LUKAS 7:19 - ALLAH NIHYET MEM TUNGWATU NYA

¹⁹ bisok nihyet ei yok dip bak Tuhan Yesus bihig ser Noni “Nani ne No di Allah preu ei mem nye tut nikweisi pima rin e? He suar nimem kep ser hiter bu e?”

LUKAS 7:19 ပူးပေါင်းရင်းမြစ်များ

NITRITI 22:18

Mben dihyeisi dini hagom mporo mijoi sut gima dinjei mun di kei bak yoni bit leu nok dinjei mun di kei bak ade nintun him yamti di bram yam nya drek dip gi abit Ditde nicuk nati tu pima.”

NITRITI 3:15

Midibindei ba, na di wou kin no di sop jiba nitok biyam apino yo di intun nani him kin yo di intun no di sop him miba nitok biyam bu kikau. Nipmot mporo mitam abou ngwak lene mporo nani ma aham imig kien.”

NITRITI 49:10

Yehuda mikrau nibou ndig de tom ei nindati ba, nide nintun him yamti di bram yam nya inyeng tak kep ide limwa nya bijo ninno. Mben nya migo belasten binoni bikuk yok ba, iba ingwak bikik mpia ei noho bei.

YESAYA 11:1

Nibou Ndig Daud de nintun him yamti di bram yam nya midem kep nok biei di iwim tu. Bit leu nok nibiop ntun ningwam him hanyen ne nibou ndig nijep bu di ntun Daud him mikiju kwei.

YESAYA 7:14

Nogindini tuhan Nonti mindo bindo di bitto mem je. Sop gwam nitta pilei gom di nghop tu misrek tut nipmot leu api jem ninyeng Imanuel.

MIKHA 5:2

tuhan mikes Nide limwa nya ei siceu nya indati kikau bibou sop gom di Noni ndo ei nok no di ninyeng jei dima nipmem misrek tut noni ug e. Gima ngwig leu api nintun yam him nya di isima ei ingkiaisi mingkwei hanyen kwei binok gom kin ide bat nya ei itimieisi bu.

HAGAI 2:7

Midibindei ba, ngkiai nya yahagom ide minu ugwa-kwei leu api ittei ndigban di ide nya hagom kwei ei minu ndig dini leu binhyepo Ditde Ig mpung tut ide mun di inyeng tut nya hagom.

ZAKHARIA 9:9

Je di timiei nungug Sion e, ma jingon llei bibor! Je di timiei minu ndig Yerusalem e, ma jiba jingon di kei bibor bikon jihyet! Jingat i! Jide Nibou Ndig kwei ndam je ba, bindei timek Nide siceu nya! Noni ne nibou ndig di ningon sren-srau di kwei sut niteu je bijingwes ngunti. Noni ba nibou coi bigwam ei keledai nehen pap ningut gom dip bikwei ndam je.

MALEAKHI 4:2

Noro Ditde nisindemti di teu je mitau kep je nok mpia nipriti ba, nimbai di nok mpia nimbai mibindei ba, jikei hanyen. Jiyati kwes bijingon nggan-triot dem kep sapi pmot di sindi hei leu sar nsi.

MARKUS 6:7

Noni nduk yo di igya kui Noni ibou simnaibrimigcan ba, idem yam lene sok nihyet ei ibou can ibou can dip lene bisindem tut yok leu binhyepo ijji ninnei rom nya leu tungwatu nya ingonti.

LUKAS 10:1

Mpe hi bu lene Yesus dimig yo di ibit Noni ibou ningot muhwindacan bu leu api cuk ibou can ibou can lene nok ba, yuug ya bibie bidem minu ndig di Noni tin ei mem gima ug cem kep nya.

LUKAS 11:1

Mpe di gom bu lene Yesus ug ngat nadi ei mpia ttou nsi gom. Tirigi Noni kes nadi hon tu lene no di ya kui Noni gom pai “Tuhan e, angginau nye tut nadi bit leu nok Yohanes ngginau yo di igya kui noni tut nadi.”

