LUKAS 24:47 - ALLAH NIHYET MEM TUNGWATU NYA

⁴⁷ Leu api suar tungwatu nya itri tut nittin ser sisar kin nikiek ndam Allahti kin nihyet tut nikos ser sisarti tug hon Nibou Ndig di teu tungwatu nya biyai niyaijo nijep biyok ninyeng bak tungwatu dihyeisi dini hagom lo, ikinyon eisi ei minu ndig Yerusalem bibie ug e.

LUKAS 24:47 ပူးပေါင်းရင်းမြစ်များ

NITRITI 12:3

Midinjei mun di kei bak yo di injei mun di kei bak nani. Noro midisigion yo di isigion nani bu. Midinjei mun di kei bak mben dihyeisi dini hagom tug hon nani.”

MAZMUR 22:27

Nuhui mbum nya mikwei yem njita bindei yok bit leu ingon kanti. Yo di induk yam kwei ndam Na yahagom minggei sut Na di tuhan. Dijoi sut gima jibong kei jigwam kei bijo ninno bijo kikau!

MAZMUR 67:7

Njita ngat ningat bidem ide miaisi nya hagom tu. Nyende Allah njei mun di kei binye tu.

MAZMUR 86:9

tuhan e, mben ngkiai di apai tes yok nya yahagom mikwei kuk yok biNa bikon anyeng di jei bibor.

YESAYA 11:10

Njap ngon bou midem leu api nibou ndig di ntun Daud him mindo bindo tut nibiyok ngon kepti mem mben yahagom. Yoni minduk yam kwei ndam noni bikon nide minu ndig ninyeng bijo anai.

YESAYA 49:22

tuhan Di Ninyeng Jei Bibor pai bak Nide limwa nya “Midiyai bindo bak keret dihyeisi dini hagom di bindei ba, ibuwak jimunggwom bat nya hanyen kwei. Yoni miyohon jipmot bat nya bikon jipmisop bat nya bikes yok ei inghat dip kwei ndam je hanyen.

YESAYA 49:6

Noni pai bida, “Ditde awak e, midindo midyai nindig bibor bu bina leu binhyepo akinyon eisi. Abindei ba, yo di intun Yakub him nindigsi nya mingkwei hanyen ndam Dani ba, apui ahyet tut keret Israel nya ide ninyeng jeisi he bi. Noro midibindei ba, ade nipigati piga digai ngkiai nya leu binhyepo yahagom igyai gi teu leu sisar kin niyaijo nijep.”

YESAYA 5:4

Notou dinyohou miai ba anggur dima bu i? Lewo dimpig bou kep bidicom dahanggwap tut wer ninno tu. Nggon rino anggur dima ngat ningat di hyenha lene ngat ningat di nyop kei hi biDa bi i?

YESAYA 52:10

tuhan mindo Nide nisindemti brei bou mben ngkiai di dihyeisi dini hagom igyai him tirigi Noni teu Nide limwa nya bingwes ngun.

YESAYA 52:15

Noro tini bu ne ngkiai nya imang bibor minggap leu tut noni ba, nibou ndig nya minga leu tut noni bikimut yuhuigya. Yoni mingig igyai kep noni leu api ingon dor niti tut mun di nipou ikan tut bi sren a.”

YEREMIA 31:34

Mpe dima lene ingginau isut bat nya bitri tut ighyet bak ide bat nya nok gini bu bi, ‘Suar aba angon bisrip tut tuhan.’ Lewo yo di inyeng jei nya kikau ug bipek kin yo di ibon inyeng bi nya yahagom iba ingon bisrip tut tuhan tu. Midikos ser ide sisar bidiyok ngon kep ide mun di igyai tunggwei nya bu bi. Da di tuhan disimbot dat tu.”

DANIEL 9:24

Allah kos tut bipia ug ei nijam ari bingwam nitindur sratus bitai ningot muhwindatai ne Noni kwek asut bat mben Israel nya kin jide minu ndig di kwes-kwau dima leu sisar kin mun di mbuk nya ri. Noni kos ser sisar leu api ta ninyeng tak kepti di sren-srau di jo ninno bijo kikau leu binhyepo ningat-hi-ngat bitut nimbot kepti dima dem igbit ba, Nide limwa nya ipiga tuhan De Ig di kwes-kwau hanyen ei mem Noni.

