LUKAS 9:22 - ALLAH NIHYET MEM TUNGWATU NYA

²² Yesus pai bu “Ei nidipti bu lene suar nibou mben Yahudi nya kin imam nindig nya kin guru Puig Yahudi nicukti nya igyai ninghuisi wei bak Munggwom Tungwatu Nipmot bikou sut Noni. Leu api Noni miyai nimai noro njap ningai bu lene Noni mikiju hanyen leu nimai eisi.”

LUKAS 9:22 ပူးပေါင်းရင်းမြစ်များ

NITRITI 3:15

Midibindei ba, na di wou kin no di sop jiba nitok biyam apino yo di intun nani him kin yo di intun no di sop him miba nitok biyam bu kikau. Nipmot mporo mitam abou ngwak lene mporo nani ma aham imig kien.”

DANIEL 9:26

Tirigi nijam dima ug hon nohonti ne no di Allah ta mem gima bie tut yok bon mun tunggwei hi bi lo, noni tug ndei nimai. Nibou ndig di sindem bibor gom de tentara ikon pran bit mben Yerusalem bibindei timek yok bitut itimiesi kin tuhan De Ig hagom bitimek bingwig. Nijam dima nohonti cut igkep yok dem kep nok minyei di su di biam tut pran kin mun di binggek yok bingwig di Allah tin ei mem yok.

ZAKHARIA 13:7

tuhan Di Ninyeng Jei Bibor pai “Singau simeda e, ma akiju ba, ahwen gembala di yai midyai mem Da! Ayai nimai bak leu api ide domba nya mintek gimahap. Dihwen Ditde limwa nya ba,

MATIUS 17:12

Noro dipai bije bipia Nabi Elia ttau kwei su noro tungwatu nya ingat igbit noni bi. Ibibon noni ugwai-gwai bit leu ingon kanti. Nok gima cem tungwatu nya mibibon Munggwom Tungwatu Nipmot ugwai-gwai.”

MATIUS 17:22

Tirigi yo di igya kui Yesus idem yam ei Galilea lene noni pai biyok “Jei bi lene ibou poi mikes Munggwom Tungwatu Nipmot ei tungwatu nya indati.

MATIUS 27:63

bipai binoni “Andigpoi e, nikan kep bipia tirigi niris mun cig pima niyaisi jo yo ne pai bak tungwatu nya ‘Njap ningai bu ne mporo dikiju hanyen leu dimai eisi.’

MARKUS 8:31

Gima ngwig lene Yesus kindi ngginau yo di igya kui Noni bipai “Suar Munggwom Tungwatu Nipmot yai ninghuisi wei nindig bibor ba, mben Yahudi ide nibou nya kin imam nindig nya kin guru Puig Yahudi nicukti nya mikou sut Noni. Tungwatu nya migyai nimai biNoni noro njap ningai bu lene Noni mikiju hanyen leu nimai eisi.”

MARKUS 9:31

lewo ngginau yo di igya kui Noni bipai biyok “Ibou poi mikes Munggwom Tungwatu Nipmot ei tungwatu nya indati leu api yo dima mikos Noni noro njap ningai bu lene Noni mikiju hanyen leu nimai eisi.”

LUKAS 17:25

Noro suar Noni yai ninghuisi wei nindig bibor bibie ug e ba, tungwatu nya ei nijam dini mikou sut Noni.

LUKAS 24:26

Suar jide Nibou Ndig di teu tungwatu nya biyai niyaijo nijep biyok yai ninghuisi wei nipou leu api ug krau Nide nikei-kau-keisi bi e?”

LUKAS 24:44

Yem njita tu lene Noni pai biyok “Mun po dipai bije nipou tirigi dingat rin bit je pima suar dem igbit. Gima ne mun di ipas ei Puig Yahudi nicukti nya kin nabi nya ide srat nyati kin srat Mazmurti tut Da hagom suar dem igbit.”

LUKAS 24:7

Noni pai bije nipou su ‘Suar tungwatu nya ikes Munggwom Tungwatu Nipmot ei yo di isibut nya indati leu api yoni mipek Noni ei biei salibti noro njap ningai bu ne Noni mikiju hanyen leu nimai eisi ri.’ ”

LUKAS 9:44

“Ma jiyok ngon kep dihyet dini lene ma jingon prion ser au! Lewo tungwatu nya mikes Munggwom Tungwatu Nipmot ei yo di isindem nya indati.”

KORINTUS GI NIGOM 15:4

itig ningut leu api Allah win Noni hanyen leu nimai eisi mem njap gi niningai bit leu nok gi ipas ei Allah nihyetti.

PETRUS GI NIGOM 1:11

Yoni inyohou pigot bram nimbot kepti kin tto bou mem nipek kepti tug hon Kristus Ninnei di ningat rin ei ingonti ningon kanti. Lewo Kristus Ninnei nyohou pingok ingonti tut nijam dino Kristus miyai ninghuisi wei kin nikei-kau-keisi ei niabiati bu.