LUKAS 6:25 - ALLAH NIHYET MEM TUNGWATU NYA

²⁵ Aye! Buhun bibor mem je di jinghop mpung tut njita mem nijam dini! Jei bi lene mijinggum bibor! Aye! Buhun bibor mem je di jiyai nillei mem nijam dini! Leu jei bi ne jingon ngguk bijipim!

LUKAS 6:25 ပူးပေါင်းရင်းမြစ်များ

YESAYA 65:13

Gima rino dipai bije bipia yo di ikuk yok biDa migyem njita noro jimai jinggum. Yoni midut ndia ngei noro jimai jinggobiau. Yoni migyai nillei noro jigwam nimmaiti.

YAKOBUS 4:9

Suar jingon ngguk cem jiyai nggwei kibor cem jipim kui jei cem tut jide sisar. Ma jipa tut mun nyeng hi bu au noro ma jipim kui jei sut. Ma jiyai nillei bu au noro suar jingon buhun tut.

NIPINGOK NINGONTI 14:13

Mpe hi nipa tut mun nyeng hi boom kep ningon buhunti bijo nding. Tirigi ningon keisi pren hanyen leu lene ningon buhunti jo nijoti biya luei nohoti bu.

NINGAT-HI-NGAT NYA 3:17

Jipai sut jenti bipia jinyeng cem jibong kei jigwam kei cem ba, jisuar mun nyeng hi bi. Noro jingon ngat gi jikinei-kinau ba, jindwau cem bi. Ningat ne juhui mbum ba, jingat ngu bijiyai tu tu.

TESALONIKA GI NIGOM 5:3

Mpe dino tungwatu nya mitri tut biyam “Yahagom ibong kei igwam kei ba, mpia mbum-bra” lene mun di bindei timek yok micut igkep yok kros noyam kin sop di ninghim dut tut munggwom lene bit bon ingwes ngun kan bi.

EFESUS 5:4

Ma jikucang tungwatu nya ba, jipai nihyet krarti ba, jihyet tigut yam cem au. Noro ma jipai sigyo bak Allah.

LUKAS 13:28

Tirigi jingat Abraham kin Ishak kin Yakub kin nabi nitimiei nya yahagom di ingon llei bibor ei Allah De Dihyei Di Nijepti lene jipim bijiyai jinghuisi di wei cem drek dip Allah nijji je ug ei nisaisi!

LUKAS 12:20

Noro Allah pai binoni ‘Angon mbum yo! Himmun di ariman ne ade njap ngwig hon ug ri. Lene tou riba nokep mun di anyeng tut di nindig bibor di anju ei ade ig gudanti nya dima i?’

LUKAS 8:53

Lene yo dima insrik ser nihyet lewo ikan tut bipia misop dima mai nijit tu.

NAHUM 1:10

Noni mindig na noyam kin gandum nintam di mui kin war ndia nggwen di pai yam-ngot yam nyen cem.

AMOS 8:10

Midibindei ba, pesta di jibon kep jide njap nindig minoyam kin njap di jingon ngguk tut nimai ba, doia di jiba jingon di llei bipai minoyam kin yo di ipim kep nimai ighyet. Mijikak jibou bijijuk sinsun kron di bindo tut jingon di ngguk bijinok andigpoi kin nitnem di ingon ngguk bram ipmot di nimig gom ngat. Mun di cut igkep je mem njap dima hagom mibindei ba, jingon ngguk bibor.”

YESAYA 28:7

Nabi nya kin imam nya cem idut anggur ngei kin pes di pu yok bibor. Yoni imbut bitti-tti nyen ba, indrat mpia lewo ibou buwei bibor. Apino bit bon nabi nya ingon dorti tut ningat-hi-ngat di Allah yai biyok kan bi. Bit bon imam nya igwam nok nikei bimbus tungwatu nya ingonti tut ide munhyet kan bi.

YESAYA 9:20

Keret Manasye kin Efraim nya yonti ikiju bihwen yam leu api yahacem ikiju bihwen keret Yehuda bu. Noro tuhan gga yok bikes hukum ei yok dip bijo kikau yo.

YESAYA 8:21

Timiei Yehuda nya minggum bibor ba, ingon ngguk bibor cem leu api ibong sinsiou nyen bidem minu. Ninggum di hwen yok mibindei ba, ingon sibui nindig bibor leu api ighyet wer mpiahi tut ide nibou ndig cem tut Allah cem. Mbro nok gino imian huk mpia-bbed him kin,

NIBA NINGON SRIP HUKTI 7:6

No di ningon mbum nipati bon ninyeng bi. Nipati dima dem kep nok hum di yem ndia nggwen nipru-prasti.

NIBA NINGON SRIP HUKTI 7:3

Ningon nggukti kei dor njiriek ningon llei biborti lewo ningon nggukti bipingok ingonti tut mun di bon ninyeng.

NIBA NINGON SRIP HUKTI 2:2

Leu api dingon huk niti bipia nipa tut ningon ngganti kin ningon mbumti ter leu yam bi. Lene mun di dingon pri kep cem bon ninyeng bi.

NIPINGOK NINGONTI 30:9

Leu gino abikum eisi ba, dinyeng bibor lene midikan ei dingonti bipia disuar na di Allah bu bi. Ne gino duhui mbum bibor ne leu ma dinggimang ndiyok lene gima bindei ba, tungwatu nya ingwes pri gau Na.

MAZMUR 49:19

Mbro nok gino tungwagom bong kei gwam kei ba, joi sut niyai munti nya ba, tungwatu nya inggei sut niyai munti di mipbor ngat nya cem kikau ug bipek niyaijo ningwig honti lo,

SAMUEL GI NIGOM 2:5

Tini bu lene yo po igyem njita ninyeng hagom bindei yo tu pima inggok ser no di mindo midyai biyok leu binhyepo ibitug ndei imuhup ba, ibipek njita. Tini bu lene yo po inggum nipou su pima igyem njita nok gi dem bindei yok tu. Sop di pijet srek tut nimunggwom bat nya ibou muhwindacan noro sop di bon nimunggwom bat nya imang gwam binongkom lewo yahagom ingwig leu noni tu.

LUKAS 6:24

Noro aye! Buhun bibor mem je di jinyeng tut ndigban nindig bibor mem nijam dini! Jitug ndei jimuhup hagom ei dihyeisi dini tu!

LUKAS 6:26

Aye! Buhun bibor mem jeni gino yo di yahagom inggei sut je! Lewo yo dima idigup bat-idigai bat nya inggei sut nabi nitrowai nya mimbrek ngan tu.”