MARKUS 13:9 - ALLAH NIHYET MEM TUNGWATU NYA

⁹ Ma jitindei ser tungwatu nya lewo yoni mikat je bibuwak je ug ei Nikei Puig Yahudi nya yoho bei leu api imbas je ei mben Yahudi ide ig mbusyameisi. Yoni ibuwak je ug ei yo di inyeng jei kin nibou ndig nya yoho bei drek dip dinyeng. Gini hagom bon nikwesti di kei bibor mem gima jitri tut Nihyet Di Kei biyok.

MARKUS 13:9 ပူးပေါင်းရင်းမြစ်များ

YOHANES 16:2

Nibou nya micom je leu ig mbusyamei. Ei nidipti bu lene tungwatu nya ikan bipia gino igyai nimai bije lene gima bit leu Allah ningon kanti mem yok.

MARKUS 13:5

Noni buhup “Ma jitindei ser tungwatu nya leu binhyepo hi ris bije ba, jisrawir au.

NINGAT-HI-NGAT NYA 2:13

Dikan tut bipia mpia di jibongti dima ne mpia di Bilis gwam ei nide banggo mbrei dip ri. Mbro nok gino yo di isibut nya ihwen Antipas di ningon gom di tri tut Nihyet Di Kei ei jide minu di nok Bilis nibousi dima lo, jiba jingon com Da kikau. Jibikep ser Da drek dip bi lewo jingon gom tut Da.

NINGAT-HI-NGAT NYA 2:10

Ma jittin tut ninghuisi wei di jei bi mijiyai au. Jimiap e, Bilis bingon je bibindei ba, tungwatu nya mikat je bijisima ei ig bui nsi leu api jiyai ninghuisi wei kikau ug ei njap simnai. Mbro nok gino ibindei bijimai lo, suar jingon gom tut Da leu api midiyai niyaijo nijep di jo kikau nok munkwas bije drek dip jide nibindei cut yokti.

NINGAT-HI-NGAT NYA 1:9

Dani ne Yohanes ba, dinok jisut no di Kresten ri. Dibicom yam bit je mem nijam di iba ibou coi mem ninghuisi wei di cut igkep Nide limwa nya di inok gom kin Kristus. Disima ei Mios Patmos drek dip gi ditri tut Allah nihyet di Yesus ba Nonti nihyet bibindei sindem bibor.

TESALONIKA GI NICAN 1:5

Mun dini yok hagom nok bindo tut gima Allah ba ningon sren bimbus tungwatu nya ingonti. Jiyai ninghuisi wei mem Noni ba, gini mibindei bijidem mem gima jicoi bit Allah Ninyeng Tak Kepti.

FILIPI 1:29

Lewo Noni singat tut je ba, ubon je nok awak mem Kristus leu binhyepo jiba jingon com Noni he bi noro jiyai ninghuisi wei drek dip Noni.

KISAH 21:11

No dini kwei cem kep nye leu api ba Paulus de bang bingot nonti nimig-ninda leu api pai “Allah Ninnei tri tut bipia mben Yahudi ei minu ndig Yerusalem miba nisinati dini bingot bang dini niceu leu api mikes noni ei ngkiai nya indati.”

KISAH 9:16

Ba, Danti midindo binoni tut ninghuisi wei di micut igkep noni drek dip Dani bak yo.”

KISAH 7:54

Tirigi Nikei Puig Yahudi Nya imiap mun di tibim ei Stefanus nuhui him lene ingon sibui sut bigga noni nindig bibor.

YOHANES 15:20

Ma jiyok ngon kep mun di dipai bije. Awak nya inyeng jei dor njiriek iceu ninyeng bi. Gino ihwen bit Dani lene mihwen bit jeni cem. Gino ibit Ditde ningginausi lene mibit jide ningginausi cem.

LUKAS 9:5

Gino tungwatu nya igya um je bi lene ma jingkwei nyahan leu minu ttou nsi dima bijikit jimig jou tut ide dihyei ndung di dimbos hak nok mun di biki ingon a.”

MARKUS 6:11

Gino juug ei minu ttou nsi hi lo, tungwatu nya igya um je bintu kep jihyet bi lene ma jingkwei nyahan leu minu ttou nsi dima ba, jikit jimig jou tut ide dihyei ndung di dimbos hak nok mun di bindo biyok.”

MARKUS 1:44

“Amiap e, aug ba, ambot kep tut bras dima bak nindigsi nya au. Noro aug ndo nanti bak no di imam leu binhyepo noni bimian angkek dip. Leu api ayai mun bit leu nok Puig Yahudi nicukti pai binye nok bindo bak tungwatu nya yahagom bipia akei hanyen tu.”

MATIUS 5:22

Noro tini bu ne Da dipai bije bipia no di ningon sibui sut hiter miya ei nikei noho bei. No di pai hiter kinei miya ei Nikei Puig Yahudi nya yoho bei. No di pai bak hiter ‘Arom ndok!’ dima ningwes ngun leu hum njengti bi.

MARKUS 13:8

Nibou di isindem nya yeheu imbuk mem yam ba, timiei minu hi ikon pran bit timiei minu hiter. Dihyei mun brim ei nisurti-nipekti ba, ninggum hwen tungwatu nya. Mun dini yok hagom micut igkep yok bibie ba, dem kep sop di sindi ninghim dut tut nimunggwom.

YOHANES GI NICAN 1:8

Ma jingon sok kep jenti ser nhyema mun po nicom nahanggwap tut sar hanyen bi. Ma jibrim jingkek leu binhyepo jiyai jimuhup titut leu Allah.