MATIUS 1:20 - ALLAH NIHYET MEM TUNGWATU NYA

²⁰ Tirigi Yusuf kan-kan nyen tut mun dini yok hagom lene Allah de malaikati gom tau kep noni tirigi bong bimumpriem bipai bak “He na di Yusuf dino ade pung kim Daud e, ma angwes mien tut gima ayai Maria nok atnem au. Lewo noni nghop tug hon Ninnei Gi Kwes.

MATIUS 1:20 ပူးပေါင်းရင်းမြစ်များ

NITRITI 31:11

Lene Allah de malaikati mbrap bit da tug hon mun di dimumpriem dima bihig dinyeng ‘Yakub e?’ Lene dibuhup ‘Dingat rini.’

NITRITI 46:3

Lene Allah pai binoni “Dani ne Allah di acig kuk no bak ri. Ma attin tut gima ambut ug ei minu Mesir au. Lewo midibindei ba, ade nintun him yamti di bram yam nya idigek bibor binok mben nindig bibor bu.

NIBOU NDIG NYA GI NIGOM 17:13

Lene Elia pai bak “Amei e, ma angon ku na tut au! Aug ba, angei njita mem jenti jiyem hak ug. Noro ma akang roti nindak mien gom ba, attei kwei bidiyem nipou ug e leu api angei niken mem apmot jeni bijiyem kep jingguma.

NIBOU NDIG NYA GI NIGOM 3:5

Lene tuhan tau kep noni mem mmun tug hon mun di mumpriem lene hig ser noni “Salomo e, disindui sut ba, ahara Da tut mun nyeng gom leu api midiyai gima bina ug ri!”

MAZMUR 119:125

Dinok awak mem Nani. Abindei ba, dingon dor niti leu binhyepo dingon ki tut Ade ningginausi nya.

MAZMUR 143:8

Awin kep dingonti tut Ade ningon ngakeisi bikwop njap tekti lewo diba dingon com Nani tu. Ando puig di suar dimbut kak bida lewo dingat nadi biNa.

MAZMUR 94:19

Mpe dino dingon kku da bidingon bos-bos nyen lene agwam ser dingon ba, abiyai ningon di nggei-hi-nggei bida.

NIPINGOK NINGONTI 12:5

No di ningon sren kan-kan nyen tut ningat di kei nya. Noro ma aba angon com no di sibut nipingok nati au.

YESAYA 26:3

tuhan e, ayai ningon kwes kin yamti bak yo di ingon nddong lewo iba ingon com Nani.

YESAYA 30:21

Gino jikriek leu puig lene mijimiap Nihyet di tibim ei jinghim dip kwei di pai “Gini ne puig ri, Ma jibit puig dini hak.”

YESAYA 51:7

Ditde mben jen e, ma jimiap kep dihyet. Jikan tut mun di igbit ba, dingginausi jo nyahan ei jingonti tu. Gino tungwatu iba ighyet bicig je lene ma jittin tut au. Ma jingon bos-bos nyen drek dip gino ighyet wer mpiahi tut je au.

YESAYA 7:13

Lene Nabi Yesaya pai “Gi nok lene je di jintun Nibou Ndig Daud him e, ma jimiap kep dihyet! Gino jibingon tungwatu nya tut gima yoom ingon tut jeti bidem bigyo apino jibingon Allah cem tut gima om ningon tut je bu e?

YESAYA 7:2

Tirigi Nibou Ndig Ahas miap tut tentara Siria inghapti bipia ikwei njei siceu bit tentara Israel pima tu lene noni kin nide limwa nya yahagom ingon ttin bibor ba, inok biei ninggrupti di hou ttem-ttem nyen.

YEREMIA 31:22

Je di jingon gom tut Da bi e, jihig jingon eisi kikau buug ei apig bu i? Dipai tes mun di nijep-jau bu ei dihyeisi dini tu. Mun dima rino no di pinai gwam coi no di sop.”

YEREMIA 33:26

nok gima cem midikrau kep Ditde nipreu eisi mem yo di intun Yakub him kin Ditde awak di Daud bijo kikau. Didimig tungwagom leu yo di intun Daud him sindam ba, ninyeng mitak kep yo di intun Abraham kin Ishak kin Yakub him. Midingondut Ditde limwa nya bidibindei ba, ibong kei igwam kei hanyen bu.”

