MARKUS 4:8 - ALLAH NIHYET MEM TUNGWATU NYA

⁸ Noro njita ngan nindigsi cut ei dihyei suti apino nikioi hei ba, ningat ntun him. Ninjem hi ngat ningat ningot ningai lene ninjem hi ngat ningat ningot muhwindagom lene ninjem hi ngat ningat sratus gom lene bikwop nok.”

MARKUS 4:8 ပူးပေါင်းရင်းမြစ်များ

YOHANES 15:5

Dani ne ba anggur ninjem ba, jeni ne ninda ri. No di com nigau ninghig-niker ei Daniti lene Dani dicom digau ninghig-niker ei noniti ba, noni mingat ningat mang di ntun noni him ri. Gino jisriot jenti leu Dani lene bit bon jingat ningat kan bi.

KOLOSE 1:6

Allah nihyet dima no kieng kep dihyeisi dini apino tungwatu nya igyai mun di kei di ntun nihyet dima him noyam kin mun di kei di jeni jiyai mpe di jimiap tut Allah nisingat tut jeti habiei ei nimbie him. Leu api nisingat tut jeti nyohou pingok ei jingonti kikau kwei bipek ammani kep.

MARKUS 4:20

Lene njita ngan di cut ei dihyei suti bindo tut yo di intu kep nihyet ba, ingon jo kep leu api ningat ntun him. Ningat ningot ningai ntun bihi him lene ningat ningot muhwindagom ntun bihi him lene ningat sratus gom ntun bihi him lene bikwop nok.”

NITRITI 26:12

Gima ngwig lene Ishak yai miai ei minu dima apino nide njita ngan di ndim ngat ningat sratus gom bibikwop nok lewo tuhan joi sut noni.

KISAH 17:11

Timiei minu ndig Berea nya igyok ingon mem Paulus nihyet dor njiriek timiei minu ndig Tesalonika. Ingig itingou mem nihyet tut Yesus lene ikieng leu Allah nihyet ba, iba srat bokti dima binai nihyet di Paulus tri tut biyok bikwop njap-njap.

MATIUS 13:8

Noro njita ngan nindigsi cut ug ei dihyei suti apino nikioi hei ba, ningat ntun him. Ninjem hi ningat sratus gom ntun him. Ninjem hi bu ningat ningot muhwindagom ntun him. Ninjem hi bu ningat ningot ningai ntun him lene bikwop nok.”

YEREMIA 23:29

Dihyet noyam kin hum kin apak di ki tig biki kukiau cem!

FILIPI 1:11

Apino hon kep njap dima ne jiyaijoti singat kei tug hon jide niyai munti di kei bibor kei nya di ntun Yesus Kristus Nongkom him ba, ibikon Allah ninyeng bibinggei sut Noni.

YOHANES 7:17

No di joi sut gima yai igbit Allah ningon kanti kan tut bipia Ditde ningginausi kwei leu Allah e, he kwei leu dingon kanti he e?

LUKAS 8:15

Njita ngan di cut ug ei dihyei suti bindo tut yo di imiap nihyet leu api ipwoi ei ingon di gomti kin ingon di kwes keiti. Yo dini ita ibou eisi bikui dip ningat di kei ntun him.”

LUKAS 8:8

Noro njita ngan nindigsi cut ug ei dihyei suti apino nikioi hei ba, ningat sratus gom ntun ninjem him.” Niabiati Yesus ba nihyet nibiti nindati bingginau yok lene pai biyok “Gino jitingou dile lene ma jiyok ngon kep dihyet!”

MATIUS 13:23

Ba, njita ngan di cut ug ei dihyei suti bindo tut yo di intu kep nihyet bimiap ba, ningat ntun him. Ningat sratus gom ntun bihi him lene ningat ningot muhwindagom ntun bihi him lene ningat ningot ningai ntun bihi him bibikwop nok.”

YESAYA 58:1

tuhan pai “Ma ambrua Ditde limwa nya tignam ba, ando ide sisar brei biyok!

MARKUS 4:7

Njita ngan gom-gom cut ariwace ug ei bohousi leu api bohou ceu nikioi ba, mui bingwig lene ngat ningat hi bi.

MARKUS 4:9

Niabiati Yesus ba nihyet nibiti nindati bingginau yok leu lene pai biyok “Gino jitingou dile lene ma jiyok ngon kep dihyet!”

EFESUS 2:21

Noni nyohou dimig ig dima titut yam bicim tindei yam nok gom bikum eisi nindig bibor nok Allah De Ig di tungwatu nya ipiga pijum ei mem Tuhan.