MARKUS 7:4 - ALLAH NIHYET MEM TUNGWATU NYA

⁴ Ba, igyem njita di ipek ei pasarti bi bibou ipiap mun di ipek dima nipou ug e. Ikrau kep idigup bat-idigai bat nya ide nidimig sutti mang bibor tut gima ipiap mok kin ampou kin nimbumbati di iba ngkimom-tembaga bibon hagom nipou ug e.

MARKUS 7:4 ပူးပေါင်းရင်းမြစ်များ

MAZMUR 26:6

tuhan e, dipiap dinda lene gima bindo tut bipia ditunggwei sut Nani bi. Leu api dimbut nyen ttai Ade nimbar hum dok.

YESAYA 1:16

Ma jibon midut di bindei ba, jingon tiei kei. Ma jikes hon ba, jibon sisar bu au. Igbit ri! Ma jibon sisar bu au!

YEREMIA 35:5

Leu api dikon mok di ba anggur ngei joti bidikes ei Rekhab ninsi de nya yoho bei. Dibikes ampou nya cem simin bidipai biyok “Gima ne jidut ug.”

YEREMIA 4:14

Je di timiei minu ndig Yerusalem e, ma jicom jide mun di kinei bibor leu jingonti leu binhyepo jingwes ngun. Jiku jide nikan-kan nyenti di kinei bibor dima ei jingonti ug bipek apig bu i?

MATIUS 23:25

Aye! Notou mem je di guru Puig Yahudi nicukti nya kin je di Farisi nya i? Jingon can yo! Lewo jipiap jide mok kin jide den nisai he bipwoi kei noro bei ninsi ne rom-rau bimpung tut mun di jiba jingon di sibut kin jidrui bou ngwakti bipos leu tungwatu nya.

MATIUS 23:26

Je di Farisi nya e, jiyai tu! Ma jipiap mok kin den ninsi bipwoi kei nipou ug e leu binhyepo nisai cem pwoi kei.

MATIUS 27:24

Ningwigsi rino Pilatus kan tut bipia bit bon kimut ninda kep yok kan bi ba, mbigom yahagom iba imbuk ibigen ser noni ug ri. Gima rino noni tau minyei bipiap ninda ser ei yahagom igyai him bipai biyok “Dingon ngun. Midibiang nibuhunti tut No dini ninggrom bi noro jeni rino jibiang nibuhunti.”

MARKUS 7:8

Jiba jingha bak Allah nicukti nya leu api jikrau kep tungwatu nya ide nidimig sutti nya.”

YOHANES 2:6

Dibijig ngwak mem ibipiap inda eisi ningat muhwindagom jo ei mpia dima bit leu nok mben Yahudi igyai kepti. Dibijig gom dem mem ikiber kau nuut simnaimuhwidip eisi.

YOHANES 3:25

Yo di igya kui Yohanes ibou poi kin mben Yahudi gom isrep yam tut midut nipiap yonti bipwoisi.

IBRANI 9:10

Mun dima yok hagom bindo tut mun di pror yon nok njita di igyem kin ndia ngei di idut kin nidimig sutti tut nipiap nindati kin nipiap njitati cem. Nidimig sutti dima yok hagom mbut kikau bi noro mipror yon mpe dino Allah bindei mun nyeng hagom nijep bu.

YAKOBUS 4:8

Ma jidideu Allah leu api Noni dideu je. Je di jingon rom e, suar jipiap jinda leu ba, je di jingon mang e, suar jipindi jingon bikwes.

YOHANES GI NIGOM 1:7

Gino ikak puig nipigati bit Allah di ningat rin ei nipigati lene ingon kwes kin yam ba, Nipmot Yesus ninggrom piap nye leu sisar ninyeng hagom.