YEREMIA 40:9

Gedalya pai biyok “Ma jittin tut gi jikes jenti ei nibou ndig Babel ninda nsi au. Jibong hak ei ide minu dini ba, jinok awak mem noni hak ug. Dipreu ei mem je bipia mijingwes ngun tug hon dani.

YOEL 2:28

“Niabiati bu ne miduhug dinnei bikwop ei tungwagom-gom ningonti. Jipmot bat kin jipmisop bat nya mitri tut dihyet. Jide andigpoi nya mimumpriem. Jide pinai pilei nya mingat-hi-ngat cem.

MBEN ISRAEL IMBUT-MBUT NYEN 12:6

Lene tuhan pai biyok “Suar jingig jitingou mem dihyet! Tirigi jide nabi nya ikiju bitri tut dihyet bije lene dindo dingon kanti biyok tug hon ningat-hi-ngat nya ba, dimbrap bit yok tug hon ide mun di imumpriem nya cem.

MATIUS 1:18

Yesus Kristus tirigi nimbie him ningwoi-ngwoi sindi nipmem srek tut nok gini. Yusuf yok wa kep Maria noro nipou tirigi iwak yam bigyem njita tut yam bigyo ne Maria kan tut bipia nghop tu lo, tug hon Ninnei Gi Kwes.

MATIUS 2:12

Leu api Allah sok kep yok tug hon mumpriem gom ser nhyema ingkwei hanyen bingat Herodes bu au noro ma imbut kak puig hiter di bie ug ei itimieisi hanyen leu.

MATIUS 2:13

Tirigi yo di ingon ki nya imbut leu lene Allah de malaikati tau kep Yusuf tirigi bong bimumpriem bisok kep noni “Akiju ba, anang tut munggwom dima pip nipmem ug ei minu Mesir leu lene jibong kikau ei minu dima bibou dihig je hanyen kwei ug e. Lewo Herodes nggok ser munggwom dima mem gima kos Noni.”

MATIUS 2:19

Niabiati Herodes mai leu su lene Allah de malaikati gom tau kep Yusuf ei minu Mesir tug hon ningat-hi-ngat tirigi Yusuf bong bimumpriem,

MATIUS 2:22

Noro tirigi noni miap tut bipia Arkelaus ya luei nicig Herodes nohoti binok nibou ndig ei hanjop Yudea lene noni ttin tut gima ngkwei hanyen ug ei hanjop nsi dima. Tirigi noni bong bimumpriem mbigom kin bu lene Allah tin puig di kei mem noni. Leu api noni kriau kikau ug ei hanjop Galilea,

MATIUS 27:19

Tirigi Pilatus gwam ser nide kintrorti di mbus tungwatu nya ingonti eisi lene nitnem sok nihyet kwei mem noni bipai “Ma apriet no di ningon ngun dima au. Lewo dingon hukti tut mun di dimumpriem tut Noni mem himmun di aponi.”

MATIUS 28:5

Malaikat dima pai bak sop nya “Ma jinghuisi mpig sut au! Dikan tut bipia jinggok ser Yesus di ipek ei biei salibti.

LUKAS 1:19

Malaikati buhup “Dinyeng Gabriel. Diya hak ei Allah Noho bei. Noni cuk da kwei leu binhyepo ditri tut nihyet di kei dini bina.

LUKAS 2:4

Yusuf cem jo leu minu ndig Nazaret ei hanjop Galilea buug ei nidigup-nidigai di Daud nitimieisi ei minu ndig Betlehem ei hanjop Yudea.

KISAH 5:19

Noro Allah de malaikati gom kau dimbou ig bui leu yok mem mmun bibuwak yok leu ig bui lene pai biyok,

NINGAT-HI-NGAT NYA 19:7

Jikwei ba, ingon llei bibor cem inggei ngwig sut Allah tut ninyeng jei biborti. Lewo tto bou dem mem Domba Pmot wak nitnem ba, no di sop tin ei mem niwak yamti tu.

NIJAM NIKEI NYA 13:3

Mpe di gom ne tuhan de malaikati tau kep Manoah nitnem bipai bak “Ningat ne kwei bipek njap di ammani kep lene apijet yo. Noro jei bi lene ma anghop tut munggwom nipinai.