LUKAS 6:38 - ALLAH NIHYET MEM TUNGWATU NYA

³⁸ Ma jikwas mun di nindigsi nya isuar tut yok. Leu binhyepo Allah cem mipwoi mun di jisuar nya bimpung pias hagau ei jide minaiti hanyen. Lewo mok nsi di Noni kwas eisi bije dima noyam kin mok nsi di jikwas eisi bak nindigsi nya.”

LUKAS 6:38 ပူးပေါင်းရင်းမြစ်များ

SAMUEL GI NICAN 19:36

Dem mem gima angondut da nok gima bi. Gima rino tirigi sisigon minyei lene midibit na di Andigpoi mbigom he leu api midingkwei hanyen.

ESTER 7:10

Apino yoni ipindur Haman ei cou dihim di Haman nonti tas ei mem gima bipindur Mordekhai eisi leu api nibou ndig ningon cut leu nigga biborti.

ESTER 9:25

Noro Ester bisau buug ngat nibou ndig apino nibou ndig pas srat nibicukti ug a. Srat nibicukti dima ribindei dino Haman nitin ei ningon kanti di kinei bibor pima ngkwei hanyen di ndei nonti ug a. Niyai munti dima bindei ba, ipindur noni kin nipmot bat nya yahagom ei cou dihim nya di ibipindur tungwatu eisi hak ug a.

AYUB 42:11

Ayub nikindig bat-nikinjoi bat nya kin nikwohop bat nya ikwei cem kep noni ba, yahagom ibon pesta nindig bibor. Yoni indo ingon di ngguk tut mun di buhun bibor di tuhan bindei di cut igkep Ayub hagom leu api igwam ser ningona. Lene bikwop tungwagom-gom yai mitiei kin siban mas bak noni.

MAZMUR 79:12

tuhan e, ma abuhup mbimuhwindacan bram yam bak mben ngkiai dima yok drek dip ighyet di tigut Na.

NEHEI LEUSI 21:24

iba niyai njep biluei niyai njep ba, iba nikwai biluei nikwai ba, iba ninda biluei ninda ba, iba nimig biluei nimig ba,

NIPINGOK NINGONTI 10:22

Tungwatu nya inyeng tut ndigban tug hon ningat di kei di tuhan njei bak yoni. Bit bon nicom nahanggwap tut midyaisi bindei ningat di kei kum eisi bi.

NIPINGOK NINGONTI 19:17

Gino angondut nuhui mbum nya ba, ampu yok lene gima nok ade ningwam di jo bak tuhan. Noni mirop ningwam dima hanyen bina.

NIPINGOK NINGONTI 22:9

tuhan njei ningat di kei bak no di ngondut hiter drek dip gi po kwas nide ningat di kei tut no di nimati dem bi pima.

YEREMIA 32:18

Ando tut Ade ningon ngakeisi di jo kikau bak tungwatu nya ibou sribu-ribu noro akes hukum ei tungwatu nya dip drek dip ndigpoi di ide nya ide sisar. Nani ne Allah di nindig bibor ba, mimbri kui Na. Anyeng rino tuhan Di Sindem Bibor.

MATIUS 10:42

Bikwop no di tin kau tut minyei mem no di bon ninyeng bi drek dip niya kui Dati lene ma jingon jo kep bipia Allah ba munkwas bibirop hanyen binoni!”

MATIUS 7:2

Lewo Allah di nok nikei mibibon je bit leu nok jibibon hi terti. Noni mibinai je bit leu nok jibinai hi ter.

MARKUS 4:24

Ma jiyok ngon kep mun di tibim ei jitingou nsi. Allah mibinai je bit leu nok jibinai nindigsi nya lo, Noni mibinai je dor njiriek bu.

LUKAS 6:30

Gino hi hara je tut mun nyeng hi lene ma jiyai binoni hak ug. Gino hi pos mun di jinyeng tut leu je lene ma jahara bipia tug hanyen bije au.

NINDAT KEP TUHAN NICUKTI NYA 15:10

Ma jiba ningon di mba kin ningondutti cem biyai mun di suar nya bak no dima leu api jide tuhan Allah minjei mun di kei bak jeni tug hon jide midyai hagom di jiyai nya.

YAKOBUS 2:13

Gino tungwagom ngondut hiter bi ne mpe dino Allah mbus ningonti lene Noni mingondut no dima bi. Noro ningondut yamti sindem dor njiriek hukum!

NIJAM NIKEI NYA 1:7

Apino Adoni-Bezek pai “Nipou yo lene dikkin nibou ndig ibou ningot muhwindacan inda pmem hacem kin imig nda pmem hacem leu su. Lene disindui sut yok ba, igyem njita ninir di cut ei ditde meja behei a. Gima rino Allah yai nok gima tut dani mem njap di ammani dem kep gi po dibibon yoni pima.” Leu api ikri Adoni-Bezek ug ei minu ndig Yerusalem ba, noni mai ei sirima.