MARKUS 9:2 - ALLAH NIHYET MEM TUNGWATU NYA

² Njap muhwindagom ser lene Yesus buwak Petrus kin Yakobus kin Yohanes nya ba, kui sut yok ug ei mbigdip gom anai bibor biyongkom. Tirigi iba igyai nghuisi jik kep Yesus lene ingat lo, luei nitta ba,

MARKUS 9:2 ပူးပေါင်းရင်းမြစ်များ

YESAYA 33:17

Ei nidipti bu lene mijingat nibou ndig di ba Nide nikei-kau-keisi bininyeng tak kep je bou jiyai him. Ninyeng di tak kep mikieng kep dihyei nisurti-nipekti hagom.

MARKUS 5:37

Tirigi Noni ningat rima ndam ig bei lene kuk nindigsi yahagom bigwam ba, ibit Noni bi. Noro ce tut Petrus kin Yakobus Yohanes di nikindig-nikinjoi nya bibit Noni.

MARKUS 14:33

Lene Noni buwak Petrus kin Yakobus kin Yohanes bimbut mbigom kin bu. Mpe dima lene Yesus ningon ngguk bibor ba, ningon buhun bibor cem.

NEHEI LEUSI 24:13

Lene Musa kin nisut Yosua di ya kui noni itin ei ba, Musa nongkom kui nungug di tuhan ningat rin eisi dima.

KORINTUS GI NICAN 13:1

Nogindini ditin ei mem dihwou ngat je mbiningai su. Bit leu nok ipas ei Allah nihyetti “Suar ibou can ibou ningai di ingat munhyet bou igyai him ipai jit nipou ug e leu api nikei kos tut hukum drek dip.”

YESAYA 53:2

Lewo tuhan de awak dima noyam kin biei kioi di hei ei dihyei di ngoi-ngati bit leu tuhan ningon kanti mem noni. Awak dima niyai nggrop mbris kei ba, niimaisi kei bibor kei leu dima nyeni ingat ingwes ei noti bi.

NIBOU NDIG NYA GI NIGOM 18:42

Tirigi Ahab ug yem njita sri lene Elia kui ug ei Nungug Karmel nimbigdip lene kuk no biba ningwak bikik dihyei bikes niimaisi ei nibiau nggreti bimmou kei.

NINGAT-HI-NGAT NYA 20:11

Gima ngwig leu lene dingat banggo mbrei nitiei di nindig bibor kin No di gwam dip. Dihyeisi kin mpia-bbed him pror hak leu No dima Noho bei ba, ingat gima yok bu bi sren.

MARKUS 16:12

Gima ngwig leu lene Yesus ndo Nonti brei bak ibou can di ibit Noni tirigi ingat rin ei puig sinon biyuug ei minu mien hiter.

FILIPI 3:21

Noni miluei ingut di sindem bi di mipror yon dini binoyam kin Nonti ningut di kei-kau-kei. Bon Noni yai gima drek dip gima Noni mbun nisindemti mem gima bikuk nipai testi nya hagom ei nimig him.

ROMA 12:2

Ma jiyai bram mun di bon ninyeng mem tungwatu dihyeisi dini kin igyai kepti nya au. Noro ma jisindui sut ba, Allah bibon jenti njem nok nijep bu. Tug hon nisinati dima mijikan tut Allah ningon kanti di kei bibor di biyai Allah ningon llei bibor bikwes-kwau mem jenti.

YOHANES 1:14

Nihyet dima luei nitta binok tungwatu ba, kwei bong bit nye. Nyeni ingat nikei-kau-keisi di Nicig yai biNoni lewo Noni ne Nipmot nimig gom ngat ri. Nipmot singat tut nye nindig bibor ba, Nongkom ndo Allah ningat titut yam brei binye.

LUKAS 6:12

Mpe dima lene Yesus kui bigwam ei mbigdip gom leu binhyepo huk nadi bak Allah kikau binjap kep.

MATIUS 14:13

Tirigi Yesus miap tut Yohanes nimaisi rino Noni bri ut bikes mpia ttou nsi dima leu buug ei mpia ttou nsi hiter di nok ha ngunti biNongkom. Noro tungwatu ningot ndig ikan tut nimbutti lene induk yam leu ide minu ndig nya ba, imbut sir mam bijop bram Noni.

NIBOU NDIG NYA GI NIGOM 18:33

Noni kon biei hum ei nimbar dima dip bibui sapi nikre ningut gom pima bidigo kukiau lene kon ninghui ei biei hum dip. Lene noni cuk tungwatu nya leu binhyepo itau minyei ei dibijig ningat bitaisi kwei ba, ibiprok sapi ninghui kin biei hum. Yo dima igyai hagom bit leu nok nicuk yoti.