MATIUS 11:3 - ALLAH NIHYET MEM TUNGWATU NYA

³ ihig ser Noni “Nani ne no di kwei bit leu Allah nipreu ei mem nyeti tu rin e? He suar nyeni ningon ya mem hiter bu e?”

MATIUS 11:3 ပူးပေါင်းရင်းမြစ်များ

NITRITI 12:3

Midinjei mun di kei bak yo di injei mun di kei bak nani. Noro midisigion yo di isigion nani bu. Midinjei mun di kei bak mben dihyeisi dini hagom tug hon nani.”

NITRITI 3:15

Midibindei ba, na di wou kin no di sop jiba nitok biyam apino yo di intun nani him kin yo di intun no di sop him miba nitok biyam bu kikau. Nipmot mporo mitam abou ngwak lene mporo nani ma aham imig kien.”

NITRITI 49:10

Yehuda mikrau nibou ndig de tom ei nindati ba, nide nintun him yamti di bram yam nya inyeng tak kep ide limwa nya bijo ninno. Mben nya migo belasten binoni bikuk yok ba, iba ingwak bikik mpia ei noho bei.

MAZMUR 118:26

Ma tuhan njei mun di kei bak no di kwei tug hon Nonti ninyenga! Nye di nigwam ei tuhan De Ig ninggei sut je di jicoi kwei.

YESAYA 7:14

Nogindini tuhan Nonti mindo bindo di bitto mem je. Sop gwam nitta pilei gom di nghop tu misrek tut nipmot leu api jem ninyeng Imanuel.

HOSEA 3:5

Noro nijam di mben Israel ingkwei hanyen ndam tuhan di nok ide Allah kin ide nibou ndig di ntun Daud him cem mitau kep yok ei nidipti bu. Mpe dima lene yoni mittin tut tuhan bikuk yok biNoni leu api Noni minjei munkwas di kei bibor kei tut yok.

OBAJA 1:21

Nicok tut siceu cig di igwam ei minu ndig Yerusalem nya mibindei timek mben Edom bicok tut yok. Leu api Da di tuhan dinyeng mitak kep Ditde limwa nya bidinok nibou ndig.”

MIKHA 5:2

tuhan mikes Nide limwa nya ei siceu nya indati kikau bibou sop gom di Noni ndo ei nok no di ninyeng jei dima nipmem misrek tut noni ug e. Gima ngwig leu api nintun yam him nya di isima ei ingkiaisi mingkwei hanyen kwei binok gom kin ide bat nya ei itimieisi bu.

HAGAI 2:7

Midibindei ba, ngkiai nya yahagom ide minu ugwa-kwei leu api ittei ndigban di ide nya hagom kwei ei minu ndig dini leu binhyepo Ditde Ig mpung tut ide mun di inyeng tut nya hagom.

ZAKHARIA 9:9

Je di timiei nungug Sion e, ma jingon llei bibor! Je di timiei minu ndig Yerusalem e, ma jiba jingon di kei bibor bikon jihyet! Jingat i! Jide Nibou Ndig kwei ndam je ba, bindei timek Nide siceu nya! Noni ne nibou ndig di ningon sren-srau di kwei sut niteu je bijingwes ngunti. Noni ba nibou coi bigwam ei keledai nehen pap ningut gom dip bikwei ndam je.

MALEAKHI 3:1

tuhan Di Sindem Bibor buhup “Midicuk tungwagom di tri tut dihyet bibie leu binhyepo tin puig mem Da. Leu api tuhan di jipai bipia jingon mem kep ser dima mitau kros ei Nide Ig. No di dipinak di jipai bipia jinggei ngwig sut mikwei tri tut Ditde gi preu.”

MALEAKHI 4:2

Noro Ditde nisindemti di teu je mitau kep je nok mpia nipriti ba, nimbai di nok mpia nimbai mibindei ba, jikei hanyen. Jiyati kwes bijingon nggan-triot dem kep sapi pmot di sindi hei leu sar nsi.