HOSEA 11:8

tuhan pai “Je di mben Israel e, bit bon disindui sut je bidikes je ei kan bi. Mbro nok gino dibindei ba, mben Adma isar bingwig ba, dibibon mben Zeboim kinei lo, gino dibibon je nok gima ne gima dem dingon bi lewo dingondut je nindig bibor!

HOSEA 2:23

Midita Ditde limwa nya ei ide minu leu api yoni mibong kei migwam kei eisi. Midindo brei bou igyai him bipia dingon ngakei yo di dijem inyeng ‘Yo Di Hi Ngondut Bi’ pima. Midipai sut yo di dijem inyeng ‘Ditde Limwa Bi’ pima inyeng ‘Jinok Ditde limwa nya.’ Leu api ibuhup ‘Nani ne nyende Allah ri.’ ”

MIKHA 4:2

bipai cuk yam “Jikwei ba, ikui ug ei tuhan de nungug tou kin Allah mben Israel De Ig cem! Noni mingginau nye tut ningon kanti mem nye leu api ikak puig di Noni tin mem nye lewo tuhan nipingok tungwatu nyati tibim kwei leu minu ndig Yerusalem ba, Noni ya ei mbigdip Sion bimbrap bit Nide limwa nya.”

MALEAKHI 1:11

Mben dihyeisi dini nisurti-nipekti hagom inggei sut Da. Yoni indig biei nggrai di ui-gwang kei bibikon dinyeng lene iba mun di ibikuk yok biDa bibon midut igbit bidem minu lewo yahagom ikon dinyenga!

MATIUS 28:19

Gima rino ma je juug ba, jibindei tungwatu dihyeisi dini hagom bibit Da leu api jitur yok ei minyeiti tug hon ninyeng Nicig kin Nipmot kin Ninnei Gi Kwes.

MATIUS 3:2

Noni tri tut biyok “Ma jittin ser jide sisar bijikiek je ndam Allah lewo Allah Ninyeng Tak Kepti dideu kwei su.”

MATIUS 9:13

Je juug ba, jihig yam ser ningginausi tut Allah nihyet di pai binye ‘Dijoi sut ningondut yamti nindig bibor dor njiriek nikos mindhe tut ninggromti’. Lewo dikwei mem gima dinduk yo di ikan bipia ikei-kau nya bi noro mem gima dinduk yo dino hiter irok yok ei itta.”

LUKAS 13:34

Ayo! Je di mben Yerusalem e, jikimukep nabi nya! Jiba tig bihwen yo di Allah cuk yok kwei ndam je! Dipi bidinggriou jahagom bit leu nok kuke di kieng ninyehei gau nimien nya noro jikou sut Da.

KISAH 10:43

Nabi nya yahagom ipui sut Noni nipou su. Ba, itri tut ‘Bikwop tungwatu tou rino ningon jo kep Yesus lene Allah mikos ser nide sisar tug hon Yesus de nisindemti.’ ”

KISAH 11:18

Tirigi mben Yahudi pima yok imiap Petrus nihyet lene itte tut noni bu bi. Lene inggei sut Allah bipai biyam “Gi nok ne Allah bon nituti mem ngkiai nya ittin ser ide sisar bikiek ndam Allah bigyai niyaijo nijep cem.”

KISAH 13:46

Noro Paulus kin Barnabas ibrim ingkek kep yok bibuhup “Suar nitri tut Allah nihyet bije nipou bibie ug e. Noro jenti jikos tut bipia jidem mem jiyai niyaijo nijep bi drek dip gi jikou sut nihyet dima. Gima rino nogindini nikes je ei leu ba, nitri tut nihyet bak ngkiai nya.

