LUKAS 7:15 - ALLAH NIHYET MEM TUNGWATU NYA

¹⁵ Tirigi cuk nok rino no di mai kiju bigwam pijum bimbrap. Gima rino Yesus kes noni hanyen bak nipmem.

LUKAS 7:15 ပူးပေါင်းရင်းမြစ်များ

NIBOU NDIG NYA GI NICAN 13:21

Mpe di gom tungwatu nya di itin ei mem itig nimai gom ingat yo di bigbehei nimpung gom leu minu Moab di itau kep yok kros. Lene ibipbur ba, icom nimai dima ei hak mihyeti di itig Elisa ningut eisi nipou su leu api inang leu. Tirigi nimai dima cut bindei Elisa ninjum rino nimai dima kiju biya pijum lene niyaijo hanyen.

NIBOU NDIG NYA GI NICAN 6:7

Lene noni cuk nabi dima “Asu anda ba, ateu oi dima hak ug!” Gima rino noni su ninda biteu oi dima leu minyei ngwa dip.

LUKAS 7:14

Lene Noni dideu lat biya simiak lene ngget. Gima rino yo di ittei lat igya igyati. Yesus pai “He mot de ndia ug o, dicuk na bipia akiju!”

LUKAS 7:16

Tungwatu ningot ndig dima yahagom inghuisi mpig sut binggei sut Allah bipai “Nabi di ninyeng jei bibor kiju ei nyeni ikieti tu! Allah kwei leu binhyepo mpu Nide limwa nya bikwek yok leu mun di kat yok!”