LUKAS 6:20 - ALLAH NIHYET MEM TUNGWATU NYA

²⁰ Lene Yesus tou kep yo di ibit Noni bipai biyok, “Bikwop yo di yuhui mbum ingon nggei-hi-nggei lewo inggre kin Allah ninyeng tak kepti tu!

LUKAS 6:20 ပူးပေါင်းရင်းမြစ်များ

MAZMUR 37:16

Ndigban gom-gom di no di ningon sren nyeng tut nibok kak bibor dor njiriek ndigban mang bibor di yo di inyeng nya inyeng tut.

NIPINGOK NINGONTI 16:19

Gino yo di inyeng tut mun hi bi nya iba ibou coi mem yam ne gima kei bibor dor njiriek gi icoi bit yo di illei-lau bikwas mun di ipos leu tungwatu nya tut yam.

NIPINGOK NINGONTI 19:1

Gino ahui mbum ba, angon gom ne gima kei dor njiriek no di ningon tindur biris mun igkei.

YESAYA 29:19

Nuhui mbum nya kin nikinei-kinau nya mikiju bingat ingwes ei ninggei-hi-nggei di mben Israel ide Allah di kwes yai biyoti hanyen.

YESAYA 66:2

Dangkom dipai tes mun dima yok hagom bou dinda him! Dijoi sut yo di iba ibou coi mem Da kin yo di ittin ser ide sisar kin yo di ittin tut Da kin yo di ibit dihyet.

ZEFANYA 3:12

Midisindui sut mben gom di yoom yonti ba, iba ingon com Da tut Ditde nimpu yokti bibong kikau ei minu ndig dima.

ZAKHARIA 11:11

Diyai nok gima ei njap dima hak. Leu api nitri-nipek domba cig dima yok ingig igyai kep da bingon huk niti bipia tuhan no mbrap kep tug hon ditde nibon munti nya.

MATIUS 11:5

Lewo yo di igyai tu nya igyai da hanyen. Yo di imig lit nya imbut imig hanyen. Yo di bras yem yok nya ikei hanyen. Yo di itingou nam nya itingou tu hanyen. Yo di imai nya igyaijo hanyen bu ba, Allah Nihyet Di Kei tibim ei yo di ihwap mbum nya itingou nsi tu.”

MATIUS 25:34

Leu api Nibou Ndig dima mipai bak yo di igya kui ninda com ‘He je di Dicig singat tut jeni e, jikwei coi bit Allah Ninyeng Di Tak Kepti di Noni tin ei mem je habiei ei nimbie him tirigi Noni pai tes dihyeisi bitut mun di joti nya.

MATIUS 5:1

Mpe di Yesus cap tungwatu ningot ndig dima lene Noni kui bigwam jug ei mbigdip di nipieti leu api kinyon ei ningginau yokti. Lene yo di ijop bram yahagom ingwig tai Noni ba,

LUKAS 12:32

“Je dino jimang bi e, ma jittin tut au! Lewo Jicig joi sut gi yai munkwas di ntun Nide ninyeng tak kepti him bije.

LUKAS 13:28

Tirigi jingat Abraham kin Ishak kin Yakub kin nabi nitimiei nya yahagom di ingon llei bibor ei Allah De Dihyei Di Nijepti lene jipim bijiyai jinghuisi di wei cem drek dip Allah nijji je ug ei nisaisi!

LUKAS 14:15

Tirigi tungwagom di yem njita bit yok miap Yesus nipaisi nok lene noni pai bak Yesus “No di bon pesta bit Allah tirigi Noni kwei hanyen nok Nibou Ndig ningon nggei-hi-nggei!”

LUKAS 16:25

Noro Abraham buhup ‘Dipmot na e, ma ayok ngon kep bipia tirigi ayaisi jo yo ne ade mun di amati nya hagom kei bibor kei noro Lazarus ma mun nyeng di kinei nya he. Nogindini noni ningon kei bibor kei ei mpia dini noro atug ndei anghuisi wei nindig bibor.

