MATIUS 10:25 - ALLAH NIHYET MEM TUNGWATU NYA

²⁵ Gima rino ma munggwom pikor ningon cut hon gima kui klas ug ei sur nide guru. Ma awak di brim ningkek ningon cut hon gima yai ninyeng ug ei sur niceu ninyenga. Gino tungwatu nya ipai ig ceu hi kinei bijem ninyeng Beelzebul lene notou mem nide ig bei nsi nya i? Tungwatu nya mijem inyeng kinei bibor dor njiriek bu!”

MATIUS 10:25 ပူးပေါင်းရင်းမြစ်များ

NIBOU NDIG NYA GI NICAN 1:2

Mpe di gom ne Ahazia di nok Nibou Ndig mem mben Israel cut nai bibor leu ninsi bas di binut ig ngat ninggre gi anai ei nide ig nibou ndig ei Samaria ba, nibokti buhun. Apino cuk tungwatu ba, yuug hig ser mben Filistin ei minu ndig Ekron ide kwar Baal-Zebub leu binhyepo ndo igbit tut nibokti di buhun dima pia mikei hanyen yo e, he mikei bi e?

MATIUS 12:24

Tirigi Farisi nya imiap nihig ser yamti dima lene isrep “Beelzebul di nibou ndig mem ninnei rom nya ya Yesus ningonti bisindem tut Noni leu binhyepo jji ninnei rom nya.”

MATIUS 12:27

Jipai sut Da bipia Bilis risindem tut Da dino dijji ninnei rom nya e? Gi nok lene tou risindem tut jide limwa nya dino ijji ninnei rom nya i? Yoni indo bindo tut je bipia jiyai mun tunggwei.

MATIUS 9:34

Noro Farisi nya isrep bipai “Nibou ndig mem ninnei rom nya sindem tut Noni leu binhyepo jji ninnei rom nya leu tungwatu nya ingonti.”

MARKUS 10:39

Yoni ice. Gima rino Noni pai biyok “Ningat ne mijidut ei gi mokti di didut eisi bijiyai dimig yam tug hon ninghuisi wei noyam kin Dani.

MARKUS 3:22

Guru Puig Yahudi nicukti nya ibou poi di ikwei leu Yerusalem ipai kep Noni bipia nibou ndig mem ninnei rom nya di ninyeng Beelzebul ya Yesus ningonti bisindem tut Noni leu binhyepo jji ninnei rom nya leu tungwatu nya ingonti.

LUKAS 11:15

Noro hiter isrep “Beelzebul di nibou ndig mem ninnei rom nya ya ningonti bisindem tut Noni leu binhyepo jji ninnei rom nya.”

LUKAS 11:18

Nok gima cem tut Bilis ninyeng tak kepti. Gino ikwas yam ei nimpung can bikon pran bit yam lene bit bon Bilis ninyeng tak kepti jo kikau kan bi. Jipai sut Da bipia Bilis rino sindem tut Da dino dijji ninnei rom nya e?

LUKAS 11:19

Gi nok lene tou risindem tut yo di igya kui je dino ijji ninnei rom nya i? Yo di igya kui je rino indo bindo tut je bipia jiyai mun tunggwei.

YOHANES 10:20

Imang bibor ighyet kui yam bisrep “Nung kui Noni! Mirei bon Noni! Jingig jitingou mem nihyet tut nggon i?”

YOHANES 7:20

Yo di ningot dig dima ibuhup “Nung kui Na! Tou ribingon mem gima yai nimai biNa i?”

YOHANES 8:48

Mben Yahudi ihig ser Noni “Gi nipai sut Na bipia Nani ne mben Samaria di nung kui Na rin e? Gima ne anghapti di nijit rin bi e?”

YOHANES 8:52

Lene ibuhup bak Yesus “Nogindini jo nibreisi mem nye bipia nung kui Na! Abraham mai leu su ba, nabi nya cem imai leu su noro atri tut bipia no di bit ahyet mai bu bi sren.