MATIUS 11:2 - ALLAH NIHYET MEM TUNGWATU NYA

² Mpe dima lene Yohanes di tur tungwatu nya ei minyeiti no sima ei ig bui nsi. Tirigi Yesus ninghapti tibim tut Nide midyai ei Yohanes nitingou nsi lene noni cuk yo di igya kui noni biyuug ngat Yesus ba,

MATIUS 11:2 ပူးပေါင်းရင်းမြစ်များ

MATIUS 1:17

Gima rino yo di intun Abraham him kikau kwei bipek Daud ide nintun yam himti nimangti simnaibrimigtai. Ba, yo di intun Daud him kikau kwei bipek mpe di mben Babel icut igkep yok ide nintun yam himti nimangti simnaibrimigtai bu. Niabiati inok awak ei Babel kikau kwei bipek Kristus ningwoi-ngwoi cem ide nintun yam himti nimangti simnaibrimigtai.

MATIUS 14:3

Herodes pai nok lewo nipou pini jug noni cuk nide tentara nya leu api yuug kat Yohanes bingot noni bingkiem ei ig bui nsi drek dip Herodes nikinjoi Filipus nitnem Herodias.

MATIUS 4:12

Tirigi Yesus miap Yohanes ninghapti bipia sima ei ig bui nsi lene Noni ngkwei hanyen ug ei hanjop Galilea,

MATIUS 9:14

Mpe di gom bu ne yo di igya kui Yohanes di tur tungwatu nya ei minyeiti ikwei hig simber Yesus “Nggon rino nyeni kin Farisi nya niyem njita bi mem nituti poi noro yo di igya kui Nani igyem njita bi mem nituti poi bi i?”

MARKUS 6:17

Herodes pai nok lewo nipou pini jug lene noni cuk nide tentara nya ba, yuug kat Yohanes bingot noni bingkiem ug ei ig bui nsi drek dip Herodias di nikinjoi Filipus nitnem di wak nok nitnem bu.

LUKAS 3:19

Noro noni sok kep Herodes di ninyeng tak kep hanjop Galilea tut niwak Herodias nok nitnemti. Lewo Herodias ne Herodes nikindig nitnem ri. Nok gima cem Yohanes sok kep Herodes tut nisibutti nya mang bibor.

LUKAS 9:7

Tirigi Herodes di ninyeng tak kep hanjop Galilea miap tut mun di pek kep mem tungwatu nya dima lene ningon kiowi niti. Lewo bihi ipai bipia Yohanes di tur tungwatu nya ei minyeiti kiju hanyen leu nimai eisi tu.

YOHANES 4:1

Mpe dima lene nimpung Farisi nya imiap Yesus ninghapti tut tungwatu nya imang bibor di itti kin Noni leu api ibit midut nitur yok ei minyeiti noro ibou poi he itti kin Yohanes. (