LUKAS 11:39

Gima rino Tuhan pai binoni “Je di Farisi nya jipiap jide mok kin den nisai he bipwoi kei noro tut jingonti ne mpung tut mun di jiba nimbuk bibon kin nisibutti bibon mun cem.

LUKAS 12:42

Yesus buhup “Tou rinok awak di ningon gom ba, ningon ki cem di niceu ndo noni nok nibou mem awak nindigsi nya leu binhyepo kwas njita tut yok igbit nok jam di noni preu ei su i?

LUKAS 13:15

Yesus buhup “Je dini jingon mang! Jikwek sapi kin keledai nya leu kandanti bijijem yok kep minyei mem Njap Nigwam Kep Ninghuisi bi e?

LUKAS 17:5

Yo di igya kui Yesus yahara Noni “Na di Tuhan e, ayai nisindemti binye leu binhyepo niba ningon com Na mungkun kei.”

LUKAS 17:6

Noni buhup “Gino jide niba ningon com Dati dem kep sawi ngan di bigbibor he lene bon jicuk biei murbei dini ‘Atiba nanti leu api ata nanti hanyen ei muk ngeisi!’ Lene midem igbit jicukti dima ri.”

LUKAS 18:6

Lene Yesus pai biyok “Ma jiyok ngon kep nikei di ningon sren bi dima nikos tutti!

LUKAS 19:8

Yuug krau ig tu lene Zakheus kiju biya lene pai bak Yesus “Tuhan e, dikos tut bipia dikwas ditde ndigban nite hi tut yo di yuhui mbum nya. Gino diris mitiei leu tungwa hi tu lene midingkwei hanyen bak mbitai bram yam!”

LUKAS 22:61

Lene Yesus kiek Noho ndam Petrus bitou kep noni nggilun. Lene Petrus ningon huk niti tut Yesus nipaisi “Nipou tirigi hacig yau mem mmun di ariman bigyo ne aom ser Da mbiningai bipia akan tut Da bi.”

LUKAS 24:34

Yo dima ipai bak yo cin “Yesus kiju hanyen leu nimai eisi bindo nonti bak Simon tu!”

LUKAS 7:13

Tirigi Yesus ngat kibom dima lene ngondut noni bipai bak “Sindig e, ma ayai nggwei kibor au!”

LUKAS 7:20

Yo cin dima yuug ngat Yesus bipai biNoni “Yohanes di tur tungwatu nya ei minyeiti sok nihyet ei nye dip bihig ser Na bipia Nani ne No di Allah preu ei mem nye tut nikweisi pima rin e? He suar nimem kep ser hiter bu e?”

YOHANES 11:2

Maria ne sop di nden ampou tut mini mbris bikiber ei Yesus nimigti leu api ba nibou nta bidip ri. Mpe dima lene nikijam Lazarus nggwen.

YOHANES 4:1

Mpe dima lene nimpung Farisi nya imiap Yesus ninghapti tut tungwatu nya imang bibor di itti kin Noni leu api ibit midut nitur yok ei minyeiti noro ibou poi he itti kin Yohanes. (

YOHANES 4:25

Misop dima pai bak Yesus “Dikan tut bipia Nibou Ndig di teu tungwatu nya biyai niyaijo nijep biyok (di ninyeng Kristus) mikwei ri. Gino Noni kwei lene Noni mitri tut mun nyeng hagom brei binye.”

YOHANES 6:23

Jei bi lene timiei minu ndig Tiberias nya ibri ide ut bikwei krau mpia ttou nsi di tungwatu ningot ndig igyem roti di Yesus pai sigyo kep eisi pima.

YOSUA 2:1

Tirigi mben Israel yohok ide prak meng yati ei Sitim lene Yosua cuk ibou can leu binhyepo yuug yok itta kep minu Kanaan nisurti-nipekti lo, suar igyok itta kep minu ndig Yerikho nipou ug e. Tirigi yoni yuug krau minu ndig Yerikho mem mmun lene Rahab di sop sundal gom cigit yok kui nide ig.

NINGAT-HI-NGAT NYA 11:3

Midicuk nabi nya ibou can di ijuk sinsun kron leu binhyepo itri tut Allah ningon kanti kikau mem njap sribu gom sratus can ningot muhwindagom.”