LUKAS 6:30 - ALLAH NIHYET MEM TUNGWATU NYA

³⁰ Gino hi hara je tut mun nyeng hi lene ma jiyai binoni hak ug. Gino hi pos mun di jinyeng tut leu je lene ma jahara bipia tug hanyen bije au.

LUKAS 6:30 ပူးပေါင်းရင်းမြစ်များ

MAZMUR 112:9

Noni kwas mun di nyeng tut nya tut hiter bikwas mun tut yo di yuhui mbum cem ba, niyai munti nya hagom kei kikau. Gima rino ninyeng jei ba, tungwatu nya ikon ninyeng cem.

MAZMUR 41:1

Doia Daud mem no di bie tut doia nimpung.

NIPINGOK NINGONTI 19:17

Gino angondut nuhui mbum nya ba, ampu yok lene gima nok ade ningwam di jo bak tuhan. Noni mirop ningwam dima hanyen bina.

NIPINGOK NINGONTI 21:26

bikan-kan nyen tut ningut kanti nya bikwop njap ngwa hagom. Noro bon no di ningon sren kei kwas ndiyok tut tungwatu nya bingondut yok nindig bibor.

NIPINGOK NINGONTI 22:9

tuhan njei ningat di kei bak no di ngondut hiter drek dip gi po kwas nide ningat di kei tut no di nimati dem bi pima.

NIBA NINGON SRIP HUKTI 11:2

Ma jippiet jimati dima bak ibou muhwindacan e, he ibou muhwindaningai e ba, jibitin ei nipou tirigi mun di buhun hi cut igkep je bigyo.

NIBA NINGON SRIP HUKTI 8:16

Tirigi dibrim dingkek mem gima diyai ningon kiti bidiyok diyai kep mun di pek kep mem tungwatu dihyeisi dini hagom lene dikan tut bipia bit bon nyeni ibong mai mem mmun jei-njap jei kan bi ba,

MATIUS 18:35

Lene Yesus pai nihyet ningwigsi bitak kep nihyet nibiti nindati “Nok gima cem Dicig ei gwamti mibibon je bibikwop tungwagom-gom nok gima drek dip gi jiba jingon gom bikos ser sisar di jisut bon tut je bi nya.”

MATIUS 5:39

Noro tini bu ne dipai bije bipia harin dima jiba nimbuk bibuhup hanyen tut no di mbuk tut je a. Gino hi ttem jingyoi ei nite bei jinda com lene ma jikiek jingyoi ei nite bei jinda prak bak bittem bu.

MATIUS 6:12

Akos ser mun di niyai tunggwei sut Na bit leu nok nyeni cem nikos ser hiter nya ide mun di igyai tunggwei sut nye.

LUKAS 11:41

Suar jikwas mun di jo ei jide mokti kin jide denti tut yo di yuhui mbum nya. Tug hon nisinati dima lene map kui mun di jinyeng tut nya hagom bi.

LUKAS 12:33

Ma jitri jide ndigban bingwig ba, jibipek mitiei leu api jiyai hagom bak yo di yuhui mbum nya. Ma jinju ndigban keyam mem jenti ei gwamti dem kep nok jikinding jide bangdop bingkiem kei mem jenti leu binhyepo kinei hanyen bi. Lewo bit bon tungwatu nya inggimang ndigban ei gwamti ba, awam cem kin kan bi.

LUKAS 18:22

Tirigi Yesus miap nibuhupti nok rino pai binoni “Atunggwei sut mun nyeng gom ngat he. Ma aug tri ade ndigban hagom ba, abipek mitiei lene ma akwas hagom tut yo di yuhui mbum nya apino abikum ei mun di keiti mem nanti ei gwamti. Leu api akwei bit Da.”

LUKAS 6:29

Gino hi ttem jingyoi nite hi lene ma jikiek jingyoi nite hi bak bittem bu. Gino hi pos jide sinsun ndok di jei leu je lene ma jiyai jide sinsun ninda cem bak.

LUKAS 6:31

Ma jibibon yo di hiter bit leu nok gi jijoi sut ibibon hanyen bije.

LUKAS 6:38

Ma jikwas mun di nindigsi nya isuar tut yok. Leu binhyepo Allah cem mipwoi mun di jisuar nya bimpung pias hagau ei jide minaiti hanyen. Lewo mok nsi di Noni kwas eisi bije dima noyam kin mok nsi di jikwas eisi bak nindigsi nya.”

KISAH 20:35

Lewo dindo bindo bije tug hon nisinati hagom tu leu binhyepo jijoi bibor ba, jita jibou ei midyaiti leu binhyepo jibingondut yo di isindem bi nya. Lewo suar jiyok ngon kep Tuhan Yesus Nonti nihyet di pai ‘Tungwatu nya igyai nillei tug hon ide ningondut tungwatu nyati leu gima igyai mun di yo di hiter ibingondut yok a.’ ”

KORINTUS GI NICAN 8:9

Jikan tut ide Tuhan Yesus Kristus nisingat tut nyeti di nindig bibor. Mbro nok gino Noni nyeng tut mun nyeng hagom lo, kes mun dima yok hagom ei leu bibibon Nonti nuhui mbum drek dip je leu binhyepo ba nuhui mbumti dima bibindei bijinyeng bibor.

EFESUS 4:28

Ma ninggimang kep mun cig kes hon binggimang bu au. Noro ma kinyon ei midyai di kei bibor nyati biyai leu binhyepo ba ningon di sren bitug ndei nimuhup ba, bingondut nuhui mbum nya.