MATIUS 10:40 - ALLAH NIHYET MEM TUNGWATU NYA

⁴⁰ “Bikwop no di ya um je ne gima dem kep nok noni ya um Da. No di ya um Da ne gima dem kep nok noni ya um No di cuk Da kwei.

MATIUS 10:40 ပူးပေါင်းရင်းမြစ်များ

NIBOU NDIG NYA GI NIGOM 18:4

Tirigi Izebel kinyon ei niyai nimai bak tuhan de nabi nyati lene Obaja jem nabi nya ibou sratus gom kwei bikwas yok ei nimpung can biku ibou ningot muhwi ei dihyei nyem gom lene ku ibou ningot muhwi bu ei dihyei nyem gom bu. Lene noni ba njita kin minyei binyohou yok cem.)

YEREMIA 39:17

Noro Da di tuhan midinyohou nani. Hi di mikes nani ei yo di attin tut yok nya indati ba,

MATIUS 18:5

Bikwop no di ya um munggwom di nok gini drek dip ningon di jo kep Dani lene no dima ya um Da sindam.”

MATIUS 25:40

Nibou Ndig mibuhup ‘Ma jiyok ngon kep bipia tirigi jingondut dikinjoi bat di ibon inyeng bi sren dini yok lene gima dem kep nok jingondut Dani!’

MATIUS 25:45

Nibou Ndig buhup ‘Ma jiyok ngon kep bipia tirigi jingondut dikinjoi bat di ibon inyeng bi sren dini yok bi lene gima dem kep nok jingondut Da cem bi.’

MARKUS 9:37

“Bikwop no di ya um munggwom di nok gini drek dip Dani lene no dima ya um Dani cem. No di ya um Dani ne dem kep nok ya um Dangkom he bi noro ya um No di cuk Da kwei cem.”

LUKAS 10:16

Lene Yesus pai bak yo di ibit Noni “Bikwop no di ngig nitingou mem jihyet lene gima dem kep nok ngig nitingou mem Dani dihyet. No di kou sut je lene gima dem kep nok noni kou sut Dani cem. No di kou sut Dani ne gima dem kep nok noni kou sut No di cuk Da kwei cem.”

LUKAS 9:48

Lene Noni pai bak yo di igya kui Noni “Bikwop no di ya um munggwom di nok gini drek dip Dani lene gima dem kep nok gi noni ya um Dani cem. Bikwop no di ya um Da lene gima dem kep nok gi noni ya um No di cuk Da kwei cem. No di srig jikieti di bon ninyeng bi rino ninyeng jei dor njiriek nindigsi nya.”

YOHANES 13:20

Dipai nijit bije bipia no di ya um no di Dani dipinak ya um Dani cem. No di ya um Dani ya um No di cuk Da kwei cem.”

YOHANES 20:21

Lene Yesus pai biyok mbigom kin bu “Ma jingon jo nyahan. Dicuk je ug ei dihyeisi dini noyam kin Dicig cuk Da kwei ei dihyeisi.”

YOHANES 5:23

leu binhyepo yahagom ikon Nipmot ninyeng bit leu nok ikon Nicig cem ninyenga. No di kon Nipmot ninyeng bi kon Allah di cuk Nipmot kwei ninyeng cem bi.

KORINTUS GI NICAN 5:20

Nyeni niya luei Kristus di cuk nye nohoti tereu nok Allah Nonti sok nihyet ei nye dip bak tungwatu nya. Nitigtai je tug hon Kristus ninyeng leu binhyepo jisindui sut ba, Allah yai jingon kwes kin Noni hanyen.

GALATIA 4:14

Mbro nok gino ninggwen di hwen da buhun tak je lo, jiyai ttin da bijirok da ei bi. Noro jicigit da noyam kin jicigit Allah de malaikati kin Kristus Yesus Nonti.

TESALONIKA GI NIGOM 4:8

Gima rino tungwa tou rino rok ningginausi dini lene rok tungwatu nya ighyet bi noro rok Allah di kes Ninnei nyahan ei jingonti nihyet tu.

YOHANES GI NICAN 1:9

No di krau kep Kristus nipingok nyeti bi noro krau tunggwei nipingokti niyaijo nok gom kin Allah bi. No di krau kep Kristus nipingok nyeti niyaijo nok gom kin Icig Allah kin Nipmot cem.