MATIUS 11:29 - ALLAH NIHYET MEM TUNGWATU NYA

²⁹ Ma jibit dicuk jeti nya bijingig jitingou mem dingginausi lewo dingon jo nyahan ba, dingon nggriu cem apino jingon minggan hanyen.

MATIUS 11:29 ပူးပေါင်းရင်းမြစ်များ

NIBOHON MBEN ISRAEL GI NICAN 10:11

Dicig kes mun di buhun ei jinghat dip noro midikum ei mun di buhun bibor dimati bu. Dicig ba biap tindak bimbas jeni noro dani midiba biap tindak di kawa nggwen joti bimbas jeni bu.’ ”

MAZMUR 116:7

Doom dingon lewo tuhan singat tut da nindig bibor.

MAZMUR 131:1

Daud de doia nikui ug ei Mbigdip Sion. tuhan e, dikes ditde ningon jeisi ei bidiba dingha bak nillei-lau sut nontiti. Diba dingon bisrip huk mun nyeng di nindig bibor nya kin mun di nggruk bibor nya bi.

NIPINGOK NINGONTI 3:17

Ningon kiti mibindei ba, abong kei agwam kei bicuon ayaisi cem.

YESAYA 28:12

Noni tin ei mpia di mem jibong kep jinghuisi eisi noro jikou sut nihyet.

YESAYA 29:19

Nuhui mbum nya kin nikinei-kinau nya mikiju bingat ingwes ei ninggei-hi-nggei di mben Israel ide Allah di kwes yai biyoti hanyen.

YEREMIA 6:16

tuhan pai bak Nide limwa nya “Ma jiya hammi puig nahau yamti nya bijiyok jiyai kep mungkun. Ma jihig ser tungwatu nya tut puig gi nipou di kei bibor nya. Ma jikak puig dima leu binhyepo jibong kei jigwam kei.” Noro ibuhup “E bi! Nikou sut puig dima!”

ZAKHARIA 9:9

Je di timiei nungug Sion e, ma jingon llei bibor! Je di timiei minu ndig Yerusalem e, ma jiba jingon di kei bibor bikon jihyet! Jingat i! Jide Nibou Ndig kwei ndam je ba, bindei timek Nide siceu nya! Noni ne nibou ndig di ningon sren-srau di kwei sut niteu je bijingwes ngunti. Noni ba nibou coi bigwam ei keledai nehen pap ningut gom dip bikwei ndam je.

MBEN ISRAEL IMBUT-MBUT NYEN 12:3

Tut Musa ne noni ba nibou coi mem tungwatu nya nindig bibor dor njiriek tungwatu dihyeisi dini hagom.

MATIUS 17:5

Tirigi Petrus kes nihyet bigyo rino bumbuhui ttou di piga kei gom juk kwei binggai yok. Leu api nihyet gom tibim kwei leu bumbuhui dima bitri tut “No dini ne Dipmot di dingon ngakei rin ba, dijoi sut Noni. Ma jimiap kep Noni nihyet!”

MATIUS 21:5

“Ma jipai bak timiei minu ndig Sion bipia Jingat i! Jide nibou ndig hwou ndam je ba, ba nibou coi mem tungwatu nya. Noni bri bigwam keledai ningut gom dip ba, bri bigwam keledai nipmot nehen pap dip.”

MATIUS 28:20

Ma jingginau yok leu binhyepo ibit mun di dicuk je tut nya hagom. Ma jiyok ngon kep bipia midingat rin bit je kikau ug bipek njap ningwig honti.”

MATIUS 7:24

“Bikwop no di miap kep dihyet bibit hagom lene no dima dem kep tukan di ningon ki di ngot ig ei tig di nok cou nipmem dip.

LUKAS 8:35

Lene timiei minu dima yok induk yam kwei bingig igyai kep mun di pek kep mem no dima. Ikwei ttau kep Yesus bingat no di ninnei rom nya igya ningonti pima lo, gwam ei Yesus Noho bei. Noni juk sinsun ba, ningon tungwatu hanyen tu. Apino yoni inghuisi mpig sut nindig bibor.

YOHANES 13:15

Dindo bindo bije tug hon diyai munti dima leu binhyepo jiyai bram diyaisi.

YOHANES 13:17

Gino jingon dorti tut dihyet dini hagom bijibit lene jingon nggei-hi-nggei.

KISAH 7:37

Musa dini cem ripo pai bak mben Israel ‘Allah midimig nabi gom leu jide adig-ajoi nya ikieti bipinak noni ndam je bit leu nok Noni pinak dani.’

KORINTUS GI NIGOM 9:21

Nok gima cem tut ngkiai nya. Diyaijo nok ngkiai nya ba, doom danti leu Musa niggai serti nya leu binhyepo dibindei ba, ikuk yok bak Kristus. Dipigau Allah De niggai serti nya bi lewo Kristus De niggai serti ninyeng tak kep da tu.

KORINTUS GI NICAN 10:1

Nogindini da di Paulus dipai dingon kanti gom bije. Hi pai dinghapti bipia tirigi dingat rin kin je lene diba dibou coi mem tungwatu nya lo, tirigi dingat rin ei minu ting lene dibrim dingkek kep je. Noro diba ningon nggriu sutti kin nisingat tutti di ntun Kristus him,

KORINTUS GI NICAN 10:5

ninggek nisindem nibousi nya di yo di ingon jei nya ingot bisrin ser puig di bie ndam Allah. Nikat ningon kanti nya di ntun dihyeisi dini him binikuk hagom bibit Kristus nihyet cem.

FILIPI 2:5

Ma jingon mien paisi noyam kin Kristus Yesus ningon mien paisi.

TESALONIKA GI NIGOM 4:2

Lewo jikan tut nipingok jeti di nikes bije tug hon nisindemti di kwei leu Tuhan Yesus tu.

TESALONIKA GI NICAN 1:8

Ba, Noni mittau kwei sut hum njeng di cig-cai leu binhyepo bikes hukum ei yo di irok Allah kin yo di ingkek ndok tut Nihyet Di Kei tut ide Tuhan Yesus dip.

IBRANI 5:9

Yesus yai kep Nide midyai nok No di teu tungwatu nya leu ide sisar dima biput leu api ta Nonti nok nibousi mem niteu leu sisar kin niyaijo nijepti di jo kikau mem yo di ingon gom tut nicuk yokti nya.

YOHANES GI NIGOM 2:6

No di pai sut nonti bipia niyaijo nok gom kin Allah lene ma noni yai bram Yesus Kristus niyai kepti.