LUKAS 5:30 - ALLAH NIHYET MEM TUNGWATU NYA

³⁰ Lene Farisi nya kin guru Puig Yahudi nicukti nya ibou poi inso tut yo di igya kui Yesus bihig ser yok “Nggon rino jiyem njita bit yo di igya tindei belasten di igyem tungwatu nya imuhup kin nikinei-kinau nindigsi nya i?”

LUKAS 5:30 ပူးပေါင်းရင်းမြစ်များ

YESAYA 65:5

Imbrua ser tungwatu nya bipai ‘Jiya bileu nye bijingget nye au! Nimbres nye leu je lewo nikwes-kwau!’ Noro diyai ngkek ttin yok bidingon mpo tut yok! Dingon sibui sut yokti dem kep nok hum di sror di imu hanyen kan bi.

MATIUS 5:46

Leu gino jingon ngakei yo di ingon ngakei je he lene mijitug ndei nibiropti di notou leu Allah i? Lewo yo di igya tindei belasten bigyem jimuhup cem igyai nok gima.

MATIUS 9:11

Farisi nya ingat yo dima leu api ihig ser yo di igya kui Yesus “Nggon rino jide guru yem njita bit yo di igya tindei belasten di igyem tungwatu nya imuhup kin yo di ibon sisar nindigsi nya i?”

MARKUS 2:16

Tirigi guru Puig Yahudi nicukti nya di inggre kin nimpung Farisi nya ingat lo, Yesus yem njita bit yo di igya tindei belasten di igyem tungwatu nya imuhup kin yo di map kui yokti nya lene ihig ser yo di igya kui Noni “Nggon rino jide guru yem njita bit nikinei-kinau dima yok i?”

MARKUS 7:3

Farisi nya bitut mben Yahudi yahagom iba ingon di gom bibit idigup bat-idigai bat nya ide ningginausi. Ipiap inda nipou leu api igyem njita.

MARKUS 9:16

Noni hig ser yo di igya kui Noni “Jisrep huk yok tut mindei i?”

LUKAS 18:11

Farisi kiju biya ter lene nggei-nggwang tut nonti bipai ‘Allah e, dipai sigyo biNa lewo dinok yo di igyem kep hiter imuhup kin yo di iris igkei nya kin yo di icut tut sop nya kin no di ya tindei belasten biyem tungwatu nya imuhup dima bi.

LUKAS 19:7

Tirigi nindigsi ingat gima tu lene yahagom inso tut bipai “Mei! Yesus ug bong bit no di kinei-kinau!”

LUKAS 5:17

Njap poi bu tirigi Noni ngginau tungwatu nya lene Farisi nya kin guru Puig Yahudi nicukti nya di ikwei leu bikwop minu mien hagom ei Galilea kin hanjop Yudea kin minu ndig Yerusalem cem igwam bit Noni. Allah de nisindemti mem gima bindei ba, yo di inggwen ikei hanyen jo ei Noni dip.

LUKAS 5:21

Guru puig timiei kin Farisi nya sindi isimbot kep biyam bipai “No di nihyet wer mpiahi tut Allah dini tou rin i? Lewo Allah Nongkom sindem mem gima kos ser sisar a.”

LUKAS 7:34

Tirigi Munggwom Tungwatu Nipmot ttau kwei lene Noni yem njita bidut ndia ngei cem noro jisrep bijipai ‘Jingat i! Yesus ninghop bou bidut ba anggur ngei nindig bibor cem ba, hig nisut bit yo di igya tindei belasten bigyem tungwatu nya imuhup kin yo di ibon sisar nindigsi nya.’

LUKAS 7:39

Tirigi Farisi di ngei njita mem Yesus ngat igbit sop dima niyaisi dima lene kan-kan nyen ei ningonti “Gino No dini ne nabi di nijit rin lene Noni kan tut bipia sop di ngget Noni dima ne sop di bon kep sisar ri.”

KISAH 23:9

Ighyet hwen yam nindig bibor nok rino guru Puig Yahudi Nicukti nya ibou poi di inggre kin nimpung Farisi nya ikiju bigya leu api iba ighyet di ten bipai “Bit leu nyeni ningon kanti ne no dini yai mun tunggwei hi bi. Jo nibreisi bipia malaikati kin ninnei hi cem mbrap bit noni tu!”