LUKAS 4:18

“Allah Ninnei ningat rin bit Da lewo Noni ta Da leu binhyepo ditri tut Nihyet Di Kei bak yo di yuhui mbum nya. Noni cuk Da kwei leu binhyepo dibon nituti mem yo di isima nya bigyati kwes hanyen kin yo di igyai tu nya bigyai da hanyen kin awak nya bingwes ngun leu yo di imbuk nya cem ba,

KISAH 14:22

Yoni ibiwin kep yo di ingon jo kep nya ingonti ei minu ndig dima yok leu binhyepo igya ngkiem ba, iba ingon com Yesus kikau. Yoni ingginau timiei nya ei minu ndig dima yok bit leu nok Yesus nipaisi “Mun di buhun mang bibor cut igkep nye di ikak puig di bie ug ei Allah Ninyeng Tak Kepti.”

KORINTUS GI NICAN 6:10

Mbro nok gino mun-mun hi bindei ba, ningon buhun lo, ningon llei sutti ntun nye him kikau. Nuhui mbum tut mun di mipror yon noro nibindei ba, yo di hiter inyeng tut mun di jo gingga. Mbro nok gino tungwatu nya ikan bipia nimbun mun nyeng hi bi lo, ningat ne nimbun mun nyeng hagom.

KORINTUS GI NICAN 8:2

Mun di buhun bibor cut igkep yok bibingon kikep yok. Mbro nok gima lo, ingon llei bibor kikau. Mbro nok gino yuhui mbum bibor lo, iba ide munkwas bingondut yo di hiter.

KORINTUS GI NICAN 8:9

Jikan tut ide Tuhan Yesus Kristus nisingat tut nyeti di nindig bibor. Mbro nok gino Noni nyeng tut mun nyeng hagom lo, kes mun dima yok hagom ei leu bibibon Nonti nuhui mbum drek dip je leu binhyepo ba nuhui mbumti dima bibindei bijinyeng bibor.

TESALONIKA GI NIGOM 1:6

Jiyai bram nyeni niyaisi kin Tuhan cem niyaisi. Mbro nok gino tungwatu nya ihwen bit je lo, jiba jingon di llei biya um Nihyet Di Kei di nitri tut bije. Ningon di llei dima nibousi rino Allah Ninnei di pingok ei jingonti.

TESALONIKA GI NICAN 1:5

Mun dini yok hagom nok bindo tut gima Allah ba ningon sren bimbus tungwatu nya ingonti. Jiyai ninghuisi wei mem Noni ba, gini mibindei bijidem mem gima jicoi bit Allah Ninyeng Tak Kepti.

YAKOBUS 1:12

Tungwa tou rino ningon nddong mpe dino mun di buhun cut igkep noni ne no dima ningon nggei-hi-nggei. Lewo niabiati noni ba ningon di cut leu bi buug bipek nipekti leu api noni miyai niyaijo nijep di jo kikau di Allah preu ei mem yo di ingon ngakei Noni.

YAKOBUS 2:5

He disut bat di dingon kieti jen, ma jiyok ngon kep bipia Allah dimig nuhwap mbum nya ei dihyeisi dini bibindei ba, inyeng tut ide niba ningon com Yesus Kristusti. Yo dima micoi bit Allah Ninyeng Tak Kepti di Noni preu ei mem yo di ingon ngakei Noni.

NINGAT-HI-NGAT NYA 2:9

Dikan tut mun di buhun tak je ba, juhui mbum cem noro jo nibreisi bipia jinyeng bibor! Dikan tut bipia yo di ipai sut yonti bipia yoni ne mben Yahudi rin noro bi dima irom ighyet kui je. Yo dima ne Bilis de limwa nya ri.

SAMUEL GI NIGOM 2:8

Noni kon yo di yuhui mbum nya leu mun di bindei ba, ingon buhun. Noni brim yo di indwau nya leu mun di cut igkep yok leu api bindei ba, ihig isut bit yo di inyeng jei nya leu api igyai inyeng di jei apino hiter inggei sut yok. tuhan ninyeng tak kep cou pmem ei dihyei nikiou nya leu api pai tes mun di jo ei ninjek dip eisi.