LUKAS 24:32 - ALLAH NIHYET MEM TUNGWATU NYA

³² Yoni inga leu bipai biyam “Noni mbrap bit sa bindo igbit Allah Nihyet bisa ei puig sinon pima lene nihyet tot singonti bi e?”

LUKAS 24:32 ပူးပေါင်းရင်းမြစ်များ

MAZMUR 104:34

Dijoi sut gima Noni joi sut doia di tibim ei duhui him lewo Noni bindei ba, dingon llei bibor.

MAZMUR 39:3

Dikimut duhui ba, digwam bidimmou kei leu api gima buhun mem danti. Leu api dinghuisi wei di buhun tak da bikum eisi.

NIPINGOK NINGONTI 27:17

Tukan nya iba ngkimom nitu bitug ngkimom nitu. Nok gima cem tungwatu nya ipikor tut igyai kepti nya leu yam.

NIPINGOK NINGONTI 27:9

Mini mbris kin mini di ui-gwang kei di bindei ba, tungwagom yai nillei lene gima noyam kin asut di ningon gom di biwin kep angonti.

YESAYA 50:4

tuhan Di Ninyeng Jei Bibor ngginau da lene bindei ba, diji ngkiem leu binhyepo dihyet mibiwin kep yo di inghuisi wei nya ingonti. Noni bindei ba, dingon bisau sut Nide nipingok dati nya bikwop njap bigyoti.

YEREMIA 15:16

Ambrap bit da leu api dimiap kep ahyet hagom. tuhan Allah Di Sindem Bibor e, diceu riNani. Gima rino ahyet bindei ba, dingon kei bibor bidingon nggei-hi-nggei.

YEREMIA 20:9

Ne gino dikan “Nna ba misingon prion ser tuhan hak ug ba, sitri tut nihyet tug hon Nonti ninyeng bu bi.” Noro ahyet noyam kin hum mbom di drit ei dingon bei. Dibingon mem gima diku ahyet ei dingonti noro dindei bi.

YEREMIA 23:29

Dihyet noyam kin hum kin apak di ki tig biki kukiau cem!

MARKUS 4:34

Yesus ba nihyet nibiti nindati bingginau tungwatu nya bikwop ug. Noro Noni mbot kep tut nihyet nibiti nindati dima hagom tirigi Noni kin yo di igya kui Noni induk yam bigwam biyongkom.

LUKAS 24:45

Leu api Noni bindei ba, ingon dor niti leu api ikan igbit tut Allah ningon kanti di tug hon Nihyet.

YOHANES 6:63

Allah Ninnei Nongkom yai niyaijo nijep bak tungwatu nya. Tungwatu nya ide nisindemti dem mem bi. Dihyet di dipai bije bindei ba, jiyai Allah Ninnei bitut niyaijo nijep di jo kikau ei jingonti.

KISAH 28:23

Gima rino Paulus kin yoni ipreu ei mem yam tut njap gom dima imbus yam ei. Tirigi tto bou dima dem lene imang bibor induk yam kwei ei nide ig bei. Ba, noni nyohou tri tut nihyet biyok bimbot kep tut Allah Ninyeng Tak Kepti biyok mem mpia nipriti kikau ug bipek mpia nicutti kep. Noni ba ayat di kus leu Puig Yahudi nicukti nya kin Nabi nya ide srat nya cem bipingok yok lene biyai ba, yoni ingon jo kep Yesus.

IBRANI 4:12

Lewo Allah nihyet ne nihyet di niyaijo ba, sindem bibor ba, nggwen bibor dor njiriek singau simeda di bon ninggwenti bei ninghim-noho cem. Nihyet dima tot kikau ug ei ingwes kin innei nijoti cem kikau ug ei injum tuti kin inggus nipek yamti cem ba, sindem mem gima hit mimun di jo ei ingonti kin ibou ngwakti.