MATIUS 12:18 - ALLAH NIHYET MEM TUNGWATU NYA

¹⁸ “No dini ne Ditde Awak rin ba, didimig Noni ei su. Dingon ngakei Noni bidingat dingwes ei Noniti cem. Midikes Dinnei ei Noni dip leu api Noni mitri tut dingon kanti bak ngkiai nya yahagom.

MATIUS 12:18 ပူးပေါင်းရင်းမြစ်များ

MAZMUR 89:19

tuhan e, Nangkom adimig no di ya srak ko hagau nye tu. Na di mben Israel ide Allah Di Kwes-Kwau e, Nangkom ata nyende nibou ndig.

YESAYA 11:2

tuhan ninnei micoi ug ei ningonti leu binhyepo ningon ki. Nintin kimbo cem ba, nikos tutti nya hagom mipek kep mem tungwatu nya. Noni miba ningon com Allah bikuk no ei Noho bei.

YESAYA 42:1

tuhan pai “No dini ne Ditde awak rin ba, dahati tut noni bididimig noni ei cem ba, dingat dingwes ei noniti. Midikes dinnei ei noni dip leu api noni mitri tut ningon sren-srausi bak ngkiai nya gom-gom ei dihyeisi dini hagom.

YESAYA 52:13

tuhan pai “Ningat ne Ditde awak miyai nide midyai nya biput apino tungwatu nya minggei sut noni bikon ninyenga.

YESAYA 53:11

Gima rino tuhan pai “Niabiati Ditde awak dima yai ninghuisi wei leu su lene noni miyai nillei bu lewo kan bipia noni yai ninghuisi wei mikui-kausi bi. Ditde awak mibindei ba, dijoi sut noni drek dip gi noni yai tungwatu nya imang bibor ide hukum ei noni dip. Midikos ser ide sisar tug hon nide niyai munti dima.

YESAYA 62:2

Minu ndig Yerusalem e, ngkiai nya yahagom mingat bou igyai him bipia abindei timek ade siceu nya yahagom. Nibou ndig nya yahagom mitou kep anyeng jeisi. Anyeng nijep miluei nitimiei hanyen bu ba, tuhan Nonti rino yai ninyeng nijep dima bina ba.

YEREMIA 16:19

tuhan e, Nani rino anyohou da. Ayai nisindemti bida ba, ampu da mem nijam di mun di buhun cut igkep da cem. Ngkiai nya di ikwei leu dihyei nohon keti mikwei ngat Na bipai “Nidigup bat-nidigai bat nya ide kwar nya ibon inyeng bi bibor.

ZAKHARIA 3:8

Imam Nibou Ndig Yosua kin je di imam nya di jiya kui noni e, ma jingig jitingou mem dihyet. Jahagom jinok bindo tut nijam di kei ei nidipti bu ri. Midihig Ditde awak di ninyeng ‘Biei Biop’ kwei.

MATIUS 12:17

Leu binhyepo mun di Allah pai tug hon Nabi Yesaya mipek kep mem Yesus,

MATIUS 17:5

Tirigi Petrus kes nihyet bigyo rino bumbuhui ttou di piga kei gom juk kwei binggai yok. Leu api nihyet gom tibim kwei leu bumbuhui dima bitri tut “No dini ne Dipmot di dingon ngakei rin ba, dijoi sut Noni. Ma jimiap kep Noni nihyet!”

MARKUS 1:11

nihyet gom tibim kwei leu mpia-bbed him bipai “Nani ne Dipmot rin ba, dingon ngakei Na bidingon kei sut Na cem.”

MARKUS 9:7

Leu api bumbuhui ttou gom juk kwei binggai kep yok ba, nihyet gom tibim kwei leu bumbuhui ttou bipai “No dini ne Dipmot di dingon ngakei rin ba, ma jimiap kep Noni nihyet.”

LUKAS 23:35

Tungwatu nya di induk yam ei sirima itou kep hak. Noro nibou ndig mben Yahudi nya iba ighyet bicig Noni bipai “Noni teu yo di hiter ba, ingwes ngun. Gino Noni ne Nibou Ndig di teu tungwatu nya biyai niyaijo nijep biyok di Allah ndo ei su ningat-ngat rin lene ma teu Nonti hak biningwes ngun.”

LUKAS 3:22

leu lene Ninnei Gi Kwes di luei nitta binok hakimoi dwop juk bigwam ei Yesus dip. Leu api nihyet gom tibim kwei leu gwamti bipai “Nani ne Dipmot rin ba, dingon ngakei Na bidijoi sut Na cem.”

LUKAS 4:18

“Allah Ninnei ningat rin bit Da lewo Noni ta Da leu binhyepo ditri tut Nihyet Di Kei bak yo di yuhui mbum nya. Noni cuk Da kwei leu binhyepo dibon nituti mem yo di isima nya bigyati kwes hanyen kin yo di igyai tu nya bigyai da hanyen kin awak nya bingwes ngun leu yo di imbuk nya cem ba,

LUKAS 9:35

Leu api nihyet gom tibim kwei leu bumbuhui dima bitri tut “No dini ne Dipmot rin ba, didimig Noni ei su. Ma jimiap kep Noni nihyet!”

YOHANES 3:34

No di Allah cuk kwei tri tut nihyet di kwei leu Allah lewo Allah kes Nonti Ninnei titut yam ei ningonti.

KISAH 10:38

Jikan tut bipia Allah dimig Yesus di timiei minu ndig Nazaret leu api kes Allah Ninnei bigwam ei Noni dip bisindem tut Noni cem. Jikan tut bipia Yesus mbut nimig bidem hanjop nsi dima yok hagom bingondut tungwatu nya. Noni bindei ba, yo di Bilis ninyeng tak kep yok ikei hanyen lewo Allah ningat rin kin Noni.

KISAH 11:18

Tirigi mben Yahudi pima yok imiap Petrus nihyet lene itte tut noni bu bi. Lene inggei sut Allah bipai biyam “Gi nok ne Allah bon nituti mem ngkiai nya ittin ser ide sisar bikiek ndam Allah bigyai niyaijo nijep cem.”

KISAH 14:27

Tirigi ikwei krau minu ndig Antiokhia ei hanjop Siria hanyen tu lene induk yo di inggre kin mbusyamei kwei bipui kep midyai di Allah bibon tug hon yoni kin notou Allah tin puig mem gima ngkiai nya cem ingon jo kep Yesus.

EFESUS 1:6

Jikwei ba, inggei sut Allah di ninyeng jei drek dip nisingat tut nyeti di Noni njei bak nyeni tug hon Nipmot di Noni ningon him ngi-ngat!

KOLOSE 1:1

Srat dini leu da di Paulus ba, diya kui Kristus Yesus bit leu Allah ningon kanti mem da. Disut Timotius ba no bikum da ba, nipas kep srat dini,

KOLOSE 1:13

Allah teu nye leu nidinditi de nisindemti bibuwak nye bingwes ngun ug ei Nipmot di Allah ningon kieti Ninyeng Tak Kepti tu.

PETRUS GI NIGOM 2:4

Gima rino ma jikwei tti kin Noni lewo Noni ne tig di niyaijo ri. Ningot kep ig cig nya ikou sut tig dima noro Allah dimig tig dima ei lewo kan tut bipia bon ninyeng mem ig nikiou.

PETRUS GI NICAN 1:17

Nyeni ningat rin bit Noni ei mpe di Nicig Allah kon Noni ninyeng biyai nikei-kau-keisi bak. Mpe dima lene nihyet gom tibim kwei leu Allah Di Sieng-Siau nuhui him di pai biNoni “No dini ne Dipmot di dingon ngakei rin ba, dingon kei sut Noni.”