MATIUS 1:21 - ALLAH NIHYET MEM TUNGWATU NYA

²¹ Noni misrek tut munggwom nipinai leu api ma ajem ninyeng Yesus lewo Noni miteu Nide limwa nya leu ide sisar biyai niyaijo nijep biyok.”

MATIUS 1:21 ပူးပေါင်းရင်းမြစ်များ

NITRITI 17:19

Noro Allah srep “Atnem Sara migwam tut apmot bina leu api ma ajem ninyeng Ishak. Midikrau kep Ditde gi preu ei bit na dima tug hon nide nintun him yamti di bram yam nya bijo ninno bijo kikau. Nipreu eisi dima ug hon nohonti bi sren.

NITRITI 17:21

Noro gi po dipreu ei bit na pima mitug hon apmot Ishak ri. Sara migwam tut noni ei ari bingwam gi dip noyam kin bed dini.”

NITRITI 18:10

Lene tungwagom leu ikieti simbot dat bipai “Bed muhwindatai bu lene midikwei ngat je hanyen bu. Mpe dima ne atnem Sara migwam tut nipmot.” Lene Sara ya ei ibou ningai pima inghim nyahan ei prak meng nsi dima nimbou bintu kep no dima nihyet.

YEREMIA 23:6

Mpe dino ninyeng tak kep ne timiei Yehuda kin mben Israel nya yahagom mibong kei migwam kei. No dima ninyeng rino ‘Ide tuhan Di Teu Nye Leu Sisar Biyai Niyaijo Nijep Binye.’

YEREMIA 33:16

Miditeu timiei Yehuda kin timiei minu ndig Yerusalem nya bingwes ngun. Dibindei mbut nibong kei nigwam keisi mem yok. Dijem minu ndig Yerusalem ninyeng ‘Ide tuhan Ne Niteu Kep Nye Cig Ri.’

DANIEL 9:24

Allah kos tut bipia ug ei nijam ari bingwam nitindur sratus bitai ningot muhwindatai ne Noni kwek asut bat mben Israel nya kin jide minu ndig di kwes-kwau dima leu sisar kin mun di mbuk nya ri. Noni kos ser sisar leu api ta ninyeng tak kepti di sren-srau di jo ninno bijo kikau leu binhyepo ningat-hi-ngat bitut nimbot kepti dima dem igbit ba, Nide limwa nya ipiga tuhan De Ig di kwes-kwau hanyen ei mem Noni.

ZAKHARIA 9:9

Je di timiei nungug Sion e, ma jingon llei bibor! Je di timiei minu ndig Yerusalem e, ma jiba jingon di kei bibor bikon jihyet! Jingat i! Jide Nibou Ndig kwei ndam je ba, bindei timek Nide siceu nya! Noni ne nibou ndig di ningon sren-srau di kwei sut niteu je bijingwes ngunti. Noni ba nibou coi bigwam ei keledai nehen pap ningut gom dip bikwei ndam je.

MATIUS 1:25

Noro igyem njita tut yam bi kikau bibou Maria srek tut nipmot ug e. Tirigi noni srek tut nipmot lene Yusuf jem ninyeng Yesus.

LUKAS 1:13

Noro malaikati dima pai bak “Zakharia e, ma angon digit tut au! Allah miap ade nadi tu. Gima rino atnem Elisabet misrek tut munggwom pinai. Suar ajem ninyeng Yohanes.

LUKAS 1:31

Mporo anghop ba, asrek tut amunggwom nipinai lene suar ajem ninyeng Yesus.

LUKAS 2:11

Njap di ammani jide Nibou Ndig di miteu je leu sisar biyai niyaijo nijep bije nipmem srek tut ei Betlehem ba, ninyeng rino Kristus Tuhan!

LUKAS 2:21

Tirigi nide njap ug ei njap muhwindaningai su lene ibon midut sunat biNoni ba, Yusuf kin Maria ijem ninyeng Yesus. Ninyeng dima bit leu malaikati nipaisi nipou tirigi nipmem nghop bigyo.

