LUKAS 6:23 - ALLAH NIHYET MEM TUNGWATU NYA

²³ Lewo tungwatu nya ihwen bit nabi gi nipou nya cem tu. Gima rino ma jingon llei bibor bijipri-pri nyen cem lewo Allah mitin ei jimuhup di kei bibor ei gwamti mem je yo.

LUKAS 6:23 ပူးပေါင်းရင်းမြစ်များ

SAMUEL GI NICAN 6:16

Tirigi sindi ittei Brua dima bicoi kwei ei minu dima lene Mikhal po Saul nipmisop pima ya ei kendera mihyeti bingat lo, Nibou Ndig Daud pri-pri nyen bibinggei sut tuhan lene Mikhal ningon pus tut noni nindig bibor.

NIBOU NDIG NYA GI NIGOM 18:4

Tirigi Izebel kinyon ei niyai nimai bak tuhan de nabi nyati lene Obaja jem nabi nya ibou sratus gom kwei bikwas yok ei nimpung can biku ibou ningot muhwi ei dihyei nyem gom lene ku ibou ningot muhwi bu ei dihyei nyem gom bu. Lene noni ba njita kin minyei binyohou yok cem.)

NIBOU NDIG NYA GI NIGOM 19:10

Lene noni buhup “tuhan Di Sindem Bibor e, dani ne Nangkom Ade awak rin bidiyai midyai hagom bit leu nok acuk dati tu. Noro mben Israel ipigau mun di ipreu ei mem Nani ba, inggek Ade nimbar hum dok nya bingwig bigyai nimai bak Ade nabi nya yahagom tu. Dangkom ngat he duum nimai bigyo noro nogindini yo dima ibungwam mem gima igyai nimai bidani cem!”

NIBOU NDIG NYA GI NIGOM 19:14

Lene noni buhup “tuhan Di Sindem Bibor e, dani ne Nangkom Ade awak rin bidiyai midyai hagom bit leu nok acuk dati tu. Noro mben Israel ipigau mun di ipreu ei mem Nani ba, inggek Ade nimbar hum dok nya bingwig bigyai nimai bak Ade nabi nya yahagom tu. Dangkom ngat he duum nimai bigyo noro nogindini yo dima ibungwam mem gima igyai nimai bidani cem!”

NIBOU NDIG NYA GI NIGOM 19:2

Lene Izebel sok nihyet bak Elia bipreu kep noni “Ma kwar di dikuk da bak kes hukum ei da dip biyai nimai bida gino njap di hyep mem mpia di nok gini dibuhup bina noyam kin gino abibon nabi pima yok bi.”

NIBOU NDIG NYA GI NIGOM 21:20

Tirigi Ahab ngat Elia di tau kep noni lene noni pai bak “Ditde siceu hatap da tu e?” Lene Elia buhup “Igbit ri! Lewo na di Andigpoi ampig bou kep ade niyai munti di mbuk bibor ei Allah niyai him wer ninno tu.

NIBOU NDIG NYA GI NIGOM 22:27

Disok dihyet bak yoni leu binhyepo icom noni ug ei ig bui nsi lene ma ikwas njita poi mien he kin minyei poi mien he tut noni bibou dikwei hanyen leu Ramot bidingwes ngun ug e.”

NIBOU NDIG NYA GI NIGOM 22:8

Lene Ahab buhup “Mikha di Yimla nipmot nonaha. Noro dingon mpo tut noni lewo noni mbot kep mun di mipek kep ei nidipti bu di kei bibor bibuhup dihyet bi sren noro noni mbot kep mun di mipek kep ei nidipti bu di kinei bibor bibuhup dihyet kikau.” Lene Yosafat buhup “Aye! Apai nok gima au!”

NIBOU NDIG NYA GI NICAN 6:31

Lene nibou ndig ba nihyet ndig bipai “Gino dibindei ba, hi rop Elisa nitibou leu nipou tirigi mpia kimbas mem njap di ammani bigyo lene handei kon ba, Allah yai nimai bida hak ug!”

