LUKAS 5:29 - ALLAH NIHYET MEM TUNGWATU NYA

²⁹ Mpe dima lene noni bon pesta nindig bibor ei nide ig mem Yesus ba, yo di igya tindei belasten bigyem tungwatu nya imuhup nindigsi nya kin yo di hiter imang bibor induk yam kwei ba, igwam bit Yesus bigyem njita.

LUKAS 5:29 ပူးပေါင်းရင်းမြစ်များ

MATIUS 11:19

Tirigi Munggwom Tungwatu Nipmot tau kwei lene Noni yem njita bidut ba anggur ngei cem noro tungwatu nya isrep bipai bu ‘Jingat i! Ninghop bou ba, dut ba anggur ngei nindig bibor lene hig nisut bit yo di igya tindei belasten bigyem jimuhup kin yo di ibon sisar nindigsi nya isut cem.’ Mbro nok gima lo, Allah ndo bindo tut ningon kiti tug hon Nide midyai.”

MATIUS 5:46

Leu gino jingon ngakei yo di ingon ngakei je he lene mijitug ndei nibiropti di notou leu Allah i? Lewo yo di igya tindei belasten bigyem jimuhup cem igyai nok gima.

MATIUS 9:10

Tirigi Yesus yem njita bit Matius ei nide ig lene yo di igya tindei belasten di igyem tungwatu nya imuhup kin nikinei-kinau nindigsi nya imang bibor induk yam kwei ba, igwam bit Yesus kin yo di igya kui Noni.

MATIUS 9:9

Lene Yesus jo leu mpia dima bimbut-mbut nyen. Noni tau kep Matius tirigi noni gwam ei nide kintrorti ba, ya tindei belasten biyem tungwatu nya imuhub. Yesus hig noni “Akwei bit Da.” Lene Matius kiju bibit Noni bihigom.

MARKUS 2:15

Tirigi Yesus yem njita bit Lewi ei nide ig lene yo di igya tindei belasten bigyem tungwatu nya imuhup nindigsi nya kin yo di map kui yokti nya imang bibor induk yam kwei bigwam bit Yesus kin yo di igya kui Noni. Lewo yo di imang bibor ijop bram Yesus.

LUKAS 15:1

Mpe di gom bu yo di igya tindei belasten bigyem tungwatu nya imuhup kin yo di ikinei-kinau nindigsi nya ikwei bingig itingou mem Yesus nihyet.

YOHANES 12:2

Yo dima ingei njita mem Yesus nikweisi. Marta hati tut yok bitri njita tut yok. Lazarus cem gwam bit yo di igwam kui meja bigyem njita bit Yesus.

KORINTUS GI NIGOM 10:27

Gino no di ningon tindur ngei njita hi bina ba, ajoi sut gima ayem njita bit noni lene ma ayem njita di noni ngei bina hak ug. Ma ahig ser noni tut njita nikwei leusi au. Leu binhyepo angon bei huk niti tut njita dima bi.