LUKAS 9:20 - ALLAH NIHYET MEM TUNGWATU NYA

²⁰ Yesus hig ser yok “Noro bit leu jeni ne jipai Dani ne tou rin i?” Petrus mbot kep “Nani ne Nibou Ndig di teu tungwatu nya biyai niyaijo nijep biyok di Allah preu ei mem nye pima ri.”

LUKAS 9:20 ပူးပေါင်းရင်းမြစ်များ

MATIUS 22:42

“Ma jipai jingon kanti tut Nibou Ndig di teu tungwatu nya biyai niyaijo nijep biyok. Noni ntun tou him i?” Lene ibuhup “Noni ntun Daud him.”

MATIUS 26:63

Noro Yesus buhup bi. Lene imam nibou ndig pai binoni mbigom bu “Dipingok Na tug hon Allah Di Niyaijo ninyeng bipia gino anyeng rino Nibou Ndig di teu tungwatu nya biyai niyaijo nijep biyok di Allah Nipmot rin ne apai hak binye ug.”

MATIUS 5:47

Gino jipigo jisut bat nya he lene jibon munti dima bon ninyeng di notou dor njiriek yo di hiter i? Lewo yo di igwam Allah ninghim cem igyai nok gima!

MARKUS 14:61

Noro Noni buhup bi. Lene Imam Nibou Ndig hig ser Noni bu “Apo anyeng Nibou Ndig di teu tungwatu nya biyai niyaijo nijep biyok di Allah di kwes-kwau Nipmot e?”

MARKUS 8:29

Noni hig ser yok “Noro bit leu jeni ne jipai Dani ne tou rin i?” Petrus simbot kep “Nani ne Nibou Ndig di teu tungwatu nya biyai niyaijo nijep biyok ri!”

LUKAS 22:67

Yo dima ihig ser Noni “Gino anyeng rino Nibou Ndig di teu tungwatu nya biyai niyaijo nijep biyok lene ma apai hak binye.” Yesus buhup “Nok gino dibuhup igbit lo, jingon jo kep dihyet bi.

LUKAS 9:19

Yoni ibuhup “Bihi ipai Nani ne Yohanes di tur tungwatu nya ei minyeiti ri. Bihi ipai Nani ne Elia ri. Bihi ipai Nani ne igom leu nabi nitimiei di kiju hanyen leu nimai eisi ri.”

YOHANES 1:41

Noni ug nggok ser nikindig Simon haninyai bipai bak “Nyeni nuum Nibou Ndig di teu tungwatu nya biyai niyaijo nijep biyok di tungwatu nya ijem ninyeng Kristus tu.”

YOHANES 1:49

Natanael buhup “Na di Guru e, jo nibreisi bipia Nani ne Allah Nipmot ba, mben Israel ide Nibou Ndig cem ri!”

YOHANES 11:27

Marta buhup “Andigpoi e, diba dingon com bipia Nani ne Munggwom Allah Nipmot kin Nibou Ndig di teu tungwatu nya biyai niyaijo nijep biyok di Allah preu ei mem nye tut nikweisi cem ri.”

YOHANES 20:31

Noro hi pas kep mindur dini yok hagom leu binhyepo jingon jo kep bipia Yesus ne Nibou Ndig di teu tungwatu nya biyai niyaijo nijep biyok cem Allah Nipmot cem ri. Tug hon nisinati dima jiyai niyaijo nijep tug hon jide niba ningon com Noti.

YOHANES 4:29

“Jikwei ba, yuug ngat tungwagom di ndat kep diyai munti nya hagom brei bida ug e. Mpaba Noni ne Nibou Ndig di teu tungwatu nya biyai niyaijo nijep biyok rin e?”

YOHANES 4:42

Gima rino ipai bak misop dima “Nogindini niba ningon com Noni tug hon ahyet di atri tut Noni he bi noro tug hon nihyet di tibim kwei leu Nonti nuhui him. Nikan tut bipia Noni ne No di teu tungwatu nya leu ide sisar biyai niyaijo nijep biyok ri.”

YOHANES 7:41

Hiter ipai “No dini ne Nibou Ndig di teu tungwatu nya biyai niyaijo nijep biyok ri.” Noro hiter isrep “No di Nibou Ndig di teu tungwatu nya biyai niyaijo nijep biyok nitimieisi leu hanjop Galilea bi.

KISAH 17:3

Noni mbot kep tut Allah nihyet brei biyok tug hon nibokti di bindo bipia suar Nibou Ndig di teu tungwatu biyai niyaijo nijep biyok di Allah preu ei mem yok yai ninghuisi wei leu api kiju hanyen leu nimaisi. Noni tri tut biyok “Yesus di ditri tut bije dini ne Nibou Ndig di teu tungwatu biyai niyaijo nijep biyok di Allah preu ei mem je ri.”

KISAH 8:36

Yo cin dima imbut kak puig sinon biyuug krau minyei utti gom. Andigpoi pai “Angat i, minyei ut rimo! Mindei bu ribindei dino ma atur da ei minyei ut dimati bi i?” [

KISAH 9:22

Noro Saulus kum ei nimbrap nihyet sindemti bu ba, ndo bindo di sindem nya tut Yesus bipia Noni ne Nibou Ndig di teu tungwatu biyai niyaijo nijep biyok ri. Apino bit bon mben Yahudi ei minu ndig Damsyik itte tut nihyet dima kan bi.

YOHANES GI NIGOM 5:1

No di ningon jo kep bipia Yesus ne Nibou Ndig di teu tungwatu nya biyai niyaijo nijep biyok rin ne no dima Allah nimunggwom ri. No di ningon ngakei nicig ningon ngakei nicig nimunggwom bat nindigsi nya cem sindam.