LUKAS 8:22 - ALLAH NIHYET MEM TUNGWATU NYA

²² Mpe di gom bu lene Yesus bri ut bit yo di igya kui Noni bipai biyok “Jikwei ba, yuug ei igpong nite dinyo ri.” Gima rino itig minyei bimbut.

LUKAS 8:22 ပူးပေါင်းရင်းမြစ်များ

MATIUS 14:22

Gima leu lene Yesus cuk yo di igya kui Noni ba, ibri ut bibie ba, ibitot minyei ngwa dip ug ei igpong nite dinyo sri bibou Noni kes tungwatu ningot ndig pima bingkwei ug ei ide ig leu ug e.

MATIUS 8:18

Tirigi Yesus ngat lo, yo di imang bibor ingwig ttai Noni lene cuk yo di igya kui Noni jikwei ba, yuug ei igpong nite dinyo.

MARKUS 5:21

Tirigi Yesus bri ut bitot minyei ngwa dip hanyen ug ei igpong nite dima ug lene tungwatu nya ningot ndig induk yam kwei bigya um Noni ei igpong nintig dip.

MARKUS 6:45

Gima leu lene Yesus cuk yo di igya kui Noni ba, ibri ut bibie lene iba ut bitot minyei ngwa dip ug ei igpong nite dinyo ndam Betsaida sri bibou Noni kes tungwatu ningot ndig dima bingkwei ug ei ide ig leu ug e.

MARKUS 8:13

Lene Noni kes yok ei bibri ut hanyen leu api ba ut bitot minyei ngwa dip ug ei igpong nite dinyo ug.

LUKAS 5:1

Mpe di gom bu lene Yesus ya-ya nyen ei igpong Genesaret nintig dip lo, tungwatu nya iba yo dek yam bingwig ttai Noni leu binhyepo intu kep Allah nihyet.

LUKAS 8:23

Tirigi yuug ei minyei ngwa dip lene Yesus bong mai. Mpe dima lene hou di nimig ten bibor cut kros ba, igpong roi nindig bibor bikibor ei ut nsi apino mbigom isar minyei.

LUKAS 8:33

ikes no dima leu bicoi kikau ug ei na dima yok ingonti. Lene na nya yahagom idor sindem bibor ug ei pimbien bou bikinyon ei igpongti leu api minyei kot yahagom bisar bingwig ug.

YOHANES 6:1

Njap poi ser lene Yesus ngkwei hanyen ug ei Igpong Galilea nite dima ug. Tungwatu nya ijem igpong dima ninyeng hi Igpong Tiberias.

KISAH 27:2

Nibri kibar minyei di kwei leu minu ndig Adramitium lewo timiei kibarti dini itin ei mem iba kibar bitot minyei ngwa dip ug ei muk nuhuisi nya kikau ug ei hanjop Asia. Aristarkhus di nitimieisi leu minu ndig Tesalonika ei hanjop Makedonia cem bit nye.