YOHANES 1:29

Njapti kui bu ne Yohanes ngat igbit Yesus tirigi ttau kwei. Noni pai biyok “Jingat i! Domba Pmot Allah de di kos ser tungwatu dihyeisi dini ide sisar No rima!

YOHANES 4:42

Gima rino ipai bak misop dima “Nogindini niba ningon com Noni tug hon ahyet di atri tut Noni he bi noro tug hon nihyet di tibim kwei leu Nonti nuhui him. Nikan tut bipia Noni ne No di teu tungwatu nya leu ide sisar biyai niyaijo nijep biyok ri.”

KISAH 13:23

Allah ba yo di intun Daud him bitin ei No di teu mben Israel leu sisar biyai niyaijo nijep biyok bit leu nok nipreu ei mem yokti tu. No di teu mben Israel leu sisar biyai niyaijo nijep biyok pima ne Yesus ri.

KISAH 3:26

Gima rino Allah dimig Nide Awak bipinak Noni ndam je nipou bibie leu binhyepo Noni yai gi kei bije tug hon gi Noni bindei ba, jittin ser jiyai munti di sibut nya.”

KISAH 4:12

Tungwatu nya igyai niteu leu sisarti kin niyaijo nijep tug hon Yesus Nongkom he. Lewo tungwa hi leu tungwatu nya ikieti ei dihyeisi dini nisurti-nipekti hagom gi yai nisindemti leu Allah mem gima teu nye leu sisar kan bi.”

KISAH 5:31

Lene Allah kon Noni bigwam kui ninda com biyai nisindemti biNoni cem. Allah ndo Noni nok Nibou Ndig kin No di teu tungwatu leu sisar biyai niyaijo nijep biyok cem. Tug hon nisinati dima lene Allah bon nituti kin nikwesti mem mben Israel ittin ser ide sisar bikiek ndam Allah leu api Noni mikos ser ide sisar.

TITUS 2:14

Noni kes niyaisi ei mem nye biteu nye leu sisar ninyeng hagom leu api biyai ingon di kwes kin Noni cem inok Nide limwa di ijem iceu bit Nongkom he cem ba, ibrim ingkek mem igyai munti di kei bibor nya.

IBRANI 7:25

Gima rino Noni sindem mem gima teu tungwatu nya di ikwei kuk yok bak Allah tug hon Noni leu ide sisar biyai niyaijo nijep biyok bijo ninno-bijo kikau lewo Noni niyaijo kikau biya hacan mem yok ei Allah Noho bei.

YOHANES GI NIGOM 1:7

Gino ikak puig nipigati bit Allah di ningat rin ei nipigati lene ingon kwes kin yam ba, Nipmot Yesus ninggrom piap nye leu sisar ninyeng hagom.

YOHANES GI NIGOM 3:5

Jingon dorti tut bipia Kristus kwei ei dihyeisi dini leu binhyepo ciu ser tungwatu nya ide sisar di ibon nya lo, sisar ninyeng hi jo ei Noniti bi sren.

NINGAT-HI-NGAT NYA 7:14

Dibuhup “Andigpoi e, dikan tut bi. Lewo na di andigpoi nangkom akan tut.” Noni pai bida “Yo dini ne yo di igyai inghuisi wei bingwes ngun leu nijam nihwen bit tungwatu nyati rin ba, itot ide sinsun tu lene ibindei bitiei kei ei Domba Pmot ninggromti.

NIJAM NIKEI NYA 13:3

Mpe di gom ne tuhan de malaikati tau kep Manoah nitnem bipai bak “Ningat ne kwei bipek njap di ammani kep lene apijet yo. Noro jei bi lene ma anghop tut munggwom nipinai.

SAMUEL GI NIGOM 1:20

Noni nghop ba, srek tut nipmot lene jem ninyeng Samuel bisimbot dat “Dahara tuhan leu api Noni bindei ba, diyai dipmot gom.”