LUKAS 8:15 - ALLAH NIHYET MEM TUNGWATU NYA

¹⁵ Njita ngan di cut ug ei dihyei suti bindo tut yo di imiap nihyet leu api ipwoi ei ingon di gomti kin ingon di kwes keiti. Yo dini ita ibou eisi bikui dip ningat di kei ntun him.”

LUKAS 8:15 ပူးပေါင်းရင်းမြစ်များ

MAZMUR 119:11

Dipoi Ade ningginausi ei dingonti leu binhyepo dibon sisar tut Nani bi.

MAZMUR 51:10

Asindui sut ba, nihyet di bindei di dingon llei bibor hanyen tibim kwei ei ditingou nsi. Lene mbro nok gino aco kep da tu lo, dingon minggan-triot kei hanyen bu.

NIPINGOK NINGONTI 3:1

Dimunggwom na e, ma angon prion ser ditde ningginau nati nya au. Ayok ngon kep ditde nipingok nati nya hagom bijo ninno bijo kikau.

YEREMIA 15:16

Ambrap bit da leu api dimiap kep ahyet hagom. tuhan Allah Di Sindem Bibor e, diceu riNani. Gima rino ahyet bindei ba, dingon kei bibor bidingon nggei-hi-nggei.

YEREMIA 31:33

Noro tini bu ne dipreu ei mem mben Israel nok gini. Dipwoi Ditde niggai serti nya ei ibou ngwakti bidipas kep dicukti nya ei ingonti. Dinok ide Allah lene yoni inok Ditde limwa nya.

YEREMIA 32:29

leu api ibindig minu ndig dini bitut ig ngot di Ditde limwa nya ibibon diggati eisi nya tug hon gi indig biei nggrai di ui-gwang kei bak Baal ba, ikiber ba anggur ngei mem ibikuk yok bak kwar nya ei ig bou njek dip cem.

MATIUS 24:13

Noro Allah miteu no di ya ngkiem kikau ug bipek ningwig honti.

LUKAS 11:28

Noro Yesus buhup “Yo di imiap Allah nihyet bibindei mbut nihyet dima ingon nggei-hi-nggei nindig dor njiriek bu.”

LUKAS 6:45

Ningat di kei ntun no di ningon kwes him lewo ningon kanti hagom kei. Lo, ningat di kinei ntun no di ningon rom him lewo ningon kanti hagom kinei. Mun di tibim ei tungwatu nya yuhui him hagom kwei leu mun di ingon mpung tut.”

LUKAS 8:14

Njita ngan di cut ug ei bohousi bindo tut yo di imiap nihyet noro ingon ku yonti tut mun di pror yon lene iba yoho rok mitiei nindig bibor kin ndigban di ingat ingwes eisi cem apino gima yok hagom ceu nihyet leu api ningat ntun him bi.

LUKAS 8:16

“Tou ritin mini binjeng lene ba bokor bikibou kep ninjeng hanyen bikes bijo ei bilen nibehei i? Hi bi! Noro ikon bikes ei nidihimti leu binhyepo yo di icoi kwei ei ig bei ingat ninjeng di piga.

YOHANES 14:15

“Gino jingon ngakei Da lene jibindei mbut Ditde nicukti nya.

YOHANES 15:10

Gino jibindei mbut Ditde nicukti nya apino jingon gom tut Ditde ningon ngakeisi. Gima noyam kin dingon gom tut Dicig Nide ningon ngakeisi tug hon gi dibit nicukti nya.

ROMA 2:7

Allah miyai niyaijo di ningat di jo kikau bikwop bak yo di ita ibou ei midyai di kei bibor nyati bibindei ba, Noni nggei sut yahagom bikon inyeng biyai niyaijo di singat kei biyok.

ROMA 6:22

Noro tini bu ne Allah kwek je leu sisar de nisindemti ba, jinok awak mem Noni. Jiba jekep jingon di gom tut Noni apino niyaijo nijep di jo kikau ntun him.

ROMA 7:18

Dikan tut bipia mun di kei nyeng hi ningat rin ei dingonti kin dingut kanti di ntun dihyeisi dini himti bi. Mbro nok gino dingon kanti di kei bibor ntun dingon him lo, bit bon diyai dibou tut kan bi.

ROMA 7:4

Disut bat jen, nok gima tut jeni cem. Jindo jimai eisi bak Puig Yahudi niggai serti lewo jinggre kin Kristus ninguda. Nogindini jijem jiceu bit Kristus di Allah kon leu nimai eisi. Allah kon Noni hanyen leu nimai eisi leu binhyepo nyeni iba niyaijo nijep biyai midyai mem Allah.

ROMA 8:25

Noro gino igyok ingon mem mun di ingat bou igyai him bi ne ibet ingon mem hak ug.

KORINTUS GI NIGOM 7:19

Nicoi bit midut sunat kin nicoi bit bi hacem bon ninyeng bi. Noro mun di bon ninyeng rino ibit Allah nicukti nya.

EFESUS 2:8

Jide niba ningon com Kristusti bindei ba, jiyai niteu leu sisarti kin niyaijo nijep tug hon Allah nisingat tut jeti. Jitug ndei niteu leu sisarti tug hon jiyai munti nya bi noro tug hon Allah nisingat tut jeti leu binhyepo bit bon hi ningon jei sut nonti drek dip niyai munti nya kan bi.

NINDAT KEP TUHAN NICUKTI NYA 30:6

tuhan di nok jide Allah mibindei ba, jeni kin jide nintun him yamti di bram yam nya jingon sren leu binhyepo jiba jingon titut bingon ngakei Noni apino mijibong ser minu dima kikau.

FILIPI 1:11

Apino hon kep njap dima ne jiyaijoti singat kei tug hon jide niyai munti di kei bibor kei nya di ntun Yesus Kristus Nongkom him ba, ibikon Allah ninyeng bibinggei sut Noni.

KOLOSE 1:10

Tug hon nisinati dima lene jide niyaijoti mibicim tindei Allah ningon kanti mem je ba, jipwoi Nonti ningon kikau. Lene ningat di kei nyeng hagom mintun jide niyaijoti him ba, jibikum ei jide ningon dorti tut Allahti.

KOLOSE 1:6

Allah nihyet dima no kieng kep dihyeisi dini apino tungwatu nya igyai mun di kei di ntun nihyet dima him noyam kin mun di kei di jeni jiyai mpe di jimiap tut Allah nisingat tut jeti habiei ei nimbie him. Leu api nisingat tut jeti nyohou pingok ei jingonti kikau kwei bipek ammani kep.

IBRANI 10:36

Suar jibet jingon kikau leu binhyepo jiyai Allah ningon kanti mem je apino mijiyai mun di Noni preu ei mem je.

IBRANI 2:1

Gima rino suar ikrau kep nihyet di nijit-jau di imiap tu leu binhyepo ingkwei leu ba, israwir au.

YAKOBUS 1:4

Ma jinyohou jide ningon nddongti kikau ba, ningat ntun him leu binhyepo jimahan ei Kristusti ba, mun di jisuar nya hagom midem mem je.

YOHANES GI NIGOM 2:3

Gino igyai igbit Allah nicuk nyeti nya ne gini bindo bipia ingon dorti tut Noni mungkun tu.