MATIUS 1:22 - ALLAH NIHYET MEM TUNGWATU NYA

²² Mun dini yok hagom pek kep mem yok leu binhyepo mun di Allah pai tug hon nabi midem ug e. Ba, Noni pai,

MATIUS 1:22 ပူးပေါင်းရင်းမြစ်များ

NIBOU NDIG NYA GI NIGOM 8:15

Lene noni pai biyok “Ma nyeni yahagom inggei sut mben Israel ide tuhan Allah! Noni yai mun di Noni preu ei mem dicig Daud hagom nok gi dem bit leu nok gi po pai binoni,

NIBOU NDIG NYA GI NIGOM 8:24

Ayai hagom bit leu nok apreu ei mem dicig Daud pima tu. Ade nipreu eisi nya hagom pek kep mem nye njap di ammani tu.

EZRA 1:1

Mpe dino Nibou Ndig Kores sindi ninyeng tak kep mben Persia mem ari bingwam gom lene tuhan bindei ba, nihyet po Nabi Yeremia tri tut gi nipou pima hagom dem igbit nipaisi. tuhan pingok ei Kores ningonti leu binhyepo tri tut ningon kanti tug hon srat gom di nide limwa nya ikwop kep nyen bidem minu di Kores ninyeng tak kepti nya hagom. Noni pai biyok,

MATIUS 12:17

Leu binhyepo mun di Allah pai tug hon Nabi Yesaya mipek kep mem Yesus,

MATIUS 13:21

Noro nihyet com nigau ug ei ingonti bi apino ingon nddong bi. Tirigi mun di kinei cut igkep yok ba, hiter hwen bit yok drek dip nihyet lene jei bi ingkwei hanyen.

MATIUS 13:35

Tug hon nisinati dima lene mun di tibim ei nabi nuhui him pek kep tu. Ba, nabi pai, “Diba nihyet nibiti nindati bingginau tungwatu nya. Dimbot kep tut mimun di jo nding habiei ei nimbie him kikau kwei bipek ammani kep.”

MATIUS 2:15

Ibong ei minu dima kikau bibou Herodes mai leu ug e. Mun dini pek kep mem yok leu binhyepo Allah nipaisi tug hon nabi midem ug e. Noni pai “Dihig Dipmot kwei leu minu Mesir.”

MATIUS 2:23

bibong ei minu ndig Nazaret. Nok gima lene srat di nabi nya ipas kep tut munggwom dima pek kep tu lewo ipas “Yoni mijem Yesus ninyeng Munggwom Timiei minu ndig Nazaret.”

MATIUS 5:17

“Harin dima jikan bipia dikwei nggek tut Puig Yahudi niggai serti di tug hon Musa kin mun di nabi nya ingginau je tut a. Dikwei nggek tut mun dima yok bi noro dibindei bipek kep hagom.

MATIUS 8:17

Yesus yai midyai dini hagom dem igbit tto bou di nabi Yesaya tri tut “Noni kwek nye leu ide ninggwenti bibiang ide nibuhunti nya.”

LUKAS 21:22

Lewo nijam dima ne Nijam Di Allah Kes Hukum Ei Tungwatu Nya Dip rin leu binhyepo mun di ipas ei Allah nihyetti micut igkep tungwatu nya tug hon nisinati dima.

LUKAS 24:44

Yem njita tu lene Noni pai biyok “Mun po dipai bije nipou tirigi dingat rin bit je pima suar dem igbit. Gima ne mun di ipas ei Puig Yahudi nicukti nya kin nabi nya ide srat nyati kin srat Mazmurti tut Da hagom suar dem igbit.”

YOHANES 10:35

Ikan tut bipia nibokti di ipas ei Allah Nihyetti ne nijit di ug hon nohonti bi sren ri. Allah pai sut yo di ibit Nonti nihyet bipia yoni ne awak di Noni pai tes nya ri.

YOHANES 15:25

Ide ningon mpo tut Dati cut igkep Da bit leu nok ide Puig Yahudi nicukti nibokti di pai ‘Yoni ingon mpo tut Da mikui-kausi.’

YOHANES 17:12

Tirigi digwam bit yok ne diba anyeng di sindem di ayai biDa binyohou yok apino ingwes ngun. Hi srawir bi. Noro no di suar srawir nongkom he. Suar noni srawir bit leu nok gi ipas kep ei Allah nihyetti.

YOHANES 18:9

Yesus pai nok leu binhyepo mun di Noni ngat nadi tindei yok pek kep mem yok tirigi pai “Arig e, dinyohou yo di Arig yai biDa leu api hi srawir bi.”)

KISAH 3:18

Allah mbot kep nihyet tug hon nabi nya yahagom yuhui him mimbrek ngan tu bipai ‘Nibou Ndig di teu tungwatu biyai niyaijo nijep biyok di dipreu ei mem yok miyai ninghuisi wei.’ Nok rino Allah bindei ba, mun dini yok hagom cut igkep Yesus tu.

ROMA 1:2

Ba, Allah preu ei mem nye tut Nihyet Di Kei mimbrek ngan tu tug hon Nide nabi nya. Noni bindei ba, ipas tut nipreu ei mem nyeti dima ei Allah Nihyetti.

NINGAT-HI-NGAT NYA 17:17

Lewo Allah pingok ingonti leu binhyepo injei siceu bigyai mun bit leu Nonti ningon kanti mem yok. Gima rino ice tut yam bikes ide nisindemti hagom ei mindhe di niten-pos nindati leu binhyepo ninyeng tak kep mun nyeng hagom bibou Allah nikos tutti nya midem ug e.