LUKAS 7:25 - ALLAH NIHYET MEM TUNGWATU NYA

²⁵ Juug ngat mindei i? No di juk sinsun di nibok kak e? Yo di ijuk sinsun di nibok kak kin yo di inyeng tut ndigban nindig bibor yahagom ibong bit nibou ndig nya!

LUKAS 7:25 ပူးပေါင်းရင်းမြစ်များ

SAMUEL GI NICAN 19:35

Ditde njap ug ei ari bingwam ningot muhwindaningai tu. Dingat dingwes ei mun nyeng hiti bu bi. Diyem njita hagom kei bi ba, biei ngat ningei hagom nok minyei he lene ditingou nam ser yo di ipai doia ighyet cem tu. Gino duug bong bit na di Andigpoi lene midinok mun di buhun mem nani.

NIBOU NDIG NYA GI NIGOM 10:5

kin ig di Salomo ngot mem yo di igya kui noni kin notou noni nyohou dimig nide kintrorti kin nide awak nya di ijuk sinsun hagom bit leu nok midyai di igyai nya kin njita kin biei ngat ningei ei nide meja dip kin nide awak di inyohou dimig pesta kin nibon midut di noni bon ei tuhan De Ig hagom. Mun di nibou ndig sop leu minu Syeba ngat bou niyai him dima hagom bindei ba, noni nggap leu tut ba, ningon mbris leu cem.

NIBOU NDIG NYA GI NICAN 1:8

Lene ibuhup “Noni juk mindhe ngkek nok sinsun ndok di jei lene ba mindhe ngkek bikri kep nintig bou a.” Nibou ndig pai biyok “Ayo! No dima ne Nabi Elia ri.”

ESTER 1:11

Lene cuk yok leu binhyepo ibuwak Sop Nibou Ndig Wasti pima kwei bikwei sut nide topi sop nibou ndig di bijuk nibou biya tut ei noho bei. Sop Nibou Ndig dima ne sop ubbu ngat kei rin ba, nibou ndig joi sut ndo nuubbu ngat keisi dima bak nibou di inyeng jei nya kin nindigsi di idem yam ei dima yahagom.

ESTER 1:3

Nibou Ndig Ahasyweros ninyeng tak kep limwa nya ug cut ari bingwam gi niningai lene noni bon pesta di nindig bibor mem yo di inyeng jei kin yo di igya kui noni yahagom. Nibou pran minu Persia kin Media kin nibou hanjop nya cem bitut yo di inyeng jei ei hanjop nsi nya yahagom ibit pesta dima.

ESTER 4:2

kikau buug biya hon dimbou pmem nuhui ei ig nibou ndig. Noro coi ig dima bi lewo harin dima yo di ijuk sinsun kron icoi ug ei ig nibou ndig a.

ESTER 5:1

Ug ei njap gi niningai ei njap di niyem njita ba, nidut ndia ngei bi pima rino Ester juk nide sinsun sop nibou ndig leu api ug ngat nibou ndig ei ninsi di jo bas hak di iba ngug tig bikrop ttai ma kwei. Mpe dima lene nibou ndig no gwam kui nide banggo mbrei di birok kik dimbou hui.

ESTER 8:15

Gima leu lene Mordekhai juk sinsun no di ninyeng jei di bon nisieng nidri kin nitiei bitut sinsun ndok di jei di gwam nimig gom di bon nisieng nghei nta di iba minghas linen bibon lene ba topi no di ninyeng jei di iba mas di kei-bibor-kei bibon bijuk nibou cem. Tirigi su no gima yokti behei sut leu ig nibou ndig kwei lene timiei minu ndig Susan imbos-hi-mbos bigyai nillei bibor cem lewo yahagom ingon nggei-hi-nggei.

YESAYA 59:17

Noni miba ningon sren-srausi kin niteu yok bingwes ngunti bijuk No dem kep sinsun pran kin topi yeng ngkuong di ngkiem kei. Noni mibrim ningkek bipui nihyet tut gima ngkwei mun di hagom bijo nijoti nok gi nipou noro buhup niyai munti di igbit bi nya hanyen.

MATIUS 11:8

Jug ngat mindei i? No di juk sinsun di nibok kak e? Noro yo di ijuk sinsun di nibok kak yahagom ibong bit nibou ndig nya!

MATIUS 3:4

Yohanes juk unta nta di ibien nok sinsun lene tti mindhe ngkek nok bang. Gima cem noni yem kep hai ceng kin ahwei lon ngei nok nide njita.

MATIUS 6:29

Noro Nibou Ndig Salomo di nyeng bibor juk sinsun di kei bibor di dem mitou dima bi!

LUKAS 16:19

“Mpe di gom ne tungwagom di nyeng bibor no rinaha ba, noni juk kep sinsun di nibok kak bibor nya lene yem njita ninyeng hagom bikwop njap-njap.

LUKAS 7:24

Tirigi yo di igya kui Yohanes ingkwei hanyen tu lene Yesus pui sut Yohanes bak tungwatu ningot ndig dima yok bipai “Juug ei iggum ndigsi mem jingat mindei i? Krun meng di hou yai-yai nyen e?

LUKAS 7:26

Gima rino juug ngat mindei ei iggum ndigsi i? No di nabi e? I, gima igbit rin noro ninyeng jei dor njiriek nabi nya.