MATIUS 1:11 - ALLAH NIHYET MEM TUNGWATU NYA

¹¹ Yosia yai nipmot Yekhonya kin nikinjoi bat nya. Ei mpe dima lene mben Babel icut igkep mben Israel bikat yok bicom yok ug ei minu Babel.

MATIUS 1:11 ပူးပေါင်းရင်းမြစ်များ

NIBOU NDIG NYA GI NICAN 23:31

Tirigi Yoahas de njap ug ei ari bingwam nyatungwagom ba, ningai lene noni kui bigwam nok nibou ndig mem timiei Yehuda nya. Noni bong ei minu ndig Yerusalem leu api ninyeng tak kep timiei Yehuda nya ug ei ninsi bed ningai. Nipmem ninyeng rino Hamutal ba, noni ne Yermia di timiei Libna nipmisop ri.

NIBOU NDIG NYA GI NICAN 24:14

Nebukadnezar kat timiei minu ndig Yerusalem nya kin nibou ndig nipmot bat nya kin yo di inyeng jei nya yahagom ba, isima ei ingkiaisi. Lene noni kat tukan ngkimom nitu nya kin tukan nindigsi nya cem ba, isima ei ingkiaisi. Noni buwak yok bingkwei sut yok hanyen ug ei minu Babel ba, yahagom imangti ibou sribu simnai. Noro Nebukadnezar sindui sut yo di yuhui mbum bibor nya ba, yongkom ibong ser minu ndig Yerusalem kikau.

NIBOU NDIG NYA GI NICAN 25:11

lene noni kat timiei nya kin tukan nya kin yo di itti kin nibou ndig mem mben Babel kin yo di ibong ser minu dima bikat yahagom ug ei minu Babel.

NIBOHON MBEN ISRAEL GI NICAN 36:10

Ug cut ari bingwam nikwas yamti lene Nibou Ndig Nebukadnezar kri Yoyakhin ug ei minu Babel leu api noni sima ei sirima. Lene Nebukadnezar ya kep ndigban di nibok kak ei tuhan De Ig nya hanyen bu bicat leu api mbut tut krebou-krebai. Leu api noni kon Zedekia di Yoyakhin nipmum kui bigwam nok nibou ndig ba, ninyeng tak kep timiei Yehuda nya kin timiei minu ndig Yerusalem.

NIBOHON MBEN ISRAEL GI NICAN 36:20

Noni kri limwa ngot di ingwes ngun nya yahagom ug ei minu Babel. Lene ibinok awak mem nibou ndig mben Babel kin yo di intun noni him nya ei minu Babel kikau ug bipek nijam di nibou ndig Persia ninyeng tak kepti kiju ba, sindem bibor.

YESAYA 13:1

Gini ne Allah nisokti di Yesaya di Amos nipmot yai di bitut mben Babel ri.

YEREMIA 27:20

Mpe di po Nibou Ndig Nebukadnezar nya ikat Yoyakhin di Yoyakim nipmot di nibou ndig minu Yehuda kin timiei minu Yehuda kin nibou minu ndig Yerusalem nya di ikri yahagom ug ei minu Babel pima ne igipos ndigban dima yok bittei ug ei minu Babel bi.)

YEREMIA 39:9

Lene Nebuzaradan di nibou tentara Babel kat limwa nindigsi di ingat rin ei minu ndig nya bitut yo di itti kin nimpung mben Babel nya bikri yahagom ug ei minu Babel.

DANIEL 1:2

tuhan sindui sut ba, Nibou Ndig Yoyakim cut bak Nebukadnezar di cat ndigban di nibok kak nya nite hi leu tuhan De Ig. Noni njei bikat timiei Yehuda nya bikri yok hanyen ug ei nide ig kwar nibousi ei minu Babel leu api ttei ndigban di nibok kak di pos nya hagom buug sut ei nibousi mem nide kwar di kuk no bak binju hagom ei ig gudanti.

MATIUS 1:12

Niabiati inok awak ei minu Babel bingwig leu su lene Yekhonya yai nipmot Sealtiel lene Sealtiel yai nipmot Zerubabel.

MATIUS 1:17

Gima rino yo di intun Abraham him kikau kwei bipek Daud ide nintun yam himti nimangti simnaibrimigtai. Ba, yo di intun Daud him kikau kwei bipek mpe di mben Babel icut igkep yok ide nintun yam himti nimangti simnaibrimigtai bu. Niabiati inok awak ei Babel kikau kwei bipek Kristus ningwoi-ngwoi cem ide nintun yam himti nimangti simnaibrimigtai.