MATIUS 10:16 - ALLAH NIHYET MEM TUNGWATU NYA

¹⁶ “Jimiap e, dicuk je nok domba nya ug ei nsien di niten-pos nya ikieti. Suar jingon sok kep jenti noyam kin wou nya noro ma jingon jo nyahan noyam kin hakimoi nya.

MATIUS 10:16 ပူးပေါင်းရင်းမြစ်များ

NITRITI 3:1

Wou ne mindhe di ningon ki tut gi ris mun dor njiriek leu mindhe-ndhe nindigsi di tuhan Allah pai tes nya hagom. Leu api wou hig singgre ser no di sop bipai “Mpaba Allah cuon ser je bipia harin dima jipuk biei ngat hagom ei miaisi dini ba, jiyem a. Noni pai nok e?”

NITRITI 3:13

Lene tuhan Allah hig ser no di sop “Nggon rino ayai nok gima i?” Leu api no di sop buhup “Wou ris da ba, diyem biei ngat dima.”

NEHEMIA 4:13

Gima rino dikwas simeda kin micim kin hampiap tut yo di inda jo kep midyai dima leu api dita yok bit leu nok ide pung nikim yamti ei ngug tig nikineisi hammi mpia di ngug tig put bigyo.

YEREMIA 40:16

Noro Gedalya buhup bak “Ayai nok gima au! Mun di apai sut Ismael dima ne igbit bi!”

HOSEA 7:11

Mben Israel di imig dia idem kep hakimoi mbrei di ningon mbum. Nipou yo ne limwa di ide nya yahara mben Mesir kwei bimpu yok. Leu api inang ndam mben Asyur bu!

MATIUS 24:25

Ma jiyok ngon kep! Dimbot kep tut gini hagom brei bije nipou tirigi nidemti dem bigyo.

MATIUS 24:45

“Tou rinok awak di ningon gom ba, ningon ki cem i? Gi hi dima ne no di niceu ndo nok nibou mem awak nindigsi nya leu binhyepo kwas njita tut yok dem igbit jam di noni preu ei su.

MATIUS 25:2

Sop gwam nitta pilei dima yok ibou muhwi ingon mbum lene ibou muhwi ingon ki.

MATIUS 25:4

Ibou muhwi di ingon ki nya ipwoi mini ampou nuut gom kin bu mem ide mini ninjeng.

MATIUS 25:9

Sop di ingon ki nya ibuhup ‘E bi! Lewo mini niken dini dem mem yahagom bi. Juug ba, jipek mini mem jenti ei kiosti.’

LUKAS 10:3

Jimbut hak ug! Dicuk je nok domba nya ug ei nsien di niten-pos nya ikieti.

LUKAS 21:15

Lewo dibindei ba, jiji cem nggan jingon cem ki leu api bit bon jide siceu nya yahagom ibigen ser jihyet kan bi.

KISAH 20:29

Dikan tut bipia tirigi dikes je ei bidimbut leu je lene nsien di niten-pos nya mikwei srig jikieti bibon yonti tereu nok domba nya ba, yaham domba di jinyohou yok dima nok ide mun di igyem ug ri.

KORINTUS GI NIGOM 14:20

Disut bat jen, ma jikan-kan nyenti noyam kin munggwom nya ikan-kan nyenti au. Tut mun di kinei nya lene ma joom je bijinok munggwom di ingon ngun nya. Noro tut jikan-kan nyenti nya lene ma jimahan nok andigpoi.

KORINTUS GI NICAN 1:12

Ningon llei bibor lewo ningon mien ngkiem tut bipia niyai munti nya ei dihyeisi dini cem ei jiyai him hagom tug hon ningon di gom kin ningon di pimbai kei di Allah yai binye. Niyai munti nya hagom tug hon Nide nisingat tut nyeti di sindem tut nye lene tug hon ningon di ki di ntun dihyeisi dini him bi.

KORINTUS GI NICAN 11:14

Ma jinga leu tut yok au! Lewo Bilis cem sindem mem gima luei nitta bindo nonti nok malaikat nipigati.

KORINTUS GI NICAN 11:3

Noro dikrau dingon tut je leu ma hi muhum jinsi leu ba, jingon gom tut Kristus bu bi. Gima noyam kin mun di cut igkep Hawa mpe di wou di ningon mang hum ninsi ba, ris noni.

KORINTUS GI NICAN 8:20

Ninyohou yai sut midyai dini leu binhyepo bon nituti mem hi pai kep nye drek dip munkwas di nindig bibor di nipwoi di nuug sut dini bi.

FILIPI 2:15

Tug hon nisinati dima lene jibindo brei bipia jinok Allah nimunggwom bat di ibon sisar bi di ingon sren ba, ingon gom cem mem nijam di ingat rin ei yo di isuwok kin yo di ibon sisar nya ikieti. Ma jinok ninjeng di piga ei yo dima ikieti noyam kin ham di piga digai mpia-bbed him,

KOLOSE 1:9

Gima rino ningat nadi tindei je habiei ei nimbie him tirigi nimiap tut jinghapti kikau kwei bipek ammani kep. Nahara Allah leu binhyepo Nide Ninnei yai jingon ki bijingon dorti tut ningon kanti mem je.

KOLOSE 4:5

Tirigi jipriet kin yo di ingon jo kep bi nya lene ma jiba jingon di ki biyai jibou tut yok bikwop nikwesti hagom.

TESALONIKA GI NIGOM 2:10

Jingat bou jiyai him bipia tirigi ningat rin ei je di jingon jo kep nya jikieti lene nyende niyaijoti kwes-kwau cem ningon sren cem niyai mun tunggwei hi bi cem ba, Allah cem ngat gima bou niyai him.

TESALONIKA GI NIGOM 5:22

Lene ma jimbres jenti ei minu ting leu mun di kinei ninyeng hagom.