NIBOHON MBEN ISRAEL GI NICAN 36:16

Noro iba tungwatu nya di tuhan pinak yok kwei nya bikek ba, ipa tut Nide nabi nya bico kep nihyet cem. Apino bitig di tuhan gga yok dino bitbon puig hi mem gima ingwes ngun leu hukum di Noni mikes ei yokti dima bi a.

NEHEMIA 9:26

Noro Ade limwa nya ikiek imig jo tut Na bibit ahyet bi. Yoni iba inghim bak Ade nikos tutti nya. Igyai nimai bak nabi nya di isok kep yok bipia suar ikwei kuk yok bak Na di Allah hanyen bu. Ade limwa nya ighyet wer mpiahi tut Na bikwop nok ug.

MAZMUR 58:11

Yo di ingon sren nya ingon nggei-hi-nggei mpe dino ingat yo di isibut nya di itug ndei hukum. Yo di ikiek imig jou tut Allah inggrom mirus yo di ingon sren nya imigya.

YESAYA 35:6

Yo di imig lit mipri-pri nyen cem noyam kin rusa ba, mibbwe nya iba ingon di llei bibor bimbos-hi-mbos. Lewo ei mpe dima lene minyei nya biam-biam nyen ei iggum ndigsi ba, minyei pmem biam ei iggum ndigsi.

YEREMIA 2:30

Dikes hukum ei je dip mikui-kausi he lewo tirigi disok kep je lene jingkek ndok. Jinok singa di yau-yau nyen ba, jihwen jide nabi nya bimai su.

MALEAKHI 4:1

tuhan Di Sindem Bibor pai “Njap dima ne tto bou midem mem hum yem yo di inggei-nggwang tut yonti nya kin yo di imbuk nya yahagom dem kep hum di yem mintu-minta di mui su. Hum miyem yok bihigom ei njap dima leu api ipror bingwig.

MATIUS 5:12

Lewo tungwatu nya ihwen bit nabi gi nipou nya cem tu. Gima rino ma jingon llei bibor ba, jingon kei bibor cem lewo Allah mitin ei mun di kei bibor ei gwamti mem je yo.”

LUKAS 1:41

Hammi tirigi Maria nihyet tibim ei Elisabet nitingou nsi rino munggwom di jo ei ninghopti kiek no nyen leu api Allah Ninnei srek kwei ei Elisabet ningonti,

LUKAS 1:44

Lewo hammi tirigi ahyet tibim ei ditingou nsi rino dimunggwom kiek no ei dinghopti drek dip ningon llei biborti.

LUKAS 6:35

Harin dima jiyai nok gima a! Noro suar jingon ngakei jide siceu nya cem jibibon yok nok gi kei cem jikwas mitiei ngwam tut yok cem lene ma jingon tindei ser gima itug hanyen bije au. Tug hon nisinati dima lene mijitug ndei jibuhupti nindig bibor ba, jinok Allah Di Ninyeng Jei Bibor nipmot bat nya. Lewo Allah singat tut yo di ijem sigyo bi sren kin yo di isibut nya cem.

KISAH 14:10

lene ba nihyet nindig bipai bak “Akiju ba, aya pijum!” Leu api no dima pri biya kui ba, sindi tit nimig bimbut nyen.

KISAH 3:8

Lene noni pri biya kui leu api sindi tit nimig bimbut nyen leu api coi ug ei Tuhan De Ig bit Petrus nya bitit nimig lene pri-pri nyen kui binggei sut Allah cem.

KISAH 5:41

Petrus kin Yohanes iba ingon di llei bibor behei leu Nikei Puig Yahudi ikieti lewo ingat bipia Allah ba ningon com yok tut gima igyai ninghuisi wei drek dip Yesus tu.

ROMA 5:3

Lene gima he bi. Ingon llei bibor drek dip mun di bindei nyeni inghuisi wei lewo ikan tut bipia ninghuisi wei di cut igkep nye dima bindei ba, iba ibou coi mem mun nyeng hagom.

KORINTUS GI NICAN 12:10

Gima rino dingon cut hon ninghuisi wei di cut igkep da drek dip Kristus. Dinghuisi weisi kin tungwatu nya ighyet tigut dati kin mun di buhun di cut igkep dati kin tungwatu nya di ihwen bit dati hagom buhun mem da bi. Lewo mpe dino ditde nisindemti ngwig leu da lene Kristus sindem tut da.

