MATIUS 11:28 - ALLAH NIHYET MEM TUNGWATU NYA

²⁸ Je di jinghuisi jet kin je di jibiang mun di buhun e, ma jikwei hara Da leu api midiyai jingon nggan hanyen.

MATIUS 11:28 ပူးပေါင်းရင်းမြစ်များ

AYUB 14:1

Nyeni inghuisi mbriong ba, isindem bi mpe di po isrek kikau kwei bipek ammani kep. Mun di buhun bibor tak kep nye mem nijam di igyaijo cun bibor.

AYUB 5:7

Igbit ri! Tungwatu nya ibindei ba, mun di buhun cut igkep yonti dem kep nok hum bom di jek nyen nya.

MAZMUR 116:7

Doom dingon lewo tuhan singat tut da nindig bibor.

MAZMUR 32:4

tuhan e, ahwen bit da bikwop mmun-njap apino ditde nisindemti pren hak leu da dem kep nok mpia di wam bibindei nindotti pingge hanyen.

MAZMUR 38:4

Dinggwen buhun drek dip Ade nigga biborti. Ditde sisar bindei ba, dinghuisi hi di kwes bi.

MAZMUR 94:13

Abindei ba, ingon jo nyahan mpe di yuum mun di buhun kikau bibou atig jui mem yo di isibut nya ug e.

NIBA NINGON SRIP HUKTI 1:14

Dingat tungwatu nya ide niyai munti di igyai kep ei dihyei njek dip dini hagom tu. Ma jiyok ngon kep bipia mun dima ne mun di bit bon ingon dorti tut kan bi rin ba, dem kep nok niyon igkep hou nimig.

NIBA NINGON SRIP HUKTI 1:8

Mun nyeng hagom nos nye ba, bit bon ibohom ndat ninos nyenti dima kan bi. Iput-put nyen lo, igyai ha ut tut mun di ingat dima bi sren. Itingou cut hon mun di imiap tut nya bi sren.

NIBA NINGON SRIP HUKTI 4:8

No di bong binongkom di bon nimunggwom kin nide bat nya bi cem no rinaha. Mbro nok gima lo, noni ta nibou ei midyaiti biyai kikau ba, ningon gicut hon ndigban di jo binoni bi. Noro com nahanggwap bikiek ningha bak mun di brim ningon hagom cem mem tou i? Bit bon dingon dorti tut gima yok cem kan bi. Lewo gima bindei ba, noni tug ndei nonti ninghuisi wei drek dip.

YESAYA 1:4

Je di jirom ndok ba, jimbuk e, mun di binggek micut igkep je drek dip jide sisar! Lewo jide sisar buhun tak je bibindei ba, jimig buhun. Jirok tuhan ei jitta ba, jiba jinghim bak No Di Kwes-Kwau di suar jikuk je bak cem.

YESAYA 11:10

Njap ngon bou midem leu api nibou ndig di ntun Daud him mindo bindo tut nibiyok ngon kepti mem mben yahagom. Yoni minduk yam kwei ndam noni bikon nide minu ndig ninyeng bijo anai.

YESAYA 28:12

Noni tin ei mpia di mem jibong kep jinghuisi eisi noro jikou sut nihyet.

YESAYA 61:3

Noni bindei ba, timiei Sion di ingon ngguk bibor igyai nillei. Yo di ingon buhun bibor nya migyai ningon di nggan-triot hanyen. Noni bindei ba, iba doia di ibinggei sut Allah biluei ningon kineisi. Mpe dima lene idem kep nok biei mon di tuhan Nonti ta. Igyai munti nya hagom nok igbit ba, kei bibor cem bibindei ba, tungwatu nya ikon tuhan ninyeng di jei bibor.

YESAYA 66:2

Dangkom dipai tes mun dima yok hagom bou dinda him! Dijoi sut yo di iba ibou coi mem Da kin yo di ittin ser ide sisar kin yo di ittin tut Da kin yo di ibit dihyet.

YEREMIA 31:25

Midibindei ba, yo di inghuisi jet nya inghuisi sindem hanyen ba, yo di inghuisi mbris drek dip ninggum di hwen yok migyem njita bigyai nisindemti bu.

YEREMIA 35:16

Yo di intun Yonadab him nya ibit ide pung di intun him nicuk yokti noro tut jeni ne jikou sut gima jibit dihyet a.

YEREMIA 6:16

tuhan pai bak Nide limwa nya “Ma jiya hammi puig nahau yamti nya bijiyok jiyai kep mungkun. Ma jihig ser tungwatu nya tut puig gi nipou di kei bibor nya. Ma jikak puig dima leu binhyepo jibong kei jigwam kei.” Noro ibuhup “E bi! Nikou sut puig dima!”

MATIUS 11:29

Ma jibit dicuk jeti nya bijingig jitingou mem dingginausi lewo dingon jo nyahan ba, dingon nggriu cem apino jingon minggan hanyen.

MATIUS 23:4

Ibidip huk tungwatu nya tut mun di nggruk bibor ba, itri tut nidimig sutti nya di buhun tak yok noro isu inda bikon tut yok bi.

YOHANES 6:37

Bikwop yo di Dicig kes yok biDa yahagom minggre kin Da leu api dirok yo di inggre kin Da ei bi sren.

YOHANES 7:37

Ei njap ningwig honti di bon ninyeng mem Njap Ndig Ig Jibei Mpam Meng lene Yesus kiju biya leu api ba nihyet nindig bahara “Ma no di nggobiau kwei ndam Da bidut minyei.

KISAH 15:10

Nggon rino jisrep tut Allah ningon kanti tug hon mun di buhun di jikes ei yo dima inghat dip i? Lewo bit bon nyeni ide pung di intun him nya kin nyeni cem ibiang mun dima kan bi.

KISAH 20:35

Lewo dindo bindo bije tug hon nisinati hagom tu leu binhyepo jijoi bibor ba, jita jibou ei midyaiti leu binhyepo jibingondut yo di isindem bi nya. Lewo suar jiyok ngon kep Tuhan Yesus Nonti nihyet di pai ‘Tungwatu nya igyai nillei tug hon ide ningondut tungwatu nyati leu gima igyai mun di yo di hiter ibingondut yok a.’ ”

GALATIA 5:1

Nyeni igyati kwes lewo Kristus kwek nye tu. Gima rino ma jikrau kep jide niyati kwes dima. Ma jibiam bon di bindei bijinok awak hanyen bu au.

TESALONIKA GI NICAN 1:7

bindei jeni kin nyeni di igyai inghuisi di wei ingon nggan-triot hanyen. Mun dini mipek kep mem nye mpe dino Tuhan Yesus kin Nide malaikati di isindem bibor nya mittau hanyen kwei leu gwamti.

IBRANI 4:1

Allah nipreu ei mem nyeti jo kikau kwei bipek ammani kep ba, Noni bon nituti mem icoi ug ei mpia dima bibong kep inghuisi bit Noni. Ma jisok kep jenti ser nhyema jigom krau tunggwei puig bicoi ei mpia di ibong kep inghuisi eisi di Noni preu ei mem nye dima bi au.

NINGAT-HI-NGAT NYA 22:17

Allah Ninnei kin no di Sop di miwak Nijjep pima ipai “Jikwei!” Suar yo di imiap nihyet di jo ei srat diniti ibinut bu bipai “Jikwei!” No di nggobiau suar kwei! Ma no di ningon joi sut minyei kwei dut minyei di bindei bigyai niyaijo mikuisi.