13

Allah teu nye leu nidinditi de nisindemti bibuwak nye bingwes ngun ug ei Nipmot di Allah ningon kieti Ninyeng Tak Kepti tu.

IBRANI 12:28

Gima rino ma ipai sigyo bak Allah lewo Noni bindei ba, iba nyekep ninyeng tak kepti di bit bon ugwa-kwei kan bi. Ma inggei sut bittin tut Noni bipai sigyo biNoni tug hon nisinati di bindei ba, joi sut nye.

YOHANES GI NIGOM 3:8

No di bon sisar ninyen jem niceu bit Bilis lewo Bilis bon sisar ninyen habiei leu nimbie him kikau kwei bipek ammani kep. Gima rino Allah Nipmot kwei ei dihyeisi dini leu binhyepo nggek tut Bilis de midyai nya.