LUKAS 6:37 - ALLAH NIHYET MEM TUNGWATU NYA

³⁷ “Ma jibon jenti dem kep nok nikei mem nindigsi nya au. Leu binhyepo Allah di nok nikei mipai kep je bi. Ma jipai kep nindigsi nya au. Leu binhyepo Allah mipai kep je bi. Ma jikos ser yo di ibon mun tunggwei sut je. Leu binhyepo Allah cem mikos ser jide nitunggweisi nya.

LUKAS 6:37 ပူးပေါင်းရင်းမြစ်များ

YESAYA 65:5

Imbrua ser tungwatu nya bipai ‘Jiya bileu nye bijingget nye au! Nimbres nye leu je lewo nikwes-kwau!’ Noro diyai ngkek ttin yok bidingon mpo tut yok! Dingon sibui sut yokti dem kep nok hum di sror di imu hanyen kan bi.

MATIUS 18:30

Noro noni ngondut nisut bi ba, com noni ug ei ig bui nsi bibou rop nide ningwam leu ug e.

MATIUS 5:7

Bikwop yo di ingondut yo di hiter nya ingon nggei-hi-nggei lewo Allah mingondut yoni cem bu!

MARKUS 11:25

Tirigi jingat nadi lo, jingon kwes kin hiter bi lene ma jikos ser nide sisar di bon bije nipou ug e. Leu binhyepo Jicig ei gwamti cem mikos ser jide sisar. [

LUKAS 23:16

Gima rino dimbas Noni mbigom ug e leu api dikes Noni hanyen bimbut.” [

LUKAS 6:36

Ma jingondut yam bit leu nok Jicig ngondut tungwatu nya!”

KISAH 3:13

Abraham kin Ishak kin Yakub kin nyeni ide pung di intun him nya ide Allah bindei ba, Nide Awak Yesus yai ninyeng jei bibor. Jeni jiba kilak Noni bak nibou nya di inyeng tak kep nye ba, mbro nok gino Pilatus pi bikes Yesus hanyen lo, jikou sut Noni ei Pilatus noho bei.

EFESUS 4:32

Noro ma jingon nggriu sut yam bijibaningondut yam bijiba ningondut yamti bihati tut yam cem jingon nggriu sut yam ba, jikos ser sisar di jibon di bitut yam biyam cem bit leu nok Allah kos ser jide sisar tug hon Kristus tu.

KOLOSE 3:13

Ma jiwok yam au. Gino jibihi jipai yam kinei lene ma jikos ser jide sisar di jibon tunggwei sut yam biyam. Tuhan ba ningon di llei bikos ser jide sisar tu. Gima rino ma jikos ser sisar di jibon tunggwei sut yam biyam.

YAKOBUS 2:13

Gino tungwagom ngondut hiter bi ne mpe dino Allah mbus ningonti lene Noni mingondut no dima bi. Noro ningondut yamti sindem dor njiriek hukum!

YAKOBUS 5:9

He disut bat jen, ma jinso yam bijinjei kep yam nyen-nyen au leu binhyepo Allah kes hukum ei je dip bi. Lewo Nikei dima ttau ei dimbou heisi kwei su.