MATIUS 1:23 - ALLAH NIHYET MEM TUNGWATU NYA

²³ “Sop gwam nitta pilei gom minghop rin ba, misrek tut munggwom nipinai gom leu api tungwatu nya mijem ninyeng Imanuel.” (Imanuel leu nihyet Ibrani gi ibijem bipia “Allah gwam bit nyeni”.)

MATIUS 1:23 ပူးပေါင်းရင်းမြစ်များ

MAZMUR 46:11

Noni ba nihyet bikak yok bipai “Jikes hon bijikon pran bu au. Ma jingon jo kep bipia Dani ne Allah rin ba, ngkiai nya yahagom inggei sut da. Tungwatu dihyeisi dini hagom ikon dinyeng bijo nai.”

MAZMUR 46:7

Allah nihyet dem kep nok kru di cut bibindei ba, tungwatu dihyeisi dini inghuisi jet bingwig ba, yahagom ingon ttin bibor, Nibou ndig di inyeng tak kep limwa nya titut yam mitti bingwig cem.

YESAYA 12:2

Ningat ne Allah ne No di teu da di dingwes ngun rin ba, diba dingon com Noni. Digittin bi lewo Noni sindem tut da. No di teu da di dingwes ngun rino Allah ba. Midipai doia bak.

YESAYA 7:14

Nogindini tuhan Nonti mindo bindo di bitto mem je. Sop gwam nitta pilei gom di nghop tu misrek tut nipmot leu api jem ninyeng Imanuel.

MATIUS 1:24

Tirigi Yusuf da niyai bikiju lene noni bit Allah de malaikati nicuk noti ba, yai Maria nok nitnem.

MATIUS 28:20

Ma jingginau yok leu binhyepo ibit mun di dicuk je tut nya hagom. Ma jiyok ngon kep bipia midingat rin bit je kikau ug bipek njap ningwig honti.”

LUKAS 20:44

Gino Daud jem Nibou Ndig di teu tungwatu nya biyai niyaijo nijep biyok pima ninyeng Tuhan ne notou Nibou Ndig di teu tungwatu nya biyai niyaijo nijep biyok dima ntun Daud him i?”

YOHANES 1:14

Nihyet dima luei nitta binok tungwatu ba, kwei bong bit nye. Nyeni ingat nikei-kau-keisi di Nicig yai biNoni lewo Noni ne Nipmot nimig gom ngat ri. Nipmot singat tut nye nindig bibor ba, Nongkom ndo Allah ningat titut yam brei binye.

KISAH 18:9

Mpe di gom ne Paulus ngat-hi-ngat mem mmun bingat lo, Tuhan pai binoni “Ma adigit tut tungwatu nya au. Ma atri tut nihyet kikau lene ma akes ahyet hon au.

ROMA 8:31

Gima hagom nok lene notou ibuhup hanyen bu i? Gino Allah tti kin nye ne tou ribindei cut nye i?

ROMA 9:5

intun idigup bat-idigai bat nya him cem. Kristus di bon ningut noyam kin tungwatu nya ingut ntun yoni him ba, ninyeng jei dor njiriek nindigsi nya yahagom. Ma tungwatu nya inggei sut Allah bijo ninno bijo kikau! Igbit ri.

KORINTUS GI NICAN 5:19

Nitri tut bipia Allah yai tungwatu yahagom ingon kwes kin Noni hanyen tug hon Kristus. Noni kwop kep ide sisar di ibon tunggwei sut Noni bu bi. Leu api Allah kes midyai nitri tut ningon kwes kin Noniti hanyen ei nye dip tu.

TIMOTIUS GI NIGOM 3:16

Bit bon tungwa hi tte tut ide niba ningon com Kristusti di nok mimun di mindur kan bi. Kristus luei nitta bindo Nonti nok tungwatu leu api Allah Ninnei ndo brei bipia Allah joi sut Kristus niyai munti nya leu api malaikati nya ingat Noni bou igyai him. Nide limwa nya itri tut Noni bak mben dihyeisi dini hagom leu api tungwatu nya bidem dihyei nisurti-nipekti hagom iba ingon com Noni leu api Allah kon Noni hanyen ug ei gwamti.

2 TIMOTIUS GI NICAN 4:17

Noro Tuhan ya kui da bisindem tut da leu binhyepo ditri tut Nihyet Di Kei titut yam ba, ngkiai nya yahagom imiap Nihyet Di Kei dima tu. Ba, Allah teu da bidingwes ngun leu yo di itin ei mem igyai nimai bida nya indati.

2 TIMOTIUS GI NICAN 4:22

Handei kon ba, Tuhan Yesus Kristus ningat rin bit na. Handei kon ba, Allah singat tut jahagom! Nipigo leu dani, Paulus