LUKAS 5:20 - ALLAH NIHYET MEM TUNGWATU NYA

²⁰ Tirigi Yesus ngat lo, iba ingon com Noni nindig bibor nok rino pai bak no di las hwen “He mot de ug o, dikos ser ade sisar.”

LUKAS 5:20 ပူးပေါင်းရင်းမြစ်များ

NITRITI 22:12

Lene tuhan nihyet tibim ei malaikati dima nuhui him bipai “Ma akes anda leu apmot lene angget noni au. Nogindini dikan tut bipia akuk na biDa ba, apwoi dingona. Lewo angon tak kep apmot gom ngat dima leu Da bi.”

YESAYA 38:17

Dingon nggukti minggek binok nibong kei nigwam keisi. Ateu da bidingwes ngun leu mun di buhun di cut igkep da. Akos ser ditde sisar nya hagom tu.

MATIUS 9:2

Tungwatu nya ibou poi di ittei lat tut no di las hwen gom ikwei ndam Yesus ei mpia dima. Tirigi Yesus ngat lo, iba ingon com Noni bibor lene pai bak no di las hwen “He mot de ug o, dwai! Dikos ser ade sisar.”

MATIUS 9:5

Lewo gi tou rikrop i? Dipai ‘Dikos ser ade sisar’ e, he dipai ‘Akiju ba, ambut hak ug’ e?

MARKUS 2:5

Tirigi Yesus ngat lo, iba ingon com Noni lene pai bak no di las hwen “He mot de ug o, dwai! Dikos ser ade sisar tu.”

LUKAS 7:48

Lene Yesus pai bak sop dima “Dikos ser ade sisar tu.”

YOHANES 2:25

Noni suar tungwa hi bipai sut tungwatu nya ingonti biNoni bi lewo Nonti kan bidem tut mun di jo ei yahagom ingonti.

YOHANES 5:14

Niabiati bu lene Yesus ttau kep noni ei Tuhan De Ig bisok kep noni “Amiap e, akei hanyen tu noro ma abon sisar bu au. Leu binhyepo mun di kinei bibor bu micut igkep na hanyen bi.”

KISAH 11:23

Tirigi noni kwei krau bingat lo, Allah singat tut yok lene ningon llei bibor. Lene noni pingok yo dima ingonti leu binhyepo iba ingon titut yam bingon gom tut Tuhan.

KISAH 14:9

No dini gwam jug bingig nitingou mem Paulus nihyet. Paulus ngat lo, no dima ningon jo kep ba, dem mem gima noni kei hanyen. Gima rino Paulus tou kep noni nggilun,

KORINTUS GI NICAN 2:10

Gino jikos ser hi nide mun di yai tunggwei ne bitut dani cem ba, dikos ser tu. Lewo tut mun di dikos ser tu (gino ningat ne suar dikos ser mun nyeng hi) ne dikos ser ei Kristus niyai him lewo disingat tut je.

KOLOSE 3:13

Ma jiwok yam au. Gino jibihi jipai yam kinei lene ma jikos ser jide sisar di jibon tunggwei sut yam biyam. Tuhan ba ningon di llei bikos ser jide sisar tu. Gima rino ma jikos ser sisar di jibon tunggwei sut yam biyam.

YAKOBUS 2:18

Nok gino hi pai “Hi biyai hamem niba ningon comti lene hi biyai hamem niyai munti nya.” Dibuhup no dima nihyet “Ando brei bida tut notou tungwagom biyai hamem niba ningon comti lo, biyai hamem niyai munti nya cem tut bi i? Noro tut dani ne midindo ditde niba ningon comti tug hon diyai munti nya.”