MATIUS 10:17 - ALLAH NIHYET MEM TUNGWATU NYA

¹⁷ Ma jingon sok kep jenti tut yo di ikat je ug ei Nikei Puig Yahudi nya yoho bei leu api imbas je ei mben Yahudi ide ig mbusyamei nya.

MATIUS 10:17 ပူးပေါင်းရင်းမြစ်များ

MIKHA 7:5

Ma jingon jo kep yam hyet au. Ma jiba jingon com jisut nihyet au. Ma jingon sok kep jenti tut mun di tibim ei juhui him bitut mun di tibim ei jitnem bat nya itingou nsi.

MATIUS 10:18

Yoni mibuwak je ug ei yo di inyeng jei nya kin nibou ndig nya yoho bei drek dip gi jiya kui Da. Mpe dima lene jibon nituti mem gima jitri tut Nihyet Di Kei bak nibou ndig nya kin ngkiai nya.

MATIUS 20:19

Leu api yoni mitri Noni hanyen bak ngkiai nya. Yo dima miba ighyet bicig Noni ba, imbas Noni leu api mipek Noni ei biei salibti cem. Noro ei njap gi niningai lene Noni mikiju hanyen leu nimai eisi.”

MATIUS 23:34

Gima rino ma jiyok ngon kep bipia midicuk nabi nya kin yo di ingon ki nya kin guru nya yahagom ndam je noro jikimukep bihi bijipek bihi ei biei salibti cem. Jimbas bihi ei jide ig mbusyameisi bijuhuk yok leu minu ttou nsi hi ug ei minu ttou nsi hi kin bu.

MATIUS 26:59

Lene imam nindig nya bitut Nikei Puig Yahudi nya yahagom inggok tungwatu nya di imbres kep Yesus bikkin kep ninghapti leu binhyepo nibou nya ijem nimai gau Noni drek dip.

MATIUS 5:22

Noro tini bu ne Da dipai bije bipia no di ningon sibui sut hiter miya ei nikei noho bei. No di pai hiter kinei miya ei Nikei Puig Yahudi nya yoho bei. No di pai bak hiter ‘Arom ndok!’ dima ningwes ngun leu hum njengti bi.

MARKUS 13:12

Mpe dima lene yo di ikinjoi bat yam mitri yam bigyai nimai biyam. Andigpoi nya mitri imunggwom bat nya lene imunggwom bat nya mitri icig bat ipmem bat nya leu api yo di ikrau nisindemti nya mijem nimai gau yok bu.

MARKUS 13:9

Ma jitindei ser tungwatu nya lewo yoni mikat je bibuwak je ug ei Nikei Puig Yahudi nya yoho bei leu api imbas je ei mben Yahudi ide ig mbusyameisi. Yoni ibuwak je ug ei yo di inyeng jei kin nibou ndig nya yoho bei drek dip dinyeng. Gini hagom bon nikwesti di kei bibor mem gima jitri tut Nihyet Di Kei biyok.

LUKAS 12:11

Tirigi tungwatu nya ikat je bibuwak je ug ei ig mbusyameisi mem gima nibou ndig kin yo di igya kui noni imbus jingonti lene ma jingon ku jenti tut notou jimbrap gau jenti kin gima jibirop hanyen biyok au.

YOHANES 11:47

Gima rino Farisi nya kin imam nindig nya induk yam bit Nikei Puig Yahudi nindigsi nya ba, ihig yam ser “Nyeni inggon ndei i? No dima bibon mindur mang bibor tu!

YOHANES 16:2

Nibou nya micom je leu ig mbusyamei. Ei nidipti bu lene tungwatu nya ikan bipia gino igyai nimai bije lene gima bit leu Allah ningon kanti mem yok.

KISAH 17:14

Yo di ingon jo kep nya ei minu ndig Berea ibipbur bibuwak Paulus ug ei mukti noro Silas kin Timotius igwam nyahan.

KISAH 22:19

Dibuhup ‘Tuhan e, mben Yahudi ikan tut bipia dicoi ug ei ide ig mbusyamei leu api dikat yo di ingon jo kep Na bidibui yok kinei-kinau.

KISAH 26:11

Dihwen bit yok bidem mben Yahudi ide ig mbusyamei mang bibor leu binhyepo dibindei ba, ibikep ser ide niba ingon com Yesusti. Dingon sibui sut yok nindig bibor biduhuk yok ug ei ingkiaisi cem leu binhyepo dihwen bit yok ei minu dima yok cem.”

KISAH 9:2

bahara noni tut srat nisindemti mem noni pwoi buug sut ei minu ndig Damsyik leu binhyepo nibou mbusyamei Yahudi nya ei minu ndig dima ice tut gi noni nggok ser yo di ingon jo kep Yesus bikat pinai nya kin sop nya cem bibuwak yok hanyen kwei ei minu ndig Yerusalem.

FILIPI 3:2

Ma jitindei ser yo di ibon kep mun di suwok nya lewo inoyam kin nsien di niten-pos nya bibidip huk tungwatu nya tut midut sunat.

2 TIMOTIUS GI NICAN 4:15

Ma angon sok kep nanti drek dip noni lewo noni srep tut nihyet di sitri tut nindig bibor.

IBRANI 11:36

Yo di isibut nya iba ighyet bicig yok cem imbas yok cem iba lante biteu yok ug ei ig bui nsi cem.