KISAH 2:38

Petrus buhup “Ma jittin ser jide sisar bijikiek ndam Allah bibikwop tungwagom-gom leu ba, jiyai nitur je ei minyeiti tug hon Yesus Kristus ninyeng apino Allah mikos ser jide sisar. Gima ngwig leu leu api Allah miyai Nonti Ninnei bije.

KISAH 20:21

Disok kep mben Yahudi kin ngkiai nya ngkiem leu binhyepo ittin ser ide sisar bikiek bak Allah ba, ingon jo kep Tuhan Yesus cem.

KISAH 26:18

leu binhyepo apiga igyai ba, acen yok leu nidinditi ug ei nipigati. Leu binhyepo Bilis ninyeng tak kep yok bu bi noro Allah ninyeng tak kep yok. Allah mikos ser ide sisar tug hon ide niba ningon com Dati apino inggre kin Allah de limwa di Noni dimig ei su nya.’ ”

KISAH 26:20

Ditri tut nihyet bak tungwatu nya bipia suar ittin ser ide sisar lene iba ingon com Allah ba, iba igyai munti nya cem bindo brei bipia ittin ser ide sisar. Ditri tut nihyet dini ei minu ndig Damsyik nipou leu api ei minu ndig Yerusalem lene bidem hanjop Yudea cem ba, kikau ug bipek ngkiai nya.

KISAH 28:28

Leu api Paulus pai nihyet gi ningwigsi bitak kep biyok “Ma jiyok ngon kep bipia nogindini nihyet tut Allah di teu tungwatu nya leu sisar dima tibim ug ei ngkiai nya itingou nsi tu. Yoni mibit nihyet dima!” [

KISAH 3:19

Gima rino disut bat jen, ma jittin ser jide sisar bijikwei hanyen ndam Allah leu binhyepo Noni ciu ser jide sisar.

KISAH 4:12

Tungwatu nya igyai niteu leu sisarti kin niyaijo nijep tug hon Yesus Nongkom he. Lewo tungwa hi leu tungwatu nya ikieti ei dihyeisi dini nisurti-nipekti hagom gi yai nisindemti leu Allah mem gima teu nye leu sisar kan bi.”

KISAH 5:31

Lene Allah kon Noni bigwam kui ninda com biyai nisindemti biNoni cem. Allah ndo Noni nok Nibou Ndig kin No di teu tungwatu leu sisar biyai niyaijo nijep biyok cem. Tug hon nisinati dima lene Allah bon nituti kin nikwesti mem mben Israel ittin ser ide sisar bikiek ndam Allah leu api Noni mikos ser ide sisar.

ROMA 5:20

Allah Nonti yai Puig Yahudi niggai serti bak mben Yahudi. Mbro nok gino tungwatu nya ibingon mem gima ibit Puig Yahudi niggai serti lo, ikum ei nipigau Puig Yahudi niggai serti ba, ibon sisar ei Allah niyai him. Mbro nok gino ikum ei ide nibon sisarti nindig bibor lo, Allah kum ei nisingat tut yokti nindig bibor bu.

EFESUS 1:6

Jikwei ba, inggei sut Allah di ninyeng jei drek dip nisingat tut nyeti di Noni njei bak nyeni tug hon Nipmot di Noni ningon him ngi-ngat!

EFESUS 3:8

Allah de limwa nindigsi nya yahagom inyeng jei dor njiriek da lewo dibon dinyeng bi. Mbro nok gima lo, Allah ba ningon com da tut midyai di bon ninyeng. Midyai dima ne midyai nitri tut Nihyet Di Kei tut mun di bitut Kristus di bon nibok di bit bon ug hon nohonti kan bi bak ngkiai nya.

KOLOSE 1:27

Allah ningon kanti mem Nide limwa nya rino joi sut mbot kep tut Nide nimimun di kei-kau kin mindur di Noni bet ei mem tungwatu nya biyok. Nimimun dima ne Kristus ningat rin ei jingonti gi bindo tut bipia jinyeng tut mun di mindur hagom di Noni tin ei mem je.

YOHANES GI NIGOM 2:12

Dimunggwom bat jen, dipas kep srat dini bije lewo Allah kos ser jide sisar drek dip Kristus tu.