MATIUS 11:17 - ALLAH NIHYET MEM TUNGWATU NYA

¹⁷ ‘Nibui ndug-ndug mem je noro jibihim bi tut nggon i? Nipai doia gi nibikiek nimai cem mem je noro jipim bi tut nggon i?’

MATIUS 11:17 ပူးပေါင်းရင်းမြစ်များ

NITRITI 50:10

Tirigi ikwei krau gumihyep di tungwatu nya ibui gandum ngan eisi ei Goren-Haatad ei Yordan nyai nite dima ug lene ipim kui jei sut nimai. Lene Yusuf bon midut ningon ngguk ei mpia dima kikau mem mmun-njap muhwindacan.

NIBOU NDIG NYA GI NIGOM 1:40

Lene yahagom ibit Salomo bingkwei hanyen. Imbos-hi-mbos ba, imiep porei nya lene nibimbi bindei ba, tereu nok dihyei ugwa-kwei.

YESAYA 30:29

Noro Ditde limwa jen e, jingon minggei-hi-nggei ba, jipai doia cem noyam kin mmun midut di jibon mem jibikuk je bak Noni. Mporo jiyai nillei noyam kin yo di iba porei di imiep nya biyai nillei bimbut ndam tuhan di ya srak ko hagau mben Israel De Ig.

YEREMIA 31:4

Mpe dima lene dibindei ba, jinyeng jei nok gi nipou. Mijimpig jide mun di nggileng leu api jiba jingon di llei bibor bipri-pri nyen noyam kin gi nipou.

MATIUS 11:16

Diba mindei binai sut tungwatu nya nijam dini i? Inok munggwom nya di igwam-gwam nyen ei biyati. Munggwom nimpung gom ipai bak isut bat nimpung hiter,

MATIUS 11:18

Tirigi Yohanes tau kwei lene noni yem njita bi mem nituti poi bidut ba anggur ngei bi sren noro tungwatu nya isrep bipai ‘Ninnei rom ya ningonti!’

MATIUS 9:15

Yesus buhup “Jikan bipia yo di induk yam kwei mem pesta niwak yamti ingon buhun tirigi pinai di wak nitnem ningat rin bit yok e? Nok bi! Noro ei nidipti bu tirigi pinai dima ningat rin bit yok bi lene yoni migyem njita bi mem nituti poi.

MATIUS 9:23

Gima ngwig leu lene Yesus coi kikau ug ei nibou mbusyamei Yahudi de ig. Tirigi Noni ngat lo, yo di ibui ndug-ndug ser nimai kin nindigsi yahagom ighyet sra nggai,

LUKAS 15:25

Mpe dima lene nipmot mighumbou yai midyai ei miai ngwoisi. Tirigi noni ngkwei hanyen bikwei ei dideu nide ig lene miap lo, ipai doia ba, ibien-bien nyen cem.

LUKAS 23:27

Tungwatu ningot ndig ijop bram Yesus bitut sop nya di igya srig yokti di ipim ba, ingon ngguk bibor cem.

LUKAS 7:32

Inok munggwom nya di igwam-gwam nyen ei biyati. Munggwom nimpung gom ipai bak isut bat nimpung hiter ‘Nibui ndug-ndug mem je noro jibien-bien nyen bi tut nggon i? Nipai doia nibikiek nimai cem mem je noro jipim bi tut nggon i?’

LUKAS 8:52

Tungwatu nya di idem yam tu yahagom ipim kep nimai ba, ighyet ter kep. Noro Yesus pai ser yok “Ma jipim kep nimai au lewo misop dini mai jit bi noro bong mai he yo!”