LUKAS 6:19 - ALLAH NIHYET MEM TUNGWATU NYA

¹⁹ Tungwatu nya yahagom ingwig kep Yesus leu binhyepo ingget Noni lewo nisindemti di biam kwei leu ningat bindei ba, yahagom ikei hanyen.

LUKAS 6:19 ပူးပေါင်းရင်းမြစ်များ

NIBOU NDIG NYA GI NICAN 13:21

Mpe di gom tungwatu nya di itin ei mem itig nimai gom ingat yo di bigbehei nimpung gom leu minu Moab di itau kep yok kros. Lene ibipbur ba, icom nimai dima ei hak mihyeti di itig Elisa ningut eisi nipou su leu api inang leu. Tirigi nimai dima cut bindei Elisa ninjum rino nimai dima kiju biya pijum lene niyaijo hanyen.

MATIUS 14:36

Ba, ibidip huk Noni leu binhyepo sindui sut yo di inggwen nya bingget Nide sinsun ninggrun he. Apino bikwop yo di ingget Nide sinsun ninggrun yahagom ikei hanyen.

MARKUS 3:10

Noni bindei ba, tungwatu nya imang bibor ikei hanyen. Gima rino yo di inggwen nindigsi nya imang bibor iba yo dek yam leu binhyepo ingget Noni.

MARKUS 5:30

Hammi tirigi Yesus kan lo, nisindemti ndrim hi hei leu ninghuisi rino kiek No kep yo di iba yok dek yam nyen bihig ser yok “Tou ringget Ditde sinsun i?”

MARKUS 6:56

Lene bikwop mpia ttou nsi di Noni tau eisi nok ide hanjop kin minu ndig kin minu mien ne tungwatu nya ittei lat tut yo di inggwen bikes yok ei biyati lene yahara Noni leu binhyepo sindui sut ba, yo di inggwen ingget Nide sinsun. Bikwop yo di ingget Nide sinsun kin ninggrun yahagom ikei hanyen.

MARKUS 8:22

Tirigi Yesus nya yuug krau Betsaida lene tungwatu nya ibou poi icen tungwagom di niyai tu kwei bibidip huk Yesus leu binhyepo Noni bindei ba, no dima kei hanyen.

LUKAS 5:17

Njap poi bu tirigi Noni ngginau tungwatu nya lene Farisi nya kin guru Puig Yahudi nicukti nya di ikwei leu bikwop minu mien hagom ei Galilea kin hanjop Yudea kin minu ndig Yerusalem cem igwam bit Noni. Allah de nisindemti mem gima bindei ba, yo di inggwen ikei hanyen jo ei Noni dip.

LUKAS 6:18

Yo dini induk yam kwei leu binhyepo intu kep Yesus nihyet. Noni bindei yo di inggwen cem ba, ikei hanyen lene jji ninnei rom nya leu yo di ikwei sut ninnei rom di ya ingonti nya.

KISAH 19:12

Leu ba, gino tungwatu ipwoi sinsun nghas kin handuk di Paulus bimangkrei biyuug sut bak yo di inggwen lene gini bindei bikei hanyen ba, ninnei rom nya yehei leu ingonti cem.

PETRUS GI NIGOM 2:9

Noro Allah dimig je nok Nide mben nya kin Nide imam nya di igyai midyai mem ide Nibou Ndig di Allah kin Nide mben di ingon kwes nya kin Nide limwa nya cem. Allah dimig je bihig je kwei leu nidinditi bijicoi ei Nide nipigati di sieng-siau kei leu binhyepo jitri tut Nide midyai di mindur nya.