MATIUS 11:22 - ALLAH NIHYET MEM TUNGWATU NYA

²² Ma jiyok ngon kep bipia tirigi Njap dem mem Allah kes hukum ei tungwatu nya dip ne ningon minggriu bibor tut timiei minu ndig Tirus kin Sidon dor njiriek jeni.

MATIUS 11:22 ပူးပေါင်းရင်းမြစ်များ

YEREMIA 25:22

kin nibou ndig ei minu ndig Tirus kin Sidon yahagom kin nibou ndig nya di inyeng tak kep minu di jo ei Muk Hacan nipimat yahagom,

YEREMIA 27:3

Lene Noni cuk da mem gima ditri tut nisokti bak nibou ndig minu Edom kin Moab kin Amon kin Tirus kin Sidon nya tug hon ide nibou niya hacanti di ipinak kwei ei minu ndig Yerusalem ba, imbrap bit Nibou Ndig Zedekia.

YEHEZKIEL 29:18

“Na di tungwatu di ayaijo kikau bi e, Nibou Ndig Nebukadnezar leu minu Babel cuk nide tentara nya ba, injei bihwen minu ndig Tirus sindem tu. Noni cuk yok ba, ikon ndigban di buhun bibor apino ibou le drek dip ba, inghat bok bibor cem. Noro nibou ndig kin nide tentara nya igitug ndei ningat bipek kep yahanggwap di icom dima bi.

YOEL 3:4

Je di mben Tirus kin Sidon kin Filistin jahagom e, jinggon ndei Da i? Jiba jimbuk birop biDa e? Gino jiyai nok gima ne ma jitug ndei mun di dibirop hanyen bije haninyai!

MATIUS 10:15

Ma jiyok ngon kep bipia tirigi Njap dem mem Allah ba hukum bibirop hanyen bak tungwatu nya lene miningon nggriu sut timiei Sodom kin Gomora nya dor njiriek gi ningon nggriu sut minu ttou nsi dima.”

MATIUS 11:21

“Ayo! Notou mem je di timiei minu ndig Korazim i? Ayo! Notou mem je di timiei minu ndig Betsaida i? Mindur di dibibon mem je tu pima gino dibibon bak timiei minu ndig Tirus kin Sidon lene mmo yo gi ijuk sinsun kron di bindo bipia ittin ser ide sisar bikiek ndam Allah leu api igwam tut ei atriemti mimbrek tu.

MATIUS 11:24

Ma jiyok ngon kep bipia tirigi Njap dem mem Allah kes hukum ei tungwatu nya dip ne ningon minggriu bibor tut timiei minu ndig Sodom dor njiriek jeni.”

MATIUS 12:36

Ma jiyok ngon kep bipia tirigi Njap ningwig honti dem lene suar tungwatu nya yahagom ibiang bikwop ighyet di nok bu tan nibuhunti.

LUKAS 10:14

Tirigi njap dem mem Allah kes hukum ei tungwatu nya dip lene ningon nggriu bibor tut timiei minu ndig Tirus kin Sidon nya dor njiriek jeni.

IBRANI 2:3

Notou mem nye i? Gino ingon nyei ndam niteu leu sisarti kin niyaijo nijep di mindur dor njiriek nicukti dima bi ne notou ingwes ngun leu hukum i? Tuhan Nonti tri tut niteu leu sisarti kin niyaijo nijep nipou ngig-ngat leu api yo di imiap ipai brei binye bipia nihyet dima ne nijit-jau ri.

PETRUS GI NICAN 2:9

Gima rino Allah kan tut nisinati mem gima teu yo di ingon sren nya ba, ingwes ngun leu mun di buhun tak yok. Ba, Noni kan tut nisinati mem gima om kep yo di isibut nya bibou Njap di Noni kes hukum ei yok dip midem ug e.

PETRUS GI NICAN 3:7

Noro Noni ba nicukti dima bibet mpia-bbed him kin dihyeisi dini ei mem hum di miyem bitimek bingwig ei njap ningwig honti. Mpe dima lene Noni mikes hukum ei yo di isibut nya dip ba, bindei sar yok bingwig hak ug.

YOHANES GI NIGOM 4:17

Ingon ngakei yam mungkun tu lewo Kristus kin nyeni igyaijoti noyam tirigi ingat rin ei dihyeisi dini lene gima bindei ba, mibrim ingkek mem Njap di Allah mbus tungwatu nya ingonti.

NINGAT-HI-NGAT NYA 20:11

Gima ngwig leu lene dingat banggo mbrei nitiei di nindig bibor kin No di gwam dip. Dihyeisi kin mpia-bbed him pror hak leu No dima Noho bei ba, ingat gima yok bu bi sren.

NINGAT-HI-NGAT NYA 20:12

Leu api dingat lo, yo di imai su nya bitut yo di inyeng jei nya kin yo di inyeng bi nya yahagom igya simiak banggo mbrei. Lene hi mbrek leu srat nya lo, mbrek leu srat gom kin bu ba, srat dini ne Srat Yo Di Igyaijo Nya ri. Yo di imai su nya itug ndei hukum bibit leu igyai munti nya di jo ei srat dimati.