MBEN ISRAEL IMBUT-MBUT NYEN 24:17

Tirigi dingat mun di jo ei nidipti bu lene dingat mben Israel. Nibou ndig mintun timiei mben Israel him rin ba, Noni mittau kwei dem kep nok ham mpia-bbed him di piga kei ri. Leu api noni mitam mben Moab ba, mihwen mben Set nya yahagom bingwig.

MATIUS 11:10

Yohanes ne no di Allah tri tut ei nihyetti rin tirigi Noni pai, ‘Midisok dihyet ei tungwagom di tri tut dihyet dip leu binhyepo noni tin puig mem Nani yo.’

MATIUS 11:4

Leu api Yesus buhup “Jingkwei hanyen ug ei Yohanes nidim ba, jipui sut mun di jimiap ei jitingou nsi kin mun di jingat bou jiyai him bak.

MATIUS 21:5

“Ma jipai bak timiei minu ndig Sion bipia Jingat i! Jide nibou ndig hwou ndam je ba, ba nibou coi mem tungwatu nya. Noni bri bigwam keledai ningut gom dip ba, bri bigwam keledai nipmot nehen pap dip.”

MATIUS 21:9

Tungwatu ningot ndig bihi ibie lene bihi igya abia kep Noni leu api ighyet kui yam bipai “Jikwei ba, inggei sut Daud Nipmot o! Allah e, anjei mun di kei bak No di kwei sut Tuhan de nisindemti o! Jikwei ba, yahagom inggei sut Allah di ningat rin ei ginyo kug o!”

MARKUS 11:9

Tungwatu ningot ndig bihi ibie lene bihi igya abia kep Noni leu api ighyet kui yam bipai “Jikwei ba, inggei sut Allah o! Allah e, anjei mun di kei bak No di kwei tug hon Nonti ninyeng o!

LUKAS 19:38

Iba ighyet nindig bipai “Allah e, anjei mun di kei bak Nibou Ndig di kwei ndam nye tug hon Tuhan ninyeng! Timiei gwamti nya ibong kei igwam kei o! Ma tungwatu nya inggei sut Allah ei gwamti o!”

YOHANES 11:27

Marta buhup “Andigpoi e, diba dingon com bipia Nani ne Munggwom Allah Nipmot kin Nibou Ndig di teu tungwatu nya biyai niyaijo nijep biyok di Allah preu ei mem nye tut nikweisi cem ri.”

YOHANES 12:13

Gima rino itot dui meng bittei leu binhyepo ibiya um Noni. Yahara “Jikwei ba, inggei sut Allah o! Allah njei mun di kei bak No di kwei tug hon Nonti ninyeng o! Allah e, anjei mun di kei bak Nibou Ndig di mben Israel ide o!”

YOHANES 16:14

Noni mikon dinyeng lewo mimbot kep tut mun di Noni miap leu duhui him bije.

YOHANES 4:21

Yesus pai binoni “Ma ayok ngon kep bipia ei nidipti bu ne tungwatu nya mikuk yok bak Icig Allah ei mpia ttou nsi dini kin minu ndig Yerusalem cem bu bi.

YOHANES 6:14

Tirigi tungwatu ningot ndig dima yok ingat mindur di Yesus bibon lene ipai biyam “Jit jit, No dini ne Nabi di ingon ya mem di mikwei ei dihyeisi dini pima ri.”

YOHANES 7:31

Imang bibor sindi iba ingon com Noni bipai biyam “Mpe di Nibou Ndig di teu tungwatu nya biyai niyaijo nijep biyok kwei lene Noni mibon mindur mang bibor dor njiriek mindur di No dini bon kep dima yok e?”

IBRANI 10:37

Bit leu nok gi ipas ei Allah nihyetti “Jei bi ne No di kak puig mitau kwei bibinyen bi.