LUKAS 8:50 - ALLAH NIHYET MEM TUNGWATU NYA

⁵⁰ Tirigi Yesus miap nipaisi lene pai bak Yairus “Dwai! Ma angon digit tut au. Angon jo kep Da lewo apmisop mikei hanyen bu ug ri.”

LUKAS 8:50 ပူးပေါင်းရင်းမြစ်များ

YESAYA 50:10

Je di jibou cut bak tuhan di jimiap kep Nide awak nihyet e, mpaba puig di jimbut kak dima dindi ba, nipigati hi di piga digai puig mem je bi. Noro ma jiba jingon com tuhan bijirok kui jide Allah.

MARKUS 5:36

Noro Yesus ba ningha bak ighyet bipai bak Yairus “Dwai. Angon digit tut au noro ma angon jo kep Da!”

MARKUS 9:23

Yesus buhup “Nggon rino ahig Da ‘Gino asindem mem gima ampu nye’ i? Lewo bon no di ba ningon com Da yai mun di hagom kan.”

LUKAS 8:48

Yesus pai binoni “He dikwohop ndia ug o, akei hanyen tug hon ade niba ningon com Dati. Dikes na ba, aba angon di nggan-triot bingkwei hanyen hak ug.”

LUKAS 8:51

Tirigi Yesus kwei krau ig dima lene kuk nindigsi yahagom bigwam ei biyati. Lene buwak Petrus kin Yohanes kin Yakobus kin Yairus nitnem nya bicoi bit Noni ei ig bei.

YOHANES 11:25

Yesus pai binoni “Diwin yo di imai nya leu imai eisi bidiyai niyaijo nijep biyok. Mbro nok gino hi mai su lo, gino ba ningon com Da tu lene miyai niyaijo nijep di jo kikau.

YOHANES 11:40

Yesus pai bak Marta “Apo dipai bina tu bipia gino aba angon com Da lene mporo ma angat Allah de nisindemti bou ayai him bi e?”

ROMA 4:17

Lewo Allah pai bak Abraham “Dibindei ba, anok pung di mben mang bibor intun him.” Gima ne Allah nipreu ei mem noti. Apino Abraham ba ningon com Noni. Noni ne Allah di kon tungwatu hanyen leu imai eisi rin lene ba nihyet bipai tes mun di jo bi sren bibindei ba, jo nijoti.

ROMA 4:20

Noni kes nide niba ningon com Allahti ei ba, ningon nggre tut mun di Allah preu ei mem noni bi. Noro nide niba ningon com Allahti bindei kum ei nide nisindemti apino noni nggei sut Allah.