MATIUS 12:10 - ALLAH NIHYET MEM TUNGWATU NYA

¹⁰ no di ninda nite hi mai cem no rima. Lene ibou poi di itin ei mem ipai kep Yesus drek dip Nide midyai nya cem yo rima ba, ihig singgre Noni “Allah niggai serti sindui sut nye ba, ibindei tungwatu nya ikei hanyen mem Njap Nigwam Kep Ninghuisi e? He sindui sut nye bi e?”

MATIUS 12:10 ပူးပေါင်းရင်းမြစ်များ

YESAYA 32:6

No di ningkek ndok nuhui buwei ba, kos dat mun di mbuk bibor cem. Noni ba niyai munti kin nihyet binim kep Allah bikwas njita tut yo di inggum bitau ndia ngei bak yo di inggobiau bi sren.

YESAYA 59:13

Nikon Nani nok nyende tuhan bi ba, naham nimbuk kep Na binikou sut Na cem lene nikou sut gi nibit nyende Allah tu. Nico kep yo di hiter ba, nico tunggwei puig di nijit cem tu. Nikan-kan nyenti srawir ba, nisuglai munti hei leu nuhui him.

YESAYA 59:4

Jittei jide munhyet bijiya ei nikei noho bei lene jibipai kep hiter mikui-kausi. Nisren-srausi tti kin je bi. Jisuglai mun ba, jiba jingon com mun di ugwai-gwai he. Jitin ei jingon kanti mem gima jipai kep hiter ba, jibibon mun di kinei.

ZAKHARIA 11:17

Gembala di kinei di kes nimpung domba nya ei dima mitug ndei nisigion noti! Pran mibicut mimbri di kui ningkek hak. Ninda pang mijet bibor lene niyai nite bei ninda com mitu hak!”

MATIUS 12:2

Tirigi Farisi nya ingat igyai munti dima lene inso tut bak Yesus bipai “Angat i! Nggon rino yo di igya kui Na ibon mun tunggwei sut ide Allah niggai serti mem Njap Nigwam Kep Ninghuisi i?”

MATIUS 19:3

Lene Farisi nya ibou poi ittau kwei bihig singgre Noni “Ide Allah niggai serti sindui sut tungwatu nya ikos tut bipia ikou sut itnem mikui-kausi e?”

MARKUS 3:2

Tungwatu nya igyok igyai kep bipia ma Yesus bindei ba, no dima mikei hanyen mem njap nigwam kep ninghuisi e? Nok leu binhyepo bon nituti mem ipai kep Noni.

LUKAS 11:54

ibingon mem gima iba nimbrap tunggweisi bisrou Nonti hanyen.

LUKAS 13:14

Nibou mbusyamei ningon sibui sut Yesus di bindei ba, sop dima kei hanyen mem Njap Nigwam Kep Ninghuisi. Gima rino noni pai bak yo di idem yam ei dima “Nyeni igyai kikep ide midyai nya mem las gom kikau ug bipek las muhwindagom. Gima rino ma jikwei yai gi kei hanyen mem njap ngot dima noro ma jikwei yai gi kei hanyen mem Njap Nigwam Kep Ninghuisi au!”

LUKAS 20:22

Gino nigo belasten bak nibou Kaisar Roma gau nyenti lene niyaisi dima tunggwei sut Puig Yahudi nidimig sutti e?”

LUKAS 23:14

bipai biyok “Apo jibuwak No dini kwei bijipai sut Noni bipia kes ningon bak ditde limwa nya. Dimbus ningonti ei joho bei tu noro jo nibreisi bipia ningon mui bi. Noni yai mun tunggwei bit leu nok jipai kep Noti pima bi.

LUKAS 23:2

Ikkin kep Yesus ninghapti ei sirima bipai “Nittau kep No dini tirigi Noni kes ningon bak ade limwa nya. Noni pai ser tungwatu nya bipia ma igo belasten bak Kaisar au noro jem Nonti ninyeng bipia Nibou Ndig di teu tungwatu nya biyai niyaijo nijep biyok.”

YOHANES 5:10

Gima rino nibou mben Yahudi nya isok kep no di sindi kei hanyen dima “Harin dima akon ade kwo di abongti a. Lewo njap di ammani ne Njap Nigwam Kep Ninghuisi ri.”

YOHANES 5:3

Yo di inggwen imang bibor induk yam kwei ei mpia dima drek dip igyai di tu kin imig di lit kin ingut di nggicai cem ba, yahagom ibong sinsiou ei ig jibei nsi nya. [Ingon ya mem minyei ugyou dima niroisi.

YOHANES 7:23

Gino jibon midut dima mem njap nigwam kep ninghuisi leu binhyepo jipigau Puig Yahudi nicukti nya bi lene nggon rino jingon sibui sut Da drek dip gi dibindei ba, tungwagom kei hanyen mem Njap Nigwam Kep Ninghuisi i?

YOHANES 8:6

Ipai nok leu binhyepo isrou Yesus lene gima bon nituti mem ibipai kep Non drek dip. Noro Yesus ndun bou bitou kep dihyei ninjek dip lene ba ninda pijum bipas ei dihyeiti.

YOHANES 9:16

Farisi nya ibou poi isimbot kep biyam “Jo nibreisi bipia No di bindei ba, no dini niyai da hanyen ntun Allah him bi lewo niyai munti dima bit nidimig sutti tut Njap Nigwam Kep Ninghuisi bi.” Noro hiter isrep “Notou no di bon sisar bon mindur dini i?” Lene isrep yam.