LUKAS 6:27 - ALLAH NIHYET MEM TUNGWATU NYA

²⁷ “Dipai bije di jintu kep dihyet bipia suar jingon ngakei jide siceu nya. Harin dima jiba jimbuk bibuhup hanyen bak yo di imbuk tut je nya.

LUKAS 6:27 ပူးပေါင်းရင်းမြစ်များ

NIBOU NDIG NYA GI NIGOM 13:6

Lene Nibou Ndig Yerobeam hara nabi dima “Angat nadi tindei da bak ade tuhan Allah leu binhyepo Noni ngondut da bikinding dinda bikei hanyen!” Lene nabi dima ngat nadi tindei nibou ndig dima bak tuhan leu api ninda kei hanyen.

MAZMUR 7:4

Ditde tuhan Allah e, gino dingon koi ba,

NIPINGOK NINGONTI 24:17

Gino ade siceu nya itug midut bicut lene ma angon kei kep yok ba, ayai nillei tut cem au.

NIPINGOK NINGONTI 25:2

Tungwatu nya ikon Allah ninyeng drek dip Nide niyai munti di yai niku nya ba, ibou cut bak nibou ndig drek dip mun di noni pai brei binye.

MARKUS 4:24

Ma jiyok ngon kep mun di tibim ei jitingou nsi. Allah mibinai je bit leu nok jibinai nindigsi nya lo, Noni mibinai je dor njiriek bu.

LUKAS 23:34

Lene Yesus hara bipai “Arig e, akos ser ide sisar! Ikan tut mun di igyai dini bi.” Tentara nya iko bibinggok tut Yesus de sinsun bingwig leu lene ikwas Yesus de sinsun tut yam.

LUKAS 6:22

Mpe dino tungwatu nya ingon sibui sut je cem ingon mpo tut je cem ikucang je cem ikkin kep jinghapti cem drek dip Da di Munggwom Tungwatu Nipmot lene ma jingon nggei-hi-nggei!

LUKAS 6:35

Harin dima jiyai nok gima a! Noro suar jingon ngakei jide siceu nya cem jibibon yok nok gi kei cem jikwas mitiei ngwam tut yok cem lene ma jingon tindei ser gima itug hanyen bije au. Tug hon nisinati dima lene mijitug ndei jibuhupti nindig bibor ba, jinok Allah Di Ninyeng Jei Bibor nipmot bat nya. Lewo Allah singat tut yo di ijem sigyo bi sren kin yo di isibut nya cem.

LUKAS 8:15

Njita ngan di cut ug ei dihyei suti bindo tut yo di imiap nihyet leu api ipwoi ei ingon di gomti kin ingon di kwes keiti. Yo dini ita ibou eisi bikui dip ningat di kei ntun him.”

LUKAS 8:18

Gima rino ma jiyok ngon kep mun di tibim ei jitingou nsi. Lewo Allah mikum eisi bak no di nyohou mun di jo binoni noro Noni mitug niken hanyen leu no di nyeng tut mun nyeng hi bi.”

LUKAS 8:8

Noro njita ngan nindigsi cut ug ei dihyei suti apino nikioi hei ba, ningat sratus gom ntun ninjem him.” Niabiati Yesus ba nihyet nibiti nindati bingginau yok lene pai biyok “Gino jitingou dile lene ma jiyok ngon kep dihyet!”

KISAH 10:38

Jikan tut bipia Allah dimig Yesus di timiei minu ndig Nazaret leu api kes Allah Ninnei bigwam ei Noni dip bisindem tut Noni cem. Jikan tut bipia Yesus mbut nimig bidem hanjop nsi dima yok hagom bingondut tungwatu nya. Noni bindei ba, yo di Bilis ninyeng tak kep yok ikei hanyen lewo Allah ningat rin kin Noni.

KISAH 16:28

Noro Paulus ba nihyet nindig bimbrua ser noni bipai “Adat nanti au! Nahagom rini yo!”

KISAH 7:60

Lene noni ba nibiau bicom mpia leu api ba nihyet nindig bahara “Tuhan e, ma akos ser ide sisar leu yok hak ug.” Hara nok lene ninnei kimbas.

GALATIA 6:10

Gima rino biken tiri bon nituti ne ma impu tungwatu yahagom lo, impu isut bat yo di iba ingon com Kristus nya nipou ug e.

TESALONIKA GI NIGOM 5:15

Ma hi ba nimbuk birop hanyen bak no di yai mun tunggwei sut noni au. Noro ma jita jibou ei gi jiba jingon di kwes birop hanyen biyam ba, birop hanyen bak tungwatu nya yahagom cem.

YOHANES GI NININGAI 1:11

Disut na di dingon kieti e, ma ayai bram yo di ibon mun tunggwei nya igyai munti nya au. Noro ma ayai bram yo di ibon mun di igbit nya igyai munti nya. Allah ninyeng tak kep no di bon kep mun di igbit. Noro no di bon mun tunggwei nya ningon dorti tut Allah bi.