LUKAS 7:47 - ALLAH NIHYET MEM TUNGWATU NYA

⁴⁷ Gima rino dipai bina bipia nide ningon ngakei Dati di nindig bibor dima ndo bipia Allah kos ser nide sisar di mang bibor tu. No di yai nikos ser nide sisarti gom-gom he miba ningon ngakeisi poi mien bibirop no di kos ser nide sisar.”

LUKAS 7:47 ပူးပေါင်းရင်းမြစ်များ

YESAYA 1:18

tuhan pai “Jikwei ba, ikwam minggwen bit yam ser munhyet dini. Mbro nok gino jide sisar bindei ba, jingwoi kei noyam kin ban ngwoi lo, mididip tut jingonti bidibindei ba, tiei kei noyam kin bungguma. Mbro nok gino jide sisar mang bibor buhun tak je lo, midikos ser hagom bingwig leu je.

YESAYA 55:7

Ma no di sibut kes hon ba, sibut bu bi. Ma noni luei ningonti tut niyai munti nya bikwei kuk no bak tuhan di ningon nggriu. Ma noni ngkwei hanyen ndam tuhan di ngondut noni. Lewo tuhan kos ser nide sisar.

YEHEZKIEL 16:63

Midikos ser ade nitunggweisi nya hagom. Noro bit bon abbwe ser gima yok bi ba, ahap aji ba, apai jit ade nitunggweisi nya cem kan bi. Da di tuhan Di Dinyeng Jei Bibor disimbot dat tu.”

MIKHA 7:19

Mporo ma angon nggriu sut nye hanyen bu ba, akos ser nyende sisar. Mporo ma aco kep nyende sisar binnir-wap ba, acom hagom ug ei muk jou!

MATIUS 10:37

No di ningon ngakei nicig kin nipmem nindig dor njiriek ningon ngakei Dati ne dem mem noni ya kui Da bi. No di ningon ngakei nipmot kin nipmisop nindig dor njiriek ningon ngakei Dati ne dem mem noni ya kui Da bi.

LUKAS 7:39

Tirigi Farisi di ngei njita mem Yesus ngat igbit sop dima niyaisi dima lene kan-kan nyen ei ningonti “Gino No dini ne nabi di nijit rin lene Noni kan tut bipia sop di ngget Noni dima ne sop di bon kep sisar ri.”

LUKAS 7:46

Aba mini ibou biprok dibou bi noro sop dini ba mini mbris biprok dimigya.

LUKAS 7:48

Lene Yesus pai bak sop dima “Dikos ser ade sisar tu.”

KISAH 5:31

Lene Allah kon Noni bigwam kui ninda com biyai nisindemti biNoni cem. Allah ndo Noni nok Nibou Ndig kin No di teu tungwatu leu sisar biyai niyaijo nijep biyok cem. Tug hon nisinati dima lene Allah bon nituti kin nikwesti mem mben Israel ittin ser ide sisar bikiek ndam Allah leu api Noni mikos ser ide sisar.

ROMA 5:20

Allah Nonti yai Puig Yahudi niggai serti bak mben Yahudi. Mbro nok gino tungwatu nya ibingon mem gima ibit Puig Yahudi niggai serti lo, ikum ei nipigau Puig Yahudi niggai serti ba, ibon sisar ei Allah niyai him. Mbro nok gino ikum ei ide nibon sisarti nindig bibor lo, Allah kum ei nisingat tut yokti nindig bibor bu.

KORINTUS GI NICAN 5:14

Kristus ningon ngakei nyeti ninyeng tak kep niyai munti nya. Ba, nikan tut bipia tungwagom ngat mai biya luei nindigsi nya yahagom. Gini ndo bipia yahagom imai ei ide sisarti tu.

GALATIA 5:6

Leu gino inok gom kin Kristus Yesus lene midut sunat di igyai e, he igyai bi e, lene gima bon ninyeng bi. Ide niba ningon com Kristusti he rino bon ninyeng ba, ibindei mbut gima tug hon ide ningon ngakei yamti.

EFESUS 6:24

Handei kon ba, Allah singat tut je dino jiba jide ningon ngakei yamti di ug hon nohonti bi dima bingon ngakei ide Tuhan Yesus Kristus. Nipigo leu dani, Paulus

FILIPI 1:9

Dingat nadi tindei je leu binhyepo jikum ei jide ningon ngakei Allah kin yo di jinttig-tta nyati ba, jikum ei jide ningon di dorti tut mun di nijit-jau kin gi jiba ningon di ki bimbus yam ngonti kikau,

TIMOTIUS GI NIGOM 1:14

Ide Tuhan Yesus Kristus singat tut da nindig bibor bibindei ba, diba dingon com Noni ba, dingon ngakei tungwatu nya cem. Noni yai nisindemti ninyeng can dini bak yo di inok gom kin Kristus yahagom.

YOHANES GI NIGOM 1:7

Gino ikak puig nipigati bit Allah di ningat rin ei nipigati lene ingon kwes kin yam ba, Nipmot Yesus ninggrom piap nye leu sisar ninyeng hagom.

YOHANES GI NIGOM 3:18

Dimunggwom bat jen! Ma indo ingon ngakei yamti tug hon mun di ipai ei yuhui him he au. Noro ma iba ningon ngakei yamti bingondut yam igbit tug hon igyai munti nya.

YOHANES GI NIGOM 4:19

Ingon ngakei yam lewo Allah ningon ngakei nye bibie.

YOHANES GI NIGOM 5:3

Lewo ningon ngakei Allahti bindei ba, ibit nicuk nyeti nya sindam lene nicuk nyeti nya buhun tak nye bi.