MARKUS 7:7 - ALLAH NIHYET MEM TUNGWATU NYA

⁷ Ikuk yok biDa mikui-kausi lewo ingginau tungwatu nya tut idigup bat-idigai bat nya ide nidimig sutti bipai biyok gima ne Allah nidimig sutti nya ri.’

MARKUS 7:7 ပူးပေါင်းရင်းမြစ်များ

YESAYA 29:13

tuhan pai “Yo dima ikuk yok biDani ei yuhui him he noro ingonti ne jo minu ting leu Da. Ide mun di ikuk yok bak ne tungwatu ide nikos tutti di ipwoi ei ibou ngwakti he ri.

MATIUS 15:9

Ikuk yok biDa mikui-kausi lewo ipingok yam tut tungwatu nya ide nidimig sutti bipai biyok ‘Gima ne Allah nidimig sutti ri.’ ”

YAKOBUS 1:26

Gino hi kan bipia noni bit Allah ningon kanti lo, om kep nidweb bi lene no dima ris nonti ba, nikuk no bak Allahti bon ninyeng bi.

KOLOSE 2:22

Ide nidimig sutti dima yok hagom ket ei mun di tungwatu nya ibimangkrei he. Nidimig sutti dima yok ntun tungwatu dihyeisi dini ikan-kan nyenti kin ide ningginausi him he yo.

MATIUS 6:7

Tirigi jingat nadi lene ma jindat-ndat wai dem kep yo di igwam Allah ninghim au. Yo dima ikan bipia Allah miap ide nadi di yuhuk kikau.

TITUS 3:9

Noro ma ambres nanti leu yo di iba ighyet dahat yam tut mun di bon ninyeng bi kin yo di itig pung bijo ninno kin yo di iliriem yam kin yo di ihwen yam drek dip Puig Yahudi niggai serti nya cem lewo mun dima yok hagom bon ninyeng bi.

NINGAT-HI-NGAT NYA 22:18

Dani ne Yohanes rin bidisok kep yo di imiap nihyet di jo ei srat diniti ngkiem ser. Gino hi bisinggre bikum eisi lene Allah ba nsuwer ajar di ipas kep ei srat diniti bikum ei no dima nide hukumti.

SAMUEL GI NIGOM 12:21

Ma jiba joho rok kwar nya au. Bit bon yoni impu je ba, iteu je bijingwes ngun kan bi lewo innei dihip ihwap nsi bi.

NINDAT KEP TUHAN NICUKTI NYA 12:32

Suar jibit dicuk jeti nya hagom. Ma jiba jide nicukti bijikum eisi ba, jikus hi bijicom leu cem au.

YAKOBUS 2:20

He na di angon mbum e? Ajoi sut gima dindo brei bina bipia gino niyai munti nya bicim tindei niba ningon comti bi lene hagom bon ninyeng bi, bi e?

MALEAKHI 3:14

Ba, jipai bu ‘Gino ninok awak mem Allah ne gima bon ninyeng bi. Nna ug. Gino nibit nihyet ne nibipek mindei i? Gino nibon midut ningon di ngguk tut niyai munti nya ne nibipek mindei i?

KORINTUS GI NIGOM 15:14

Gino Allah win Kristus hanyen leu nimai eisi bi lene jo nibreisi bipia nihyet tut Kristus di nitri tut bije kin jide niba ningon com Kristusti hacem bon ninyeng bi.

KORINTUS GI NIGOM 15:58

Gima rino disut bat di dingon kieti jen e, ma jiyai nisindemti kin ningon nddongti. Ma jita jibou ei Allah de midyaiti lewo jikan tut bipia midyai di jiyai mem Tuhan nya hagom mikui-kausi bi sren.