LUKAS 8:24 - ALLAH NIHYET MEM TUNGWATU NYA

²⁴ Yo igya kui Yesus iwin Noni ba, yahara “Andigpoi e, isar minyei ug ri!” Noni kiju biya ba, ggai ser hou di nimig ten bibor kin igpong di roi bibor leu api hou ntus hak ba, mpia mbum-bra.

LUKAS 8:24 ပူးပေါင်းရင်းမြစ်များ

MAZMUR 65:7

Ata nungug nya hagom bijo nijoti tug hon Ade nisindemti leu binhyepo ando Ade nisindem biborti brei bak tungwatu nya.

YESAYA 50:2

Nggon rino Ditde limwa hi buhup dihyet tirigi po dikwei hig yok pima bi i? Nggon rino inghek Da ba, ikan bipia disindem mem gima dikwek yok biditeu yok ba, ingwes ngun bi i? Ningat ne disindem mem gima diba dicukti bindei ba, muk ndigsi sri bipingge bingwig ba, minyei nya cem pingge bingwig dem kep nok iggum ndigsi ba, wau di joti nya hagom mai bimpiei bibor.

YEREMIA 5:22

Dani ne tuhan ri. Nggon rino jittin tut Da bi i? Suar jidigit tut Da! Dani rino dipai tes muk nintig dip di bikkin ser muk ngei di dwoi njiriek bi bijo ninno bijo kikau. Muk dwoi nindig biroi lo, njiriek hanjop niya kwas yamti dima bi.

NAHUM 1:4

Noni pai bak muk ngei bibindei ba, ningei pingge leu api minyei nya hagom ningei ngwig leu. Nungug Karmel kin ngoi dumti nya ei minu Basan ngak cai ba, mitou ei minu Libanon nya hagom nimeng mbris.

MATIUS 14:30

Noro tirigi noni ngat hou di nimig ten bibor ei minyei ngwa dip rino ningon ttin. Apino minyei ngwa sindi krup tut bisar minyei noro noni hara “Tuhan e, ateu da o!”

MATIUS 8:25

Leu api yo di ibit Yesus yuug win Noni ba, yahara “Andigpoi e, ampu nye leu isar minyei ug ri!”

MARKUS 4:39

Lene Noni kiju biya leu api ggai ser hou di ten bibor kin igpong di roi bibor bipai “Jikes hon ba, jintus hak.” Apino hou di ten bibor ntus hak ba, mpia mbum-bra.

LUKAS 4:35

Yesus pai ser ninnei rom bipai “Akes ahyet ba, ahei leu ningonti hak ug!” Tirigi ninnei rom dahat kukwei noni binjei noni ug ei igjou dip bou yahagom igyai him leu lene ninnei rom dima hei leu ningonti bibindei ba, ninggwenti cut igkep noni bi.

LUKAS 4:39

Yesus ug ngat noni leu api bindei ba, ningkek di dut pren hak leu noni leu api noni kiju bingei njita tut Yesus nya.

LUKAS 5:5

Lene Simon buhup “Guru e, nicom nahanggwap mikuisi himmun jei di aponi noro nipos wau hi bi. Nnaba midicom jala kep wau mbigom kin bu bit leu nok acuk dati.”

LUKAS 8:25

Lene Noni hig ser yok “Nggon rino jiba jingon com Da haigtu bi i?” Leu api yoni inghuisi mpig sut binggap leu tut lene ihig yam “Tou rin i? Lewo Noni bindei ba, hou kin minyei ntus bit nihyet.”