LUKAS 24:30 - ALLAH NIHYET MEM TUNGWATU NYA

³⁰ Tirigi Noni gwam kui meja biyem njita bit yok lene Noni krau roti bipai sigyo kep bak Allah biki kukiau tut yok.

LUKAS 24:30 ပူးပေါင်းရင်းမြစ်များ

MATIUS 14:19

Lene Noni cuk tungwatu ningot ndig dima yok bigwam sinsiou ei abris nghousi leu api krau roti nindak muhwi kin wau can dima bitou kep ginyo kug lene pai sigyo kep bak Allah. Lene Noni ki roti kukiau biyai bak yo di igya kui Noni leu api ibitri tungwatu nya.

MATIUS 15:36

Lene Noni krau roti nindak muhwindacan kin wau pima bipai sigyo bak Allah kep leu api ki kukiau bak yo di igya kui Noni ba, ibitri tungwatu nya.

MATIUS 26:26

Tirigi igyem njita lene Yesus yai roti nindak gom bipai sigyo kep. Leu api ki bitri yo di igya kui Noni bipai biyok “Jiyai roti dini ba, jiyem ug lewo gini ne dinghui ri.”

MARKUS 14:22

Tirigi igyem njita lene Yesus yai roti nindak gom bipai sigyo bak Allah kep. Leu api ki bitri yo di igya kui Noni bipai biyok “Jiyai roti dini bijiyem ug lewo gini ne dinghui ri.”

MARKUS 6:41

Lene Noni krau roti nindak muhwi kin wau can bitou kep ginyo kug lene pai sigyo kep bak Allah. Noni ki roti kukiau bak yo di igya kui Noni leu api ibitri tungwatu nya. Nok gima cem kwas wau can tut yahagom bigyem.

MARKUS 8:6

Gima rino Yesus cuk tungwatu ningot ndig dima yahagom bigwam jug ei dihyeisi lene Noni krau roti nindak muhwindacan bipai sigyo bak Allah kep leu api ki kukiau bak yo di igya kui Noni leu binhyepo ibitri tungwatu nya. Lene yo di igya kui Noni igyai mun bit leu nok Yesus nicuk yoti.

LUKAS 22:19

Gima ne Yesus yai roti nindak gom bipai sigyo bak Allah kep lene ki bitri yok bipai “Jiyai roti dini bijiyem ug lewo gini ne dinghui di dikes ei mem je ri. Ma jiba midut dini biyok ngon kep Da.”

LUKAS 24:29

noro yo cin dima ibrim ingkek kep bipai biNoni “Ma akwei bong bit nye lewo mpia jinjui su ba, mmun tu.” Gima rino Noni bit yok ug ei ide ig.

LUKAS 24:35

Lene yo cin ipui sut mun di pek kep mem yok kak puig sinon kin notou ingat igbit Yesus tirigi Noni ki roti tut yok cem.

LUKAS 9:16

Lene Noni krau roti nindak muhwi kin wau can bitou kep ginyo kug bipai sigyo kep bak Allah. Leu api Noni ki roti kin wau biyai bak yo di igya kui Noni ba, ibitri tungwatu nya.

YOHANES 6:11

Lene Yesus krau roti nindak muhwi bipai sigyo kep bak Allah leu api kki bitri yo di igwam ei mpia dima yahagom. Nok gima tut wau cem ba, Noni pai sigyo kep leu api bitri yok ba, yahagom igyem njita bindei yok.

KISAH 2:42

Ba, iba ingon gom bipikor tut yo di igya kui Yesus ighyet kikau bigyem njita ba, ingat nadi bit yam cem.

KISAH 2:46

Yahagom idem yam ei Tuhan De Ig bikwop njap-njap leu api iba ingon llei bibor biyem njita bit yam ei ide ig bei ba, ingon gom cem.

KISAH 27:35

Paulus pai nok leu lene yai roti nindak gom bipai sigyo kep bak Allah bou yahagom igyai him leu api ki roti dima biyem.