KOLOSE 1:24

Nogindini ninghuisi wei di diyai drek dip je biyai dingon llei. Diyai munti nya bindei ba, ninghuisi wei di ug hon nohonti bigyo di Kristus de awak nya igyai drek dip nimaisi ei biei salibti dima ngwig sindam. Diyai ninghuisi wei drek dip mbusyamei di ijem ninyeng Kristus ningut.

2 TIMOTIUS GI NICAN 2:12

Gino iba ibou coi mem mun di buhun tak nye lene inok nibou mem ninyeng tak kepti bit Noni. Gino ibikep ser Noni lene Noni cem mibikep ser nyeni.

IBRANI 11:26

Musa kos tut bipia mbro nok gino tungwatu nya ikucang noni drek dip Nibou Ndig di teu tungwatu nya biyai niyaijo nijep biyok di Allah preu ei mem yok lo, gini kei bibor dor njiriek gi noni nyeng tut ndigban hagom ei minu Mesir lewo yok ningon mem munkwas di kei di noni miyai ei nidipti bu.

IBRANI 11:6

Gino niba ningon comti jo binye bi ne bit bon Allah joi sut nye kan bi. Suar tungwa tou rino kuk no ei Allah Noho bei ba ningon com bipia Allah norinaha cem buhup yo di inggok tut Noni cem.

YAKOBUS 1:2

Disut bat jen, gino mun di buhun di ter leu yam hi gom hi gom cut igkep je lene ma jingon llei sut,

PETRUS GI NIGOM 4:13

Tirigi jiyai ninghuisi wei bit Kristus lene ma jingon llei sut. Mpe dino Kristus de nikei-kau-keisi ttau bijo brei ei jiyai him ne jingon llei bibor.

NINGAT-HI-NGAT NYA 2:17

Suar tungwa tou rino nitingou tu bimiap nihyet tu yok ngon kep mun di Allah Ninnei pai bak mbusyamei nya! Disindui sut yo di ibindei cut sisar nisindemti nya bigyem kep manna di jo nding pima poi mien. Midiyai tig tiei bitut ninyeng nijep di joti bibikwop yo dima yahagom lo, ninyeng dima jo nibreisi mem nindigsi nya bi noro mem no di ma nide tig he.”

NINGAT-HI-NGAT NYA 2:26

Mem yo di ibindei cut sisar nisindemti bigyai midyai bit leu dingon kanti kikau ug bipek ningwig honti ne midiyai nisindemti biyok leu binhyepo inyeng tak kep mben nya hagom.

NINGAT-HI-NGAT NYA 2:7

Suar tungwa tou rino nitingou tu bimiap nihyet tu yok ngon kep mun di Allah Ninnei pai bak mbusyamei nya! Disindui sut yo di ibindei cut sisar nisindemti bigyem biei di bindei bigyai niyaijo ningat di hei ei Allah de Miai Biei Ngat Nghousi.”

NINGAT-HI-NGAT NYA 21:7

No di bindei cut sisar nisindemti miyai mun dini yok leu Da. Dani ne nide Allah lene Noni ne dipmot ri.

NINGAT-HI-NGAT NYA 3:12

Dita no di bindei cut sisar nisindemti nok cou nipmem ei Allah De Ig leu api noni mibong kep Ig dima kikau buug hon nohonti bi. Midipas kep Ditde Allah ninyeng kin Nide minu ndig Yerusalem di nijep ninyeng ei no dima dip. Ba, minu ndig Yerusalem di nijep misrek kwei leu Allah ei gwamti. Midipas kep dinyeng di nijep bu ei no dima dip.

NINGAT-HI-NGAT NYA 3:5

Yo di ibindei cut sisar nisindemti nya igyai sinsun di tiei kei bijuk. Didip tut inyeng leu Srat Yo Di Igyaijo Nya bi sren. Midipai brei ei Dicig kin Nide malaikati nya yoho bei bipia yo dini ne Ditde limwa nya ri.