MATIUS 11:5 - ALLAH NIHYET MEM TUNGWATU NYA

⁵ Lewo yo di igyai tu nya igyai da hanyen. Yo di imig lit nya imbut imig hanyen. Yo di bras yem yok nya ikei hanyen. Yo di itingou nam nya itingou tu hanyen. Yo di imai nya igyaijo hanyen bu ba, Allah Nihyet Di Kei tibim ei yo di ihwap mbum nya itingou nsi tu.”

MATIUS 11:5 ပူးပေါင်းရင်းမြစ်များ

NIBOU NDIG NYA GI NICAN 5:14

Gima rino noni ug ei Yordan nyai bitur nonti eisi mbimuhwindacan bit leu nok Elisa nicuk noti apino yai ningkek ngun eisi hanyen ba, ningkek dia kei dem kep nok munggwom pilei ngkek.

NIBOU NDIG NYA GI NICAN 5:7

Lo bi lene tirigi nibou ndig mben Israel kwop srat bokti dima lene ningon buhun bibor birik nide sinsun nibou ndig leu api simbot dat “Ayo! Nggon rino nibou ndig mben Siria kan bipia disindem mem gima dibindei ba, no dini miyai ningkek ngun eisi hanyen i? Noni kan bipia dani ne Allah rin ba, dibindei ba, tungwatu nya igyai niyaijo kin nimai e? Jo nibreisi bipia noni ba srat dini biwaisi da!”

MAZMUR 146:8

lene bindei ba, yo di igyai tu nya igyai da bingat mpia hanyen. Noni kon yo di icut nya bikiju hanyen ba, ngondut Nide limwa di ingon sren nya.

MAZMUR 22:26

Midinggei sut Na di Allah ei Ade limwa nya yahagom yoho bei tut Ade midyai nya hagom. Midibon midut nindig mindhe kep humti ei yo di ikuk yok biNa yoho bei bit leu nok dipreu ei mem Nani tu.

NEHEI LEUSI 4:11

Lene tuhan buhup “Tou ripai tes tungwatu nya yuhui i? Tou ribindei dino tungwatu nya itingou nam ba, ibbwe cem i? Tou ribindei dino tungwatu nya igyai piga ba, igyai tu cem i? Da di tuhan diyai mun dima yok hagom kan.

YESAYA 29:18

Mpe dima lene yo di itingou nam mimiap srat di hi kwop kep ba, yo di igyai tu di igwam ei nidinditi igyai mipiga bingat mpia cem.

YESAYA 29:19

Nuhui mbum nya kin nikinei-kinau nya mikiju bingat ingwes ei ninggei-hi-nggei di mben Israel ide Allah di kwes yai biyoti hanyen.

YESAYA 43:8

Allah pai “Ma jicuk Ditde limwa nya di ibon igyai njep noro igyai tu nya kin yo di ibon itingou meng noro itingou nam ser nya yahagom ba, induk yam kwei ei nikei noho bei.

YESAYA 66:2

Dangkom dipai tes mun dima yok hagom bou dinda him! Dijoi sut yo di iba ibou coi mem Da kin yo di ittin ser ide sisar kin yo di ittin tut Da kin yo di ibit dihyet.

ZAKHARIA 11:7

Gima rino dibon danti bidinok gembala drek dip nitri-nipek domba cig nya di itin ei mem gima ikos nya leu api dibon tom can. Dijem tom gom ninyeng ‘Nisingat tutti’ lene dijem tom gom ninyeng ‘Nibicom yamti.’ Leu api dikinyon ei niya serti bidinyohou domba dima yok.

MATIUS 10:8

Ma jibindei ba, yo di inggwen ikei hanyen lene jiwin yo di imai nya bikiju hanyen leu imai eisi. Ma jibindei ba, yo di bras yem yok igyai ingkek ngun eisi hanyen ba, jijji ninnei rom nya leu tungwatu nya ingonti. Diyai nisindemti dini bije mikuisi hak bijipek bi. Gima rino ma jibindei ba, tungwatu nya ikei hanyen mikuisi hak ba, ibirop hanyen bije au.

MATIUS 11:4

Leu api Yesus buhup “Jingkwei hanyen ug ei Yohanes nidim ba, jipui sut mun di jimiap ei jitingou nsi kin mun di jingat bou jiyai him bak.

MATIUS 12:13

Lene Yesus pai bak no di ninda mai “Atit anda.” Noni tit ninda di mai leu api ninda kei hanyen dem kep ninda nite hi cem.

MATIUS 21:14

Mpe dima ne yo di igyai tu nya kin yo di imig-inda hom nya induk yam kwei kep Yesus ei Tuhan De Ig leu api Noni bindei ba, yahagom ikei hanyen.

MATIUS 5:3

“Bikwop yo di ikan tut bipia isindem bi lo, iba ingon com Tuhan he ingon nggei-hi-nggei lewo inggre kin Allah Ninyeng Tak Kepti tu!

MATIUS 9:30

Gima rino igyai da hanyen. Noro Yesus sok kep yok ngkiem ser “Ma jipui sut mindur dini bak hiter au.”

MARKUS 7:37

Yo di imiap tut mindur dima yahagom inggap leu tut nindig bibor. Ipai “No dini bon mun di hagom mungkun kei. Noni bindei ba, yo di itingou nam nya itingou tu hanyen ba, yo di iji nggicai nya iji nggriu bimbrap hanyen cem.”

MARKUS 9:25

Tirigi Yesus ngat lo, tungwatu ningot ndig hi kin bu induk yam kwei binggreu ttai Noni lene cuk ninnei rom dima bipai “Ninnei di bindei niji nggicai kin nitingou nam e, dicuk na bipia ahei bihigom ba, acoi ug ei ningonti bu au!”

LUKAS 4:18

“Allah Ninnei ningat rin bit Da lewo Noni ta Da leu binhyepo ditri tut Nihyet Di Kei bak yo di yuhui mbum nya. Noni cuk Da kwei leu binhyepo dibon nituti mem yo di isima nya bigyati kwes hanyen kin yo di igyai tu nya bigyai da hanyen kin awak nya bingwes ngun leu yo di imbuk nya cem ba,

YOHANES 10:25

Yesus buhup “Dipai brei bije tu noro jingon jo kep Da bi. Diyai midyai tug hon nisindemti di Dicig yai biDa ba, midyai dima ndo bindo tut Da.

YOHANES 10:38

Mbro nok gino jingon jo kep Da bi lo, gino diyai midyai bit leu Dicig ningon kanti ne ma jingon jo kep Ditde midyai hak ug leu binhyepo jikan tut mungkun bipia Dicig kin Dani ninok gom kin yam.”

YOHANES 2:23

Tirigi Yesus sisip ningat rin ei minu ndig Yerusalem mem Njap Ndig Paskah lene tungwatu nya imang bibor ingon jo kep Noni lewo ingat mindur di Noni bibon nya bou igyai him.

YOHANES 3:2

Mpe di gom lene noni ug ngat Yesus mem mmun bihig ser Noni “Guru e, nikan tut bipia Nani ne guru di Allah cuk kwei ri. Gino Noni ningat rin bit Na bi ne bit bon abibon mindur nok gi abibon dima kan bi.”

YOHANES 5:36

Mun nyeng gom di bindo tut Da nindig bibor dor njiriek bindo di Yohanes ndo pima. Dicig cuk Da mem diyai kep midyai apino midyai di diyai kep nya hagom bon ninyeng dor njiriek mun di Yohanes tri tut Da. Ditde midyai nya ndo brei bipia Dicig cuk Da kwei.

YOHANES 9:7

bicuk noni “Aug ba, apiap ayai ei Ugyou Siloamti.” (Gi ikiek ninyeng Siloam ne noyam kin ‘Pinak Tu’.) Gima rino no dima ug bipiap niimaisi leu api ngkwei hanyen kin niyai di da tu.

KISAH 2:22

Disut bat mben Israel jen, ma jingig jitingou mem dihyet. Allah ndo midyai bak Yesus leu minu ndig Nazaret mem je. Gini jo nibreisi mem je tug hon mindur kin bindo di Allah bibon tug hon Noni ei jikieti bijikan tut mun dini yok hagom tu.

YAKOBUS 2:5

He disut bat di dingon kieti jen, ma jiyok ngon kep bipia Allah dimig nuhwap mbum nya ei dihyeisi dini bibindei ba, inyeng tut ide niba ningon com Yesus Kristusti. Yo dima micoi bit Allah Ninyeng Tak Kepti di Noni preu ei mem yo di ingon ngakei Noni.