Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




LUKAS 7:22 - ALLAH NIHYET MEM TUNGWATU NYA

22 Gima rino Yesus buhup “Jingkwei hanyen ug ei Yohanes nidim bijipui sut mun di jingat bou jiyai him kin mun di jimiap ei jitingou nsi bak. Yo di igyai tu nya igyai da hanyen. Yo di imig lit nya imbut imig hanyen. Yo di bras yem yok ikei hanyen. Yo di itingou nam nya itingou tu hanyen. Yo di imai nya igyaijo hanyen bu ba, Nihyet Di Kei tibim ei yo di ihwap mbum nya itingou nsi tu.

အခန်းကိုကြည့်ပါ။ ကော်ပီ




LUKAS 7:22
31 ပူးပေါင်းရင်းမြစ်များ  

Dibon danti bidinok niyai mem yo di igyai tu nya ba, dinok nimig mem yo di imig lit nya cem.


lene bindei ba, yo di igyai tu nya igyai da bingat mpia hanyen. Noni kon yo di icut nya bikiju hanyen ba, ngondut Nide limwa di ingon sren nya.


Midicen Ditde limwa di igyai tu nya kak puig di ikan tut bi. Midibindei ba, nidinditi di nggai kep yok nok nipigati mem yok bu. Mididime kep njuisi nya hagom binok puig di sur yam kei mem yok. Midibon mun dima yok hagom mem yok bidiyai dibou tut yok.


Allah pai “Ma jicuk Ditde limwa nya di ibon igyai njep noro igyai tu nya kin yo di ibon itingou meng noro itingou nam ser nya yahagom ba, induk yam kwei ei nikei noho bei.


Midibuwak yok kwei leu nite bei mpia nijjai bidinduk yok kwei leu minu nohon keti. Yo di igyai tu nya kin yo di ilit nya yahagom mibit yok kwei bitut sop di inghop kin sop di sindi inghim dut tut munggwom nya cem. Imang ndig mikwei hanyen ei itimieisi dini.


Midisindui sut mben gom di yoom yonti ba, iba ingon com Da tut Ditde nimpu yokti bibong kikau ei minu ndig dima.


Lewo yo di igyai tu nya igyai da hanyen. Yo di imig lit nya imbut imig hanyen. Yo di bras yem yok nya ikei hanyen. Yo di itingou nam nya itingou tu hanyen. Yo di imai nya igyaijo hanyen bu ba, Allah Nihyet Di Kei tibim ei yo di ihwap mbum nya itingou nsi tu.”


Mpe dima ne yo di igyai tu nya kin yo di imig-inda hom nya induk yam kwei kep Yesus ei Tuhan De Ig leu api Noni bindei ba, yahagom ikei hanyen.


“Allah Ninnei ningat rin bit Da lewo Noni ta Da leu binhyepo ditri tut Nihyet Di Kei bak yo di yuhui mbum nya. Noni cuk Da kwei leu binhyepo dibon nituti mem yo di isima nya bigyati kwes hanyen kin yo di igyai tu nya bigyai da hanyen kin awak nya bingwes ngun leu yo di imbuk nya cem ba,


Mpe dima lene Yesus bindei ba, yo di inggwen imang bibor ikei hanyen ba, Noni jji ninnei rom nya cem lene bindei ba, yo di igyai tu igyai da hanyen.


No di ningon wok birok Ditde midyai nya bi ne ningon nggei-hi-nggei.”


Noro Natanael srep “Bon mun di kei hi kwei leu Nazaret e?” Filipus buhup “Akwei suug ngat i.”


leu binhyepo apiga igyai ba, acen yok leu nidinditi ug ei nipigati. Leu binhyepo Bilis ninyeng tak kep yok bu bi noro Allah ninyeng tak kep yok. Allah mikos ser ide sisar tug hon ide niba ningon com Dati apino inggre kin Allah de limwa di Noni dimig ei su nya.’ ”


Lewo ninnei rom nya di igya ei tungwatu ningot ndig ingonti iba ighyet biyahara leu api yehei leu yo dima ingonti. Yo di inggicai nya kin yo di imig lit nya imang bibor ikei hanyen.


He disut bat di dingon kieti jen, ma jiyok ngon kep bipia Allah dimig nuhwap mbum nya ei dihyeisi dini bibindei ba, inyeng tut ide niba ningon com Yesus Kristusti. Yo dima micoi bit Allah Ninyeng Tak Kepti di Noni preu ei mem yo di ingon ngakei Noni.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