MATIUS 11:30 - ALLAH NIHYET MEM TUNGWATU NYA

³⁰ Lewo dicuk jeti nya mibiyai jingon nggan hanyen ba, minai di diba dingon com je tut mibuhun tak je bi.”

MATIUS 11:30 ပူးပေါင်းရင်းမြစ်များ

NIPINGOK NINGONTI 3:17

Ningon kiti mibindei ba, abong kei agwam kei bicuon ayaisi cem.

MIKHA 6:8

Nok bi! Lewo tuhan ndo brei binye tut mun di kei di Noni joi sut tu. Noni yok ningon mem gima igyai munti nya hagom sren kei kin gi ibrim ingkek mem ningondut yamti bingon ngakei Noni cem buug hon nohonti bi lene igyaijo nok gom bit ide Allah ba, iba ibou coi mem Noni cem.

MATIUS 12:1

Mpe di gom ne Yesus mbut kak puig ei miai gandum nghousi mem njap nigwam kep ninghuisi leu api yo di igya kui Noni inggum bibinot gandum ninjep gom-gom bigyem.

YOHANES 16:33

Ditri tut dihyet bije leu binhyepo jingon jo nyahan tug hon jinok gom kin Da. Tungwatu dihyeisi dini igyai ninghuisi wei bije. Noro ma jibrim jingkek! Lewo dihwen bitimek nisindemti nya ei dihyeisi dini tu!”

KISAH 15:10

Nggon rino jisrep tut Allah ningon kanti tug hon mun di buhun di jikes ei yo dima inghat dip i? Lewo bit bon nyeni ide pung di intun him nya kin nyeni cem ibiang mun dima kan bi.

KISAH 15:28

Allah Ninnei kin nyeni nahagom nice tut yam hyet ba, minikes nicukti di buhun nindigsi nya ei jinghat dip bi noro nisok kep je tut nicukti di bon ninyeng.

KORINTUS GI NICAN 4:17

Mun di buhun tak nye di jo kikau di bon ninyeng bi dini bie tut nye ug ei ningon llei sutti di mindur di jo kikau. Gino ibinai hacem kin yam ne ningon llei sutti dima nindig bibor dor njiriek mun di buhun tak nye.

GALATIA 5:1

Nyeni igyati kwes lewo Kristus kwek nye tu. Gima rino ma jikrau kep jide niyati kwes dima. Ma jibiam bon di bindei bijinok awak hanyen bu au.

GALATIA 5:18

Gino jibit Allah Ninnei nibie tut jeti lene Puig Yahudi niggai serti ninyeng tak kep je bu bi.

FILIPI 4:13

Kristus sindem tut da leu binhyepo diba nisindemti dima bikiek doho ndam mun di cut igkep da hagom.

YOHANES GI NIGOM 5:3

Lewo ningon ngakei Allahti bindei ba, ibit nicuk nyeti nya sindam lene nicuk nyeti nya buhun